1/16/2019
Today from Hiiraan Online:  _
Wararka Maanta- Sabti, Jan 12, 2019
Munaasabad lagu daah-furayey Bank cusub oo lagu magacaabo DARYEEL oo lagu qabtay London



Sabti, Janaayo, 12, 2019 (HOL)– Munaasabada ballaaran oo lagu daahfurayey Bankiga cusub ee Daryeel Bank oo ay leedahay Shirkadaha Xawaalada Iftin Group ayaa lagu qabtay magaalada London ee dalka Britain, iyadoo isla munaasabadan lagu soo bandhigay adeega cusub ee (YEEL app).

Xafladan oo si heer sare loo soo agaasimay ayaa waxaa ka qeyb galay ganacsato, aqoonyahano, odayaal, haween iyo qeybaha kala duwan ee Jaaliyadda Soomaalida ee ku dhaqan dalka magaalada London.

Aadan C/llaahi Ilkacase Guddoomiyaha Shirkadda Iftin Group oo Bankigan cusub faah faahin ka bixiyey ayaa sheegay in Daryeel Bank uu yahay Banki ka diiwaan-gashan Bankiga dhexe ee Somalia, ayna u dhameystiran yihiin shuruudaha looga baahan yahay Bankiyada caalamiga ah.

“Bankiga daryeel waxaa uu hoos tagaa Shirkadda xawaalada Iftin Group, waxaana uu laamo ku leeyahay gudaha Somalia, isagoo ka barbar shaqeyn doona dhamaan laamaha xawaalada Iftin ku leedahay caalamka” ayuu yiri guddoomiyaha oo dhinaca kale sheegay iney soo kordhiyeen adeeg cusub qofka u sahlaya inuu lacag diro isagoo gurigiisa ama xafiiskiisa jooga, kuna helayo haddii loo soo diro.

Ingineero Soomaaliyeed oo ay ka mid ahaayeen Maxamed Cige iyo Mahad C/llaahi ayaa dadkii ka soo qeyb galay xafladaas sharaxaad ka siiyey qaabka uu shaqeeyo barnaamijka cusub ee (YEEL-app) oo daryeel Bank uu ugu talo galay dadka Soomaaliyeed iney lacag diraan ama ku helaan lacag loo soo diray iyagoo aan tegin xafiis xawaaladeed.

Waxaa sidoo kale ka hadlay Munaasabadan ka hadlay Gudoomiyaha Bankiga Daryeel Xaamid Aadan Ibraahin oo isna sheegay in Daryeel Bank uu yahay Bankiga lixaad ee ka diiwaan gashan Somalia, awoodna u leh inuu u shaqeeyo sida Bankiyada kale ee la aqoonsan yahay, isagoo ugu baaqay iney ka faa’iideystaan adeegyada ay bixinayaan.

“Bankiga daryeel waxyaabaha uu kaga duwan yahay Bankiyada kale ee Soomaalida waxaa ka mid ah Adeega YEEL oo dadka isticmaalaya u fududeynaya iney si sahlan lacago isugu diraan iyagoo aan tegin xarun xawaaladeed, waana adeeg aad u horumarsan oo ilbiriqsiyo gudahood lacagta ku gaarsiinaya meeshii loogu talo galay” ayuu yiri guddoomiyaha Bankiga Daryeel.

Waxaa sidoo kale munaasabadan ka hadlay madaxda Teknolojiyada iyo amniga ee Bankiga Daryeel Abdisalan Mohamed Ahmed oo ku dheeraaday kalsoonida lagu qabi karo adeegan iyo sida haboon ee looga faaiideysan karo.

Dadkii ka soo qeyb galay xafladan ayaa  u riyaaqay Bankiga Daryeel iyo adeega cusub ee uu soo bandhigay, iyagoo ku amaanay dedaalka ay Shirkadda Iftin Group ku bixisay sidii ay u qancin laheyd macaamiisheeda iyo dhammaan dadka Soomaaliyeed, iyagoo ku booriyey shirkadda Iftin iyo Bankiga Daryeel iney halkooda ka sii wadaan dedaalkooda.

C/raxmaan Diini, Hiiraan Online
[email protected]

 







Click here
1/12/2019 3:16 PM EST
Sabti, Janaayo, 12, 2019 (HOL)– Natiijada rasmiga ah ee doorashada baarlamaaniga ah ee Jamhuuriyadda Dimuqraaddiga ah ee Congo oo la shaaciyay ayaa waxaa inta badan kuraasta ku guuleystay xisbiyada xulafada la ah madaxweynaha xukunka ka sii degaya, Joseph Kabila.

1/12/2019 12:54 PM EST
Sabti, Janaayo, 12, 2019 (HOL)–Guddoomiye ku-xigeenka guddiga doorashooyinka Qaranka Sayid Cali Sheekh Maxamed ayaa waxba kama jiraan iyo sharci darro ku tilmaamay qoraal ka soo baxay xubno ka tirsan guddiga doorashada Qaranka oo lagu sheegay in laga qaaday xilkii uu ka hayay guddiga ee guddoomiye ku-xigeenka.

1/12/2019 10:36 AM EST
Santi, Janaayo, 12, 2019 (HOL)-Xisbiga UCID ayaa sheegay in xisbigooda iyo kulmiye isku raaceen inay doorashadda golaha Wakiiladu dhacdo dhamaadka sanadkan, halka xisbiga WADANI ku gacan saydhay heshiishkooddaasi.

1/12/2019 9:18 AM EST
Sabti, Janaayo, 12, 2019 (HOL)-Abwaan Cabdiraxmaan Abees oo ka mid ah hal abuurka dhallinyarada ah ayaa maanta xabsiga loo taxaabay ka dib markii uu xalay magaaladda Hargeysa ku soo bandhigay suugaan uu ku dhaliilay dawladda iyo dhibaatooyin uu ku arkay xabsiyadda wadanka ku yaal.

1/12/2019 2:52 AM EST
Sabti, Janaayo, 12, 2019 (HOL)-Guddiga Madaxa bannaan ee doorashooyinka Qaranka ayaa xilka qaadis iyo xubinnimada in ay ka saaraan isugu daray Guddoomiye ku xigeenka Guddiga uu lahaa.

1/12/2019 2:43 AM EST
Sabti, Janaayo, 12, 2019 (HOL)-Basaboorka Soomaaliga ayaa loo aqoonsaday in uu yahay mid ka awood badan Pasaboorka dalalka Afghanistan iyo Iraq sida lagu sheegay warbixin ay soo saartay hay'adda Henley Passport

1/12/2019 2:23 AM EST
Sabti, Janaayo, 12, 2019 (HOL)-Maxkamada Ciidamada qalabka sida ayaa maanta waxaa ay xukun ku riday askari lagu magacaabo Maxamed Cabdullaahi Maxamed (Kumbud) ,kaasi oo loo heysto in uu dil u geystay Marxuum Dayax Iimaan Xasdan 21-ka bishii sagaalaad 2018, waxaa uuna dilkaasi ka dhacay aga-gaarka Seybiyaano degmada Hodan ee Gobalka Banaadir.

1/12/2019 12:21 AM EST
Sabti, Janaayo, 12, 2019 (HOL) – Hay’adda UNHCR ayaa sheegtay in dowladda Canada aqbasha in ay magan-galyo siiso Raxaf Maxamed al-Qunun taasoo loo aqoonsaday in ay Qaxooti tahay kaddib markii ay ka soo baxsatay reerkeeda.

1/12/2019 12:02 AM EST
Sabti, Janaayo, 12, 2019 (HOL)–Xoghayaha Difaaca dalka UK Gavin Williamson ayaa lagu waramayaa in uu baajiyay safar uu ku iman lahaa magaalada Muqdisho iyo kulan lagu waday in uu la qaato madaxweyne Maxamed Cabdullaahi Farmaajo sida lagu daabacay Wargeyska Independent ee ka soo baxay dalka Britain.