1/16/2019
Today from Hiiraan Online:  _
Wararka Maanta- Sabti, Jan 12, 2019
Xisbiga UCID oo Guurtidda usoo jeediyey inay muddo kordhintooda ku saleeyaan heshiishkii labada xisbi


 

Santi, Janaayo, 12, 2019 (HOL) - Xisbiga UCID ayaa sheegay in xisbigooda iyo kulmiye isku raaceen inay doorashadda golaha Wakiiladu dhacdo dhamaadka sanadkan, halka xisbiga WADANI ku gacan saydhay heshiishkooddaasi.

Xisbiga UCID ayaa sheegay inuu dhexdhexaadin ka gallay sidii doorashaddu aanay u dhaafin sanadkan, balse xisbiga WADANI ku eedeeyey in aanu doonayn in ay doorashaddu dhacdo, isagoo ka sheekeynayey marxalado kala duwan oo isla soo mareen sadexda xisbi waxa uu yidhi “Waxaanu dhawr jeer kullanay xisbiga WADDANI, waxaan usoo jeediyey in iyaguna komshinkan ay kala diraysaa ka tagaan, KULMIYEna aan ka soo dhameeyo in mucaaradka laba xubnood oo dheeraad ah loogu daro Komishanka, markii aanu arrintaasi isla qaadanay ee saddexdii xisbi isku yimaadeen, waxaanu isku dhagaysanay labadooda xisbi markii ay doodayeen ee is mari waayeen ayaanu soo dhexgallay oo aan soo jeedinayey talayadii, KULMIYE wuu diiday ka dib sidaas baan uga soo baxnay oo waydinkii ogaa dagaalkayagu halkii uu marayey”.

Haseyeeshee waxa uu sheegay in ugu dambeyn ku heshiiyeen in aan doorashaddu dhaafin sanadkan dhamaadkiisa, waxaanu golaha guurtida oo loo soo gudbiyey inay u kordhiyaann golaha wakiilada ka codsaday inay ku saleeyaan muddo kordhinta heshiishkii labada xisbi ka gaadheen arrimaha doorashooyinka.

“guurtidda waxaan leeyahay shacabku qaatiyaan buu ka taagan yahay xildhibaano aan ku noqon deegaankii lagu soo doortay oo aan waxba u tarin iyo muddo kordhin kolba dib u dhacda ee waa inay tixgaliyaan heshiihskii xisbiga kulmiye iyo UCID ee aanu ku heshiinay inay doorashada goleyaaashu dhacdo November,2019.”ayuu yidhi Faysal Cai Waraabe.

Dhinaca kale, Xisbiga WADANI ayaa sheegay in aanay doorasho saddexda xisbi ku heshiin aanay galeen, isla markaana uu qaadacay komishanka doorashooyinka hadda joogo, waxaanu ku adkaystay inay doorashadu dhacdo sanadkan gudihiisa.

Xisbiga WADANI ayaa sheegay in aanay doorasho galleen illaa ay joogaan guddida doorashooyinka, waxaanu ugu baaqay in la bedelo iyo in caqadaha kahoreeya doorasho inay dhacdo la dhameeyo.

Si kastaba ha ahaatee, labada xisbi ee KULMIYE iyo UCID waxay ku heshiiyeen in doorashadu aanay dhaafin sanadkan, halka xisbiga WADANI ka soo horjeestay heshiishkoodaasi.

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
1/12/2019 3:16 PM EST
Sabti, Janaayo, 12, 2019 (HOL)– Natiijada rasmiga ah ee doorashada baarlamaaniga ah ee Jamhuuriyadda Dimuqraaddiga ah ee Congo oo la shaaciyay ayaa waxaa inta badan kuraasta ku guuleystay xisbiyada xulafada la ah madaxweynaha xukunka ka sii degaya, Joseph Kabila.

1/12/2019 2:40 PM EST
Sabti, Janaayo, 12, 2019 (HOL)– Munaasabada ballaaran oo lagu daahfurayey Bankiga cusub ee Daryeel Bank oo ay leedahay Shirkadaha Xawaalada Iftin Group ayaa lagu qabtay magaalada London ee dalka Britain, iyadoo isla munaasabadan lagu soo bandhigay adeega cusub ee (YEEL app).

1/12/2019 12:54 PM EST
Sabti, Janaayo, 12, 2019 (HOL)–Guddoomiye ku-xigeenka guddiga doorashooyinka Qaranka Sayid Cali Sheekh Maxamed ayaa waxba kama jiraan iyo sharci darro ku tilmaamay qoraal ka soo baxay xubno ka tirsan guddiga doorashada Qaranka oo lagu sheegay in laga qaaday xilkii uu ka hayay guddiga ee guddoomiye ku-xigeenka.

1/12/2019 9:18 AM EST
Sabti, Janaayo, 12, 2019 (HOL)-Abwaan Cabdiraxmaan Abees oo ka mid ah hal abuurka dhallinyarada ah ayaa maanta xabsiga loo taxaabay ka dib markii uu xalay magaaladda Hargeysa ku soo bandhigay suugaan uu ku dhaliilay dawladda iyo dhibaatooyin uu ku arkay xabsiyadda wadanka ku yaal.

1/12/2019 2:52 AM EST
Sabti, Janaayo, 12, 2019 (HOL)-Guddiga Madaxa bannaan ee doorashooyinka Qaranka ayaa xilka qaadis iyo xubinnimada in ay ka saaraan isugu daray Guddoomiye ku xigeenka Guddiga uu lahaa.

1/12/2019 2:43 AM EST
Sabti, Janaayo, 12, 2019 (HOL)-Basaboorka Soomaaliga ayaa loo aqoonsaday in uu yahay mid ka awood badan Pasaboorka dalalka Afghanistan iyo Iraq sida lagu sheegay warbixin ay soo saartay hay'adda Henley Passport

1/12/2019 2:23 AM EST
Sabti, Janaayo, 12, 2019 (HOL)-Maxkamada Ciidamada qalabka sida ayaa maanta waxaa ay xukun ku riday askari lagu magacaabo Maxamed Cabdullaahi Maxamed (Kumbud) ,kaasi oo loo heysto in uu dil u geystay Marxuum Dayax Iimaan Xasdan 21-ka bishii sagaalaad 2018, waxaa uuna dilkaasi ka dhacay aga-gaarka Seybiyaano degmada Hodan ee Gobalka Banaadir.

1/12/2019 12:21 AM EST
Sabti, Janaayo, 12, 2019 (HOL) – Hay’adda UNHCR ayaa sheegtay in dowladda Canada aqbasha in ay magan-galyo siiso Raxaf Maxamed al-Qunun taasoo loo aqoonsaday in ay Qaxooti tahay kaddib markii ay ka soo baxsatay reerkeeda.

1/12/2019 12:02 AM EST
Sabti, Janaayo, 12, 2019 (HOL)–Xoghayaha Difaaca dalka UK Gavin Williamson ayaa lagu waramayaa in uu baajiyay safar uu ku iman lahaa magaalada Muqdisho iyo kulan lagu waday in uu la qaato madaxweyne Maxamed Cabdullaahi Farmaajo sida lagu daabacay Wargeyska Independent ee ka soo baxay dalka Britain.