Xarunta Xuquuqal Insaanka Somaliland oo soo bandhigtay tacadiyo ka dhan ah xuquuqda aadanaha oo sanadkan dhacay
Talaado, Janaayo, 01, 2019 (HOL)- Xarunta Xuquuqal Insaanka madaxa-banaan ee Soomaliland ayaa soo saartay warbixin sanadeedka falalkii ka dhanka ahaa xuquuqda bani’aadanimada ee ka dhacay Somaliland.
Sidoo kale,
waxaa ay xarunta sheegtay in waxyaalaha horumarka ah ee sanadkan la sameeyey ay
ka mid tahay xayiraaddii laga qaaday wargeyska Haatuf oo tan iyo sanadkii 2014
kii xidhnaa iyo sidoo kale xorriyadiisii loo soo celiyay Suxufi Maxamed Adan
Dirir oo mudo dheer xidhnaa.
“ Sanadkan waxaa ay Xarunta diiwaan-gelisay
xadhigaa 35 qof oo loo xidhay aragtidooda oo ay dhiibteen. Dadkaas waxa ka mid
ah 28 suxufi iyo 7 qof oo aan suxufiyiin ahayn. Tiro sii kordhaysa oo dad ah
ayaa lagu qabsaday sanadkan aragti ay ku qoreen baraha bulshada gaar ahaan
Facebook ga, Xanibado iyo amaro dhib ku ah warbaahinta ayaa ka soo baxay
wasaaradda warfaafinta.”ayaa lagu yidhi qoraalka ka soo baxay xarunta xuquuqul
insaanka Somaliland.
Sidoo kale,waxay
xaruntu sheegtay in boolisku diwaan-galiyey 101 kufsi oo dhacay sanadkan, taas
dhici karta in kuwo badan aan la ogaan oo aanay iman saldhigyada iyo
maxkamadaha,
Xarunta ayaa ku tallisay in la joojiyo xadhiga sharci la’aanta
ah iyo dadka aragtidoodda loo xidhayo, sidoo kale, dadka barakacayaaasha ayey
soo jeedisay in adeegyadooda loo dhamaystiro, sida goobihii caafimaadka,
suuliyadii, saldhigyadii iyo waxyaalaha kale ee aanay noloshu ka maarmi karin.
Barkhad-ladiif M. Cumar, Hiiraan Online
[email protected]
Hargeysa, Somaliland.
