Talaado, Janaayo, 01, 2018 (HOL)-Hoggaamiyaha Kuuriyada Waqooyi ayaa siweyn uga hadlay heshiiskii dalkiisa uu la gaaray Mareykanka oo ku saabsanaa ka tanaasulka arrimaha horumarinta Nuclearka ee dalkaasi, wuxuuna ka dalbaday Mareykanku in uu fuliyo wax-yaabihii lagu heshiiyay.
Mr Kim Jon Un ayaa hadalkan jeediyay isagoo khudbad Sanadle ah u jeedinayay shacbka dalkiisa, wuxuuna sheegay in Xukuumadda Pyongyang ay ka go’antahay ka tanaasulka Nuclearka iyo ballaarintiisa oo dunidu ay ka walaacday, balse wuxuu muujiyay in weli Washington aanay ka soo dhalaalin
wax-yaabihii lagu heshiiyay.
Hadalka Hoggaamiyaha da’da yare ee Waqooyiga Kuuriya oo ay ku jireen
ereyo u muuqanayay hanja-baadyo lagana sii daayay Televeshinka Qaranka
dalkaasi ayaa muujiyay in dalkiisa uu xaq u leeyahay in uu ilaaliyo
sharafta, badaxbanaanida iyo danaha shacabka Kuuriyada Waqooyi.
“Hadii dowladda Mareykanku aanay fulin waxyaabihii lagu
heshiiyay, ayna ku adkeysato in ay sii wado xayiraadaha iyo cadaadiska ay
dalkey-na saarayso, waan ka bixi doonaa, waxaana raadinaynaa hab kale oo
aan ku ilaashano madaxbanaanidena iyo danaha Qarankeeda”. ayuu yiri Mr
Kim Jon Un.
Sanadkii hore hadal uu jeediyay ayuu ku sheegay in dalkiisu gaaray
horu mar ballaaran oo laga sameeyay dhinaca Diplomaasiyadda markii uu
heshiis-yo la gaaray Mareykanka iyo W/Kuuriya.
Horey waxaa ula kulmay hogaamiyaasha Mareykanka iyo Kuuriyada
Waqooyi, waxaana Mr Kim uu dalbanayaa kulan labaad oo uu la qaato
madaxweyne Trump.
C/raxmaan Diini, Hiiraan
Online
[email protected]