2/23/2019
Today from Hiiraan Online:  _
Wararka Maanta- Sabti, Feb 9 , 2019
Baarlamaanka Puntland oo la hor keenay warbixin ku saabsan sababta Puntland ay uga hirgeli la’dahay doorasho xor ah



Sabti, Febraayo 09, 2019 (HOL)-  Baarlamaanka Puntland ayaa maanta warbixin ka dhageystay guddi ka kooban toddobo xubnood  oo loo saaray in ay soo darsaan qabadaha Puntland ka hor taagan doorashada xor ah oo ay dadweynaha ka qaybgalaan.

Guddiga ayaa sidoo kale ka tala bixiyay sida ay Puntland ku gaari karto doorasho qof iyo cod ah ,waxay soo jeediyeen in guddiga doorashooyinka ku-meelgaarka ah ah ee Puntland ay sii wadaan shaqada, islamarkaana xukuumaddu ka taageerto, dhaqaalihii ay ku qaban lahaayeen doorashada golayaasha deegaanka.

Xildhibaannada ayaa soo jeediyay  in xukuumadda Puntland ay la timaado qorshe cad oo dalka looga hirgelinayo doorasho qof iyo cod ah.

Baarlamaanka ayaa inta kaddib ka doodday tala soo jeedinta guddiga ,iyagoo cod gacan taag ah ku ansixiyeen tala soo jeedinta guddiga gaarka ah ee xildhibaannada Baarlamanku ay ka soo saareen, hir-gelinta nidaamka axsaabta badan iyo shaqada guddiga doorashooyinka kumeelgaarka ah ee Puntland (TPEC).

Kulanka waxaa fadhiyay 48 mudane ayaa waxaa tala soo jeedinta aqbalay 43 xubnood, 2 xildhibaan ayaa diidday halka saddex kalana ay ka aamustay, waxaana sidaasi ku ansaxay tala soojeedintii guddiga gaarka ah ee xildhibaannada Baarlamanku u saareen hir-gelinta nidaanka axsaabta badan.

Madaxweynaha cusub ee Puntland, Siciid Deni ayaa ballanqaaday in xukuumaddiisa ay ka shaqeyn doonto sidii ay Puntland uga dhici lahayd doorasho qof iyo cod ah.

Hoos ka akhri tala soo jeedinta guddiga gaarka ah;

Iman Mohamed Jama, Hiiraan Online
[email protected]





Click here
2/9/2019 4:13 PM EST
Sabti, Febraayo 09, 2019 (HOL)- Dabley hubaysan ayaa xaafad ku taalla bartamaha magaalada Gaalkacyo caawa ku dilay nabadoon Cabdiqani Maxamed Cabdi (Baalle) oo aad deegaanka looga yaqaanay,sida laga soo xigtay saraakiisha deegaanka.

2/9/2019 12:11 PM EST
Sabti, Febraayo 09, 2019 (HOL)- Wasiirka horumarinta maaliyada somaliland Dr. Sacad Cali Shire ayaa sheegay in saldhiga aan la kireyn ee lagu bedeshay inay sameeyeen jidka Berbera iyo Wajaale u dhexeeya iyo garoon diyaaradeed.

2/9/2019 11:40 AM EST
Sabti, Febraayo 09, 2019 (HOL)- Ra'iisul Wasaaraha Xukuumadda federaalka Soomaaliya , Xasan Cali Khayre oo maanta kormeer ku tegay Bangiga dhexe ee dalka ayaa maamulka bangiga kala hadlay dardar-gelinta halbeegyada ugu jira tubta horumarinta dhaqaalaha.

2/9/2019 11:35 AM EST
Sabti, Febraayo 09, 2019 (HOL)- Ra'iisul Wasaaraha Xukuumadda federaalka Soomaaliya, Xasan Cali Khayre, oo maanta xarigga ka jaray xarunta taliska qaybta guud ee gobalka Banaadir oo dib u dhis ballaaran lagu sameeyay ayaa sheegay in Booliisku ay laf-dhabar u yihiin horumarinta garsoorka iyo dagaalka ka dhanka ah musuqmaasuqa.

2/9/2019 11:29 AM EST
Sabti, Febraayo 09, 2019 (HOL)- Wasiirka Gaadiidka iyo Duulista Hawadda Soomaaliya, Maxamed Cabdullaahi Salaad Oomaar ayaa gaaray magaalada Gaarisa ee gobolka Waqooyi Bari dalka Kenya.

2/9/2019 10:50 AM EST
Sabti, Feberaayo, 09, 2019 (HOL)- Waxaa maanta magaalada Diridhabe lagu caleema-saaray Ugaas Siyaad Da'ud Cumar oo noqday Ugaaska beesha Gurgure.

2/9/2019 10:47 AM EST
Sabti, Febraayo 09, 2019 (HOL)- Xukuumadda Somaliland ayaa sheegtay in wada hadalkii uu hore u waday Turkigu aan wax midho dhal ah laga gaadhin, sidaas darteed, waxay dalbatay in dalal kale oo caalamka ahi qayb ka noqdaan wada hadalkaasi labada dhinac.

2/9/2019 10:03 AM EST
Sabti, Feberaayo, 09, 2019 (HOL)- Taliska ciidamada Booliiska Soomaaliyeed ayaa faah faahin dheeraad ah ka bixiyay askar ka tirsan ciidanka Booliiska oo la soo xir xiray kaddib markii ay dilal dad shacab ah ugu geysteen magaalada Muqdisho.

2/9/2019 9:45 AM EST
Sabti, Feberaayo, 09, 2019 (HOL)- Madaxda Dekedda iyo Ganacstadda uu u raran yahay Markabkaasi waxaa ay sheegeen in uu Dekedda Muqdisho ku xoo xirtay Markab weyn oo ay saaran tahay 40,000 oo Tan oo Sokor Nadiif ah.

2/9/2019 8:09 AM EST
Sabti, Feberaayo, 09, 2019 (HOL)-Madaxweynaha Soomaaliya Maxamed Cabdullaahi Farmaajo iyo wafdi uu hoggaaminayo ayaa gaaray dalka Itoobiya si ay uga qayb-galaan Shir Madaxeedka Midowga Afrika oo berri ka furmaya Addis Ababa.

2/9/2019 7:04 AM EST
Sabti, Feberaayo, 09, 2019 (HOL)-Nin u dhashay dalka Kanada oo misaajid ku yaalla magaalada Quebec ku dilay dad misaajidka ku cibaadeysanayay sanadkii 2117-kii ayaa lagu xukumay xabsi daa'in.

2/9/2019 4:29 AM EST
Sabti, Feberaayo, 09, 2019 (HOL)-Wararka ka imanaya gobolka Jubada Hoose ayaa sheegaya in weerar dhinaca cirka ah uu ka dhacay inta u dhaxeysa degaanada Araare, Kobon iyo Muuse Xaaji.

2/9/2019 4:04 AM EST
Sabti, Feberaayo, 09, 2019 (HOL)-Wasiiru Dowlaha Wasaaradda arrimaha dibedda Soomaaliya, C/qadir Axmed Kheyr ayaa faah-faahin ka bixiyay kulan looga hadlayay sidii looga adkaan lahaa Ururka Daacish oo lagu soo gaba-gabeeyay Magaalada Washington DC ee xarunta Dalka Maraykanka.

2/9/2019 1:52 AM EST
Sabti, Feberaayo, 09, 2019 (HOL)- Waa fekir rajo badan laga qabay oo la aaminsanaa in uu yahay mid leh mustaqbal wanaagsan, balse markii dambe sababay in dadkii ay shaqeysan wayaan.

2/9/2019 12:08 AM EST
Sabti, Feberaayo, 09, 2019 (HOL)-Taliska ciidamada Mareykanka ee Africa ayaa sheegay in duqeymo ay ka geysteen 48-diii saac ee la soo dhaafay deegaanno ka tirsan gobolka Shabeelaha Hoose ay ku dileen 15 ka tirsan ururka Al-shabaab.

2/9/2019 12:04 AM EST
Sabti, Feberaayo, 09, 2019 (HOL)- Dowlad deegaanka Soomaalida dalka Itoobiya ayaa markii ugu horeysay la gaaray heshiis hub ka dhigs ah Jabhadda ONLF, taasoo loo arkayo heshiiskii ugu weyn oo dhaxmara labada dhinac.