Dufcaddiii kowaad ee dhalinyaro imtixaan u gallay shaqo qaran oo la siin doono tobabar Militeri
Talaado, Feberaayo, 19, 2019 (HOL)-Kun iyo shan boqol oo dhallinyaro ah oo ku guulaystay imtixaankii shaqo qaran ayaa maanta si rasmiya u bilaabay tobobaradii lagu siinaayey dugsiga tobabarka ciidamda ee Dararweyne, kuwaas oo muddo saddex bilood ah ku jiri doonna.
Kun iyo shantan boqol ee shaqo
qaran ayaa shan boqol ay yihiin haween, kuwaas oo iyaga magaalooyinka lagu hayn
doonno, halka wiilasha Dugsiga tobabarka
ciidamada lagu xareeyey si tobabar militeri usoo qaataan.
Dhallinyaradan lagu qaatay
barnaamijka shaqo qaran ayaa ka kala yimid gobolada Somaliland, waxaana si
rasmiya maanta u bilaabeen tobabarkooddii.
Barnaamijkan shaqo qaran ayaaa ka
mid ahaa barnaamijyadii uu madaxweyne Biixi uu ololaha ku gallay ee uu u
ballanqaaday dhallinyaradda, waxaana sanad walba la qaadan doonna kun iyo shan boqol oo wiilal iyo hablo iskugu
jira, kuwaas oo marka tababarka soo dhamaystaan lagu kala qori doono hay’adaha
dawladda ee kala duwan.
Dhallinyaradan ayaa ahaa kuwii
jaamacada dhamaystay ee aan wax camal ah hayn, waxaana la sheegay in aan
shaqaale dambe dawladdu qaadan doonin oo dhalinyaradan shaqada qaran lagu qaataay
sanad walba lagu dari doono shaqaalaha dawladda.
Guddoomiyaha gobolka Sool
Cabdiqani Maxamuud Jiidhe oo ka hadlay madashii laga soo ambabixinayay
ardaydaasi ayaa yidhi “waxaa si rasmiya gacanta dawladda u soo galay ardaydii
ku soo baxday barnaamijka shaqo qaran, kuwaasi oo ku guuleystay imtixaankii ay
mareen iyadda oo gabdhihii hore loogu xareeyay jaamacadda Nugaal, haddii aanu
nahay maamulka gobolka Sool waxaa aanu aad ugu faraxsanahay, ardaydaa
barnaamijka shaqo qaran ku guuleystay ee gobolka u soo baxday, tababarna u
anbabixi doonta, maantana waa maalin weyn waxaaney wax u soo baran doonaan gobolka
Sool”
Gudoomiyaha gobolka Togfheer Xamse
Maxamed Cabdi oo isna soo anbobaxiyey
dhalinyaradii shaqo qaran ayaa yidhi “Waxaanu halkan ka soo ambabixineynaa
dufcadii koobaad ee ardayda barnaamijka shaqo qaran ee ku guuleystay
imtixaankii ay galeen, kaasi oo ay madaxweynaha qaranka Somaliland mudane Muuse
Biixi Cabdi iyo xisbiga taladda dalka haya ay ballanqaadeen wakhtigii ay ololaha
ku jireen, in ardayda loo sameyn doono barnaamijka shaqo qaran, waaney ka
dhabeeyeen balanqaadkaasi, waxaana halkan ka dhaqaaqi doonta dufcadii koobaad
ee barnaamijka shaqo qaran u mateli doonta gobolka Togdheer, barnaamijkana waa
mid waxtar u ah qaranka oo dhan, gaar ahaan kuwa aqoonyahanka ah ee ka soo
baxay jaamacaddaha, waxaanu barnaamijkani fursad u siin doonaa markay
dhameystaan tababarkan shaqa kasta oo qaranka Somaliland leeyahay”
Waalidiinta iyo dhallinyaradan
shaqada qaran ku guulaystay ayaa ku faraxsanaa tobabarkan, waxaana maanta
baraha bulshada ku dhigayeen iyagoo ku labisan direyskiii ciidamada oo
tobabarkii loo bilaabay.
Talaabadan ayaa mid u fiican is dhexgalka
bulshada iyo in dhallinyaro kala gobol iyo deegaan ah goob kaliya iskugu
yimaadaan, kuwaas oo ay isbarasho iyo saaxiibtinimo ka helaya, marka saddexda
bilood ee tobabarka ah qaataan, waxa mid waliba loo tobabari doona wax uu ku
soo bartay inuu ku shaqayn karo.
Barkhad-ladiif M. Cumar, Hiiraan Online
[email protected]
Hargeysa, Somaliland.