Talaado, Feberaayo, 19, 2019
(HOL)- Sida ay qoreen qaar ka mid
warbaahinta dalka Kenya oo maanta oo Talaado ah ayaa la filayaa in Wasiirka
arrimaha dibadda Kenya Munica Juma hortagto baarlamaanka dalkeeda si wax looga
weydiiyo khilaafka cusub ee soo kala dhaxgalay dowladdaha Kenya iyo Soomaaliya.
Guddoomiyaha guddiga difaaca iyo
arrimaha Dibadda baarlamaanka Kenya Katoo
Metito ayaa Warbaahinta u sheegay in
sababta ay Wasiirka Arrimaha dibada ugu yeereen ay tahay in ay ogaadaan waxa
dhaliyay xilligaan khilaafka Soomaaliya iyo Kenya.
Wasiirka arrimaha dibadda Kenya
Munica Juma ayaa Baarlamaanka la filayaa in ay u sharaxdo waxa uu salka
ku hayo khilaafka labada wadan ee soo shaac baxay, waxaana Wasiirada laga yaaba
in shaaciso khilaafka waxa uu salka ku hayo.
Wasiirka Arrimaha dibadda Kenya Haweeneyda lagu
Magacaabo Monico Juma ayaa la filayaa in ay warbixin ka siiso Baarlamaanka
dalkaas xaalada guud ee ku xeeran khilaafka labada dal ee salka ku haya shirkii
7-dii Bishaan kadhacay London ee lagu soo bandhigay Shidaalka ku jira
Soomaaliya.
Dowladda Soomaaliya oo dhawaan jawaab ka bixisay
go’aankii Kenya ay xiriirka ugu jirtay ayaa sheegtay in ay ka xun tahay
tallaabada ay qaaday dowladda Kenya iyadoo aan waxda tashi ah kala sameyn ka hor
inta aysan dalkeeda ka soo saarin safiirkii Soomaaliya oo dalka dib ugu soo
laabtay.
C/raxmaan Diini, Hiiraan Online
[email protected]
