3/29/2024
Today from Hiiraan Online:  _
Wararka Maanta- Axad, Feb 17, 2019
Kenya oo si kale u dhigtay tallaabadii ay dalkeeda uga soo saartay safiirkii Soomaaliya

 

Axad, Feberaayo, 17, 2019 (HOL)- War ka soo baxay Wasaarradda arrimaha dibedda Kenya ayaa lagu sheegay in si qaldan loo fasiray tallaabadii ay dib ugu yeereen safiirkoodii Soomaaliya iyo dib ugu noqoshadii dalkiisa safiirkii Soomaaliya ee Kenya oo maanta soo gaaray Muqdisho.

Amb. Macharia Kamau oo ah xoghayaha joogtada ah ee Wasaarradda arrimaha dibedda ayaa sheegay in dowladda Kenya aysan eryin safiirkii Soomaaliya u joogay Nairobi, dhinaca kalana safiirkeeda Soomaaliya si kama danbeysan ula soo noqon , laakiin arinku yahay oo kaliya wada tashi iyo xal laga gaaro muranka ka dhax jira labada dowladdood.

‘’Annaga waxaan u yeernay oo kaliya safiirkeenii Soomaaliya si aan la tashi ula sameyno, sidaa si la mid ah safiirka Soomaaliya isagana uu dalkiisa dib ugu laabto si uu la tashi ula soo sameeyo dowladdiisa’’ ayuu yiri xoghayaha joogtada ah ee wasaarradda arrimaha dibedda Kenya.

Hadalka ka soo yeeray maanta oo Axad ah wasaarradda arrimaha dibedda Kenya ayaa u muuqda mid lagu qaboojinayo hadal heynta warbaahinta iyo guud ahaanba baraha bulshada ee la xiriira khilaafka soo kala dhax-galay labada dowladdood.

Wali dowladda Soomaaliya war kama aysan soo saarin tallaabada Kenya ay qaaday ee dalka dib loogu soo celiyay safiirkii Soomaaliya u joogay magaalada Nairobi.

Muranka khilaafka dhinaca xudduuda badda ee labada dowladdood ayaa soo jiitamayay tan 2014kii, waxaana hor yaala maxkamada cadaallada ee dunida ICJ dacwadda arintan ku saabsan ee labada dal.

C/raxmaan Diini, Hiiraan Online
[email protected]

 













Click here
2/17/2019 2:51 PM EST
Axad, Feberaayo, 17, 2019 (HOL)- Munaasabad lagu daah furaayay barnaamishka Dhismaha Golaha Deegaanka Degmada Warsheekh ee Maamul Gobaleedka Hirshabelle ayaa lagu qabtay xarunta degmada Warshiiq

2/17/2019 12:18 PM EST
Axad, Feberaayo, 17, 2019 (HOL)- Qoraal goor dhaw ka soo baxay Wasaaradda Arrimaha dibadda Xukuumadda Soomaaliya ayaa looga jawaabay go’aankii ay dowladda Kenya kaga dalbatay safiirka Somalia inuu dalkeeda ka baxo, iyo tallaabadii ay ku sheegtay in Somalia ay iib geysay qeyb ka mid Badda Kenya si shidaal looga baaro.

2/17/2019 11:10 AM EST
Axad, Feberaayo, 17, 2019 (HOL)- Xarumahan oo loogu talo galay in ay ku shaqeeyaan qaar kamid ah wasaaradaha Jubbaland iyo ururrada dhalinyarada Jubbaland ayaa maanta laga daahfuray Kismaayo, ayadoo mashruucan uu maalgeliyay sanduuqa xasilinta Soomaaliya ee SSF.

2/17/2019 10:55 AM EST
Axad, Feberaayo, 17, 2019 (HOL)- Maxkamadda Darajada koowaad ee gobolka Bari ayaa maanta xukun dil ah ku riday dhallinyaro ku eedeysnaa dilka Nin ganacsade ah.

2/17/2019 4:56 AM EST
Axad, Feberaayo, 17, 2019 (HOL)- Wararka naga soo gaaraya degmada Huriwaa ayaa sheegaya in goor uu qarax ka dhacay Ex Koontarool Balcad, waxaana la sheegay in qaraxaa lagu weeraray gaari Booyad ah oo ay wateen ciidamo ka tirsan AMISOM.

2/17/2019 3:34 AM EST
Axad, Feberaayo, 17, 2019 (HOL)- Garoonka diyaaaradaha Aadan Cadde ayaa waxaa soo cagadhigatay diyaarad siday Danjiraha dowladda Soomaaliya ee Kenya Maxamuud Axmed Nuur Tarsan, kaddib markii dowladda Kenya ay ku amartay in uu dalkiisa dib ugu laabto.

2/17/2019 12:59 AM EST
Axad, Feberaayo, 17, 2019 (HOL)-Dowladda Kenya ayaa mar kaliya ku dhawaaqday in ay xiriirka Diplomasi u jirtay dowladda Soomaaliya, iyadoo u yeertay safiirkeedii ka joogay Muqdisho, halka danjiraha Soomaaliya -na ugu baaqday in uu dalkiisa dib ugu laabto.

2/17/2019 12:36 AM EST
Axad, Feberaayo, 17, 2019 (HOL)- Wararka ka imanaya gobolka Bakool ayaa sheegaya in saacadihii la soo dhaafay ciidamada dowladda Soomaaliya deegaanno ka tirsan gobolka ka sameeyeen howlgal ka dhan ah Ururka Al-shabaab.

2/17/2019 12:26 AM EST
Axad, Feberaayo, 17, 2019 (HOL)- Wararka ka imanaya degmada Qoryoole ee gobolka Shabeellaha hoose ayaa sheegay in xalay dagaal culus uu degmada ku dhaxmaray ciidamo ka tirsan dowladda Soomaaliya iyo dagaalyahannada Al-shabaab.