3/28/2024
Today from Hiiraan Online:  _
Wararka Maanta- Jimco, Feb 15, 2019
Jaamacadda Benaadir oo daah-furtay Barmaamij cusub oo Waxbarasho


Jimco, Feberaayo, 15, 2019 (HOL)- Seminaar maalin socday oo lagu baranayey Doorka Aqoonta Nafaqeyntu u leedahay Caafimaadka iyo ahmiyadda fayo dhowrka guud ee bulshada ayaa lagu qabtay xarunta Jaamacadda Benaadir ee magaalada Maqdisho, iyadoo seminaarkan uu hordhac u ahaa barnaamij waxbarasho oo ah koorsooyin gaagaaban oo jaamacadu ay soo kordhisay.

Waxaa seminaarkan soo qaban-qaabiyey Kuliyadda Culuunta Caafimaadka (Health Science) ee Jaamacadda Benaadir, iyadoo loo qabtay arday boqol ka badan oo kuliyaddu u furtay Koorsooyin soconaya muddo hal sano ah kuwaasoo lagu baranayo labo Maado oo kala ah Nafaqada (Nutrition) iyo Caafimaadka bulshada (Community Health), waxaana lagu bixin doonaa shahaado (Diploma).

Hormuudka kulliyada Culuunta Caafimaadka ee Jaamacadda Banaadir Prof. Xasan Nuur Warsame ayaa ardayda sharaxaad ka siiyey baahida loo qabo barashada Nafaqeynta iyo ilaalinta Caafimaadka bulshada, isagoo xusay in Somalia oo ah dal burbur ka soo kabanaya ay aad ugu badan yihiin dhibaatooyinka ka dhashay nafaqo darida iyo fayo-dhowrka guud ee bulshadda.

Guddoomiyaha Jaamacadda Benaadir Dr. Max'ed Max'uud Biday oo munaasabadaas hadal ka jeediyey ayaa ka waramay muhimada ay leeyihiin koorsooyinka gaagaaban ee noocan ah iyo faaiidada ugu jirta dhalinyarada ka soo baxday dugsiyada sare.

"Waxaan ku faraxsanahay anigoo ku hadlaya magaca guddoonka iyo Muasasiinta Jaamacadda Benaadir inaan maanta daah-furo koorsooyin gaagaaban oo ay bixin doonaan dhamaan 11ka kuliyadood ee ay ka kooban tahay Jaamacada Benaadir, iyadoo kuliyada Culuunta Caafimaadka ay noqotay kuliyaddii ugu horeysay ee maanta bilowday, waana u hambalyeynayaa ardayda iska diiwaan gelisay ee horteyda fadhiya" ayuu yiri Gudoomiyaha Jaamacada Benaadir.

Dr. Biday ayaa sheegay in koorsooyinkan gaagaaban ay socon doonaan muddo sanad ah laguna bixin doono shahaado, isagoo xusay in ujeedada laga leeyahay ay tahay sidii dhalinyaradda loogu abuuri xirfado ay ku shaqeystaan, wuxuuna u mahad celiyey maamulka iyo hormuudka Kuliyadda culuunta Caafimaadka oo suuragaliyey furitaanka barnaamijkan.

Munaasabadan ayaa waxaa sidoo kale hadalo isugu jiray dhiiragelin iyo guubaabo ka jeedisay Drs. Maryan Warsame oo ka mid ah maamulka iyo Mu'asasada Jaamacada Benaadir, iyadoo dhinaca kale gabay khiiro badan oo ka turjumayey dhibaatooyinkii dalka ka dhacay iyo faa'iidada aqoontu leedahay ay halkaas ka jeedisay gabar ka mid ah ardayda goob jooga ka ahaa xafladan oo ku dhamaatay jawi farxadeed.

C/raxmaan Diini, Hiiraan Online
[email protected]













Click here
2/15/2019 3:17 PM EST
Jimco, Feberaayo, 15, 2019 (HOL)- Wasiirka Maaliyadda Soomaaliya, Cabdiraxmaan Ducaale Beyle, ayaa sheegay in hay’adaha caalamka ay hadda u ololeynayaan sidii looga cafin lahaa deymaha lagu leeyahay Soomaaliya, taas oo ku timid hagaajinta maamulka Maaliyadda Dalka.

2/15/2019 2:44 PM EST
Jimco, Feberaayo, 15, 2019 (HOL)- Warar dheeraad ah ayaa ka soo baxaya toogasho galinkii danbe ee maanta ka dhacday xaafadda Jungal ee degmada Yaaqshiid, kaddib markii askari ka tirsan ciidamada dowladda uu rasaas ku dilay qof dumar ah.

2/15/2019 6:38 AM EST
Jimco, Feberaayo, 15, 2019 (HOL)- Ururka Al-shabaab ayaa qoraal ay ku baahiyeen baraha Internetka ku sheegeen ay madaafiic ku weerarreen saldhig militariga Mareykanku ku leeyihiin gobolka Shabeellaha Hoose.

2/15/2019 4:38 AM EST
Jimco, Feberaayo, 15, 2019 (HOL)- Cabdinur Sheekh Maxamad Isxaaq oo BBC ku biiray 1989, ayaa haatan ku jira maalmihii ugu dambeeyay ee shaqada BBC-da.

2/15/2019 4:18 AM EST
Jimco, Feberaayo, 15, 2019 (HOL)- Waxaa magaala Abuja ee dalka Nigeria ku sugan Guddommiyaha Guddiga Madaxbannan ee Doorashooyinka Qaranka Xalimo Ismaaciil Ibrahim oo ka qayb ah hawlgalka kormeerayaasha Midowga Africa ee Doorashooyinka Guud ee dalka Nigeria.

2/15/2019 3:51 AM EST
Jimco, Feberaayo, 15, 2019 (HOL)- Qaramada Midoobay ayaa lagu wadaa in ay Todobaadka soo socda billowdo Sanduuqa dhismaha nabadda ee Soomaaliya, kaas oo ay ku bixi doonto 30 Milyan oo Doollarka Maraykanka ah.

2/15/2019 1:36 AM EST
Jimco, Feberaayo, 15, 2019 (HOL)- Xubin ka tirsan xildhibaannada Slovenian ayaa xilka ka dagay ka dib markii uu dukaan ka xaday rooti la jeexay oo la dhex galiyay wixii lagu cuni lahaa, xildhibaanka ayaa sheegay in shaqaalaha dukaanka ku yaalla Ljubljana ay u isku mashquuleen oo uu wax la hadla waayay.

2/15/2019 12:37 AM EST
Jimco, Feberaayo, 15, 2019 (HOL)- Wararka naga soo gaaraya magaalada Gaalkacyo ee xarunta gobolka Mudug ayaa sheegay in maamulka labada dhinac magaalada xalay iska kaashadeen diminta Dab ka kacay kaalin shidaal, kaasoo geystay bur bur hanti.