2/23/2019
Today from Hiiraan Online:  _
Wararka Maanta- Arbaco, Feb 13, 2019
Ciidamada dowladda oo xalay howlgal ka sameeyay qeybo ka mid ah Muqdisho


 

Arbaco, Feberaayo, 13, 2019 (HOL)- Ciidamada dowladda Soomaaliya ayaa xalay howlgal ballaaran ka sameeyay qeybo ka mid ah magaalada Muqdisho oo maalmihii ugu danbeeyayba ku soo badanayeen falalka ka dhanka amniga gaar ahaan dilalka qorsheysan.

Howlgal xalay ciidamadu ay ka sameeyeen degmada Warta Nabada [Ex Wardhiigley] ayeey ku soo qabqabteen boqolaal dhalinyarro ah oo leysugu geeyay goob barxad ah oo ku taala degmada, waxaana la sheegay in inta badan dhalinyaradaas la sii daayay kaddib baaritaanno lagu sameeyay, halka dhalinyarrada qaar oo laga shakiyay loo diray hay’addaha danbi-baarita.

Howlgalkan ayaa imanaya xili Al-shabaab todobaadyadii ugu danbeeyay kordhiyeen falalka isugu jira qaraxyada, dilalka tooska ah iyo weerarrada xarumaha dowladda ee magaalada Muqdisho.

Dowladda Soomaaliya ayaa marar badan oo hore ku cel celisay in ay wax badan ka qabaneyso nabad-galyada magaalada Muqdisho, hasse ahaatee waxaa muuqata in Al-shabaab si toos ah u beegsanayaan saraakiisha ciidamada, waxaana ugu danbeeyay sarkaal ka tirsanaa Booliiska Soomaaliyeed oo maalin ka hor lagu dilay degmada Hodan.

 C/raxmaan Diini, Hiiraan Online
[email protected] 







Click here
2/13/2019 12:31 PM EST
Arbaco, Feberaayo, 13, 2019 (HOL)- Waxaa magaalada Jigjiga ka socda diyaargarow balaadhan oo loogu diyaargaroobayo xuska toddobaaka magaalooyinka oo markan lagu qabanayo magaalada Jigjiga ee caasimadda dowladda deegaanka Soomaalida.

2/13/2019 10:11 AM EST
Arbaco, Feberaayo, 13, 2019 (HOL)- Madaxweynaha dowlad gobolleedka Koonfur Galbeed Cabdicasiis Xassan Ibraahim Lafta-Gareen ayaa soo dhameystiray xubnaha golihiisa Wasiirradda, isaga oo horay u magacaabay 10 Wasiir oo kaliya.

2/13/2019 7:12 AM EST
Arbaco, Feberaayo, 13, 2019 (HOL)- Saraakiisha booliska Puntland ayaa magaalada Boosaaso ku soo bandhigay afar nin oo dhallinyaro ah oo ku eedeysan dilka nin ganacsade ah oo 11 bishan Febaraayo xilli habeen ah lagu dilay magaalada Boosaaso.

2/13/2019 6:36 AM EST
Arbaco, Feberaayo, 13, 2019 (HOL)- Ra'iisul Wasaaraha xukuumadda federaalka Soomaaliya ,Xasan Cali Khayre ayaa munaasabad maanta lagu qabtay xarunta tababarka ciidanka booliiska ee General Kaahiye waxa uu tababar ugu soo xiray 1,400 ciidamo booliis ah oo kamid ah 3,000 oo askari oo loogu tala galay fulinta qorshaha sugidda amniga caasimadda dalka.

2/13/2019 5:15 AM EST
Arbaco, Feberaayo, 13, 2019 (HOL)-Faah faahin dheeraad ah ayaa ka soo baxaya qarax goor dhaw ka dhacay magaalada Muqdisho oo sida goobjoogayaal sheegeen ahaa nooca gaadiidka lagu dhejiyo.

2/13/2019 4:21 AM EST
Arbaco,Feberaayo, 13, 2019 (HOL)-Dowladda Federaalka Soomaaliya ayaa soo dhaweysay go’aankii ka soo baxay Midowga Afrika,kaasi oo ay ku taageerayaan shacabka iyo dowladda Soomaaliya,dadaalada loogu jiro in deymaha looga cafiyo dalka,taasi oo muhiimad gaar ah u leh nabadda iyo horumarka Soomaaliya,maadaama ay hortaagantahay arrintaasi taageeradii hay’adaha caalamiga ee dhaqaalaha adduunka.

2/13/2019 2:07 AM EST
Arbaco, Feberaayo, 13, 2019 (HOL)-Xarrakada Al-shabaab ayaa warbaahinta u soo bandhiga gaari dagaal oo sida ay sheegeen dhawaan kala wareegeen ciidamada dowladda kaddib dagaal ku dhaxmaray deegaanka Jaziira ee dulleedka Muqdisho.

2/13/2019 12:44 AM EST
Arbaco, Feberaayo, 13, 2019 (HOL)-Madaxweynaha dalka Mareykanka ayaa si toos ah ugu baaqay in ay is casisho Ilhaan Omar oo ka mid ah xubnaha Congress –ka kaddib qoraalkeedii loo arkay Yahuud naceybka oo ay soo dhigtay boggeeda Twitter –ka.