3/29/2024
Today from Hiiraan Online:  _
Wararka Maanta- Isniin, Feb 11, 2019
Wasiirro ka tirsan dowladda Soomaaliya oo tagay Baraawe


Isniin, Feberaayo, 11, 2019 (HOL)- Wasiirro ka tirsan xukuumadda federaalka Soomaaliya ayaa maanta gaaray magaalada Baraawe ee caasimadda maamulka Koonfur Galbeed Soomaaliya, si ay ugu kuur galan xaaladda ka jirta magaaladaasi.

Wasiirada tagay magaalada Baraawe ayaa waxaa ka mid ah wasiiru dowlaha wasaaradda waxbarashada, hiddaha iyo tacliinta sare Cabdiraxmaan Maxamuud Cabdulle (Jaabur), wasiirka gaadiidka iyo duulista hawada xukuumadda federaalka Soomaaliya Maxamed Cabdulahi Salaad (Omaar) iyo wasiirka gargaarka iyo mareynta masiibooyinka Soomaaliya Xamza Saciid Xamza.

Wafdiga ayaa gaaray qeybo ka mid ah magaalada Baraawe sida goob laga dhisayo iskuul lagu baran doono farsamada gacanta,garoonka diyaaradaha Baraawe iyo xero barakacayaal oo ku taalla magaalada Baraawe.

Kormeerka kadib wasiiradan ka socday xukuumadda federaalka ayaa kulamo la qaatay maamulka iyo qeybaha kala duwan ee bulshada, iyagoo ka dhageystay warbixin ku saabsan baahiyaha ka jirta degmada.

Wasiiru dowlaha wasaaradda waxbarashada hiddaha iyo tacliinta sare ee Soomaaliya Cabdiraxmaan Maxamuud Cabdulle ayaa ballan qaaday inay wax ka qaban doonaan baahiyaha dhanka waxbarashada ee ka jirta degmada Baraawe ee gobolka shabeellaha hoose.

“Maanta waxaan kormeer ku tagay magaalada Baraawe ee caasimadda maamulka Koonfur Galbeed, si aan ugu kuur galo baahida dhanka waxbarasho ee ka jirta Baraawe, baahiyaha aan ku aragnay Baraawe waxaan u gudbin doona madaxda dalka sida madaxweyne Maxamed Cabdulahi Farmaajo iyo Ra’iisul wasaare Xassan Cali Kheyre, waxaan rajeynaya in anaga oo kaashaneyna wasaaradda waxbarashada Koonfur Galbeed, door muhiim ah ka wada qaadan doono horumarinta waxbarashada”ayuu yiri wasiiru dowlaha wasaaradda waxbarashada Soomaaliya.

Wasiirka gargaarka Soomaaliya Xamsa Saciid Xamsa ayaa sheegay in dowladda federaalka ay wax ka qaban doonto baahiyaha dhanka nolosha ee heystay dadka barakacayaasha ee ku nool magaalada Baraawe.

Wasiirka gaadiidka iyo duulista hawada Soomaaliya Maxamed Cabdulahi Salaad (Omaar) ayaa sheegay in ballan qaaday in la dhameystir doono dhismaha garoonka diyaaradaha degmada Baraawe oo xiligan uu ka socdo dhisme.


C/raxmaan Diini, Hiiraan Online
[email protected]













Click here
2/11/2019 11:01 AM EST
Isniin, Feberaayo, 11, 2019 (HOL)-Maamulka gobolka Shabeellaha dhexe ayaa ka digaya Barakac baahsan oo ay sameeyaan bulshada ku dhaqan deegaannada la calaamadiyay in ay isaga bixi doonaan ciidamada Burundi ee qeybta ka ah howlgalka midowga Africa AMISOM

2/11/2019 8:22 AM EST
Isniin, Feberaayo, 11, 2019 (HOL)- Xarunta dhexe ee shirkadda isgaarsiinta Golis ee ku taalla magaalada Gaalkacyo ayaa dib maanta loo furay, kaddib dib u dhis iyo casriyeen lagu sameeyay.

2/11/2019 7:49 AM EST
Isniin, Feberaayo, 11, 2019 (HOL)-Isniin, Febraayo 11, 2019 (HOL)- Munaasibada lagu soo bandhigayey Buug uu qoray wiil dhalinyaro ahi ayaa xalay dadkii ka soo qaybgallay la kala dareeriyey ka dib markii guddida wanaag farista iyo xumaan reebistu ku ku tilmaamtay in dhaqan xumo laga waddo goobta.

2/11/2019 7:22 AM EST
Isniin, Feberaayo, 11, 2019 (HOL)-Dabkan oo ahaa mid khasaare ballaaran u geystay dad danyar ah ayaa maanta ka kacay xero ku taala xaafadda Jaamacaddaha degmada Hodan ee magaalada Muqdisho

2/11/2019 4:53 AM EST
Isniin, Feberaayo, 11, 2019 (HOL)-22-kii bishii hore ayaa shir wadatashi oo ay soo qaban qaabisay Ha’yadda Qaramada Midoobay u qaabilsan Miinooyinka waxaa lagu martiqaaday Wasaraada Aminga Gudaha Soomaaliya iyo hay” adda SEMA oo u qaabilsan Wasaarada arrimaha miinooyinka iyo qataraha ka dhasha.

2/11/2019 3:46 AM EST
Isniin, Feberaayo, 11, 2019 (HOL)-Dowladda Soomaaliya ayaa sheegtay in ay diyaar u tahay soo saaristan iyo bandhigga kheyraadka dalka,kaddib kulan ka dhacay magaalada London

2/11/2019 1:18 AM EST
Isniin, Feberaayo, 11, 2019 (HOL)– Wasiirka Amniga dowlad gobolleedka Hirshabeelle Cabduqaadir Aadan Jeelle ayaa cabasho ka dhan ah ka bixintaan ciidamada Burundi qeybo ka mid ah deegaannada Hirshabeelle u gudbiyay Aqalka sare ee Soomaaliya.

2/11/2019 1:06 AM EST
Isniin, Feberaayo, 11, 2019 (HOL)– Ku dhawaad boqol carruur ah ayaa lagu soo warramayaa in bariga Jamhuuriyadda Dimuqraadiga ee Congo ay ugu dhinteen cudurka Ebola, waxaana la filayaa in tiradaasi ay sii kororto.

2/11/2019 12:19 AM EST
Isniin, Feberaayo, 11, 2019 (HOL)–Wasiirka Wasaarradda Arrimaha Gudaha dowlad gobolleedka Hirshabeelle Maxamed Cali Caaadle oo shalay gaaray degmada Buula-burte ayaa halkaa dhagax dhigay mashaariic hormarineed.