2/22/2019
Today from Hiiraan Online:  _
Wararka Maanta- Isniin, Feb 11, 2019
Xarunta dhexe shirkadda Golis ee magaalada Gaalkacyo oo la casriyeeyay



Isniin, Feberaayo, 11, 2019 (HOL)- Xarunta dhexe ee shirkadda isgaarsiinta Golis ee ku taalla magaalada Gaalkacyo ayaa dib maanta loo furay, kaddib dib u dhis iyo casriyeen lagu sameeyay.

Munaasabadda xarig-jarka waxaa ka qaybgalay, guddoomiyaha gobolka Mudug,Cabdulqaadir Xuseen Nuur Dirir , duqa degmada Gaalkacyo, Yaasiin Cabdisamad, nabadoonno, waxgarad, aqoonyahanno, dhallinyaro iyo xubno ka socday qaybaha bulshadda,iyadoo xarunta lagu soo bandhigay adeeg cusub oo macaamiisha u sahlaya inay si fudud baahiyahoodda uga bogtaan xarunta dhexe ee Golis.

Maamullaha shirkadda Golis ee gobolka Mudug, Eng Aways Cabdi Jarato ayaa xafladda ka sheegay inay shirkadda dadaal ku bixinayso sidii ay dalka usoo gaarsiin lahayd adeegyaddii u dambeeyay ee isgaarsiinta, isagoo inta ku daray casriyeenta iyo dib u dhiska lagu sameeyay xarunta dhexe inay u sahlayso macaamiisha si sahlan inay u helaan adeegyadii ay shirkadda bixin jirtay.

Agaasimaha waaxda suuq gaynta shirkadda Golis ee gobolka Mudug, Maxamed Gaaciye, ayaa sheegay in shirkadda ay ku soo kordhisay xarunta dhexe ee magaalada Gaalkacyo Mashiin u sahlaya macaamiisha inay ku gaaraan qaybaha kala duwan ee xarunta ee laga bixiyo adeegyadda shirkadda Golis.

"Mashiinka wuxuu meesha ka saaraya cariirigii iyo culeyskii hore ee jiray, wuxuu u sahlaya qofka macmiilka ah inuu adeegsaddo isagoo hadba adeegga uu rabo ka dooranaya kaddib wuxuu helaya kaar lambar,markii la gaaro xilliga lambarka waxaa tusaya muraayadda kore, wuxuu markiiba tagaya halka looga yeeray lambarkiisa". ayuu yiri Agaasimaha waaxda suuq gaynta , Maxamed Gaaciye oo dhanka kale u mahadceliyay dhammaan macaamiisha shirkadda Golis.

Guddoomiyaha gobolka Mudug iyo duqa degmada Gaalkacyo, ayaa dhankooda ku ammaanay shirkadda Golis horumarinta adeegyada isgaarsiinta iyo dib u casriyeenta lagu sameeyay xarunta dhexe ee shirkadda,waxaa kalo ay shirkadda uga mahadceliyeen sida ay doorka muuqda uga qaatan horumarka gobolka iyo taageerrada adeegyada bulshada.

Nabadoonno , waxgarad, aqoonyahanno iyo xubno u hadlay bulshadda qaybaheeda ee gobolka Mudug ayaa sidoo kale uga mahadceliyay shirkadda Golis sida ay uga go'antahay horumarinta adeegyada ay bulshada siiso iyo ka qaybgaadashada adeegyadda kale ee bulshada oo ay shirkaddu taageerto.

Shirkadda isgaarsiinta Golis ayaa ka mid ah shirkadda ugu ballaaran ee dalka oo dhan,waxaa ay shirkadda bixisaa adeegyo aan looga horreyn oo ay ka mid yihiin, adeegga Sahal ee lacagta lagu adeegsado taleefoonnada, adeegga 4G ee Internetka , adeegga Zaad iyo adeegyo kale oo la xiriira isgaarsiinta.

Iman Mohamed Jama, Hiiraan Online
[email protected]







Click here
2/11/2019 2:18 PM EST
Isniin, Feberaayo, 11, 2019 (HOL)- Wasiirro ka tirsan xukuumadda federaalka Soomaaliya ayaa maanta gaaray magaalada Baraawe ee caasimadda maamulka Koonfur Galbeed Soomaaliya, si ay ugu kuur galan xaaladda ka jirta magaaladaasi.

2/11/2019 11:01 AM EST
Isniin, Feberaayo, 11, 2019 (HOL)-Maamulka gobolka Shabeellaha dhexe ayaa ka digaya Barakac baahsan oo ay sameeyaan bulshada ku dhaqan deegaannada la calaamadiyay in ay isaga bixi doonaan ciidamada Burundi ee qeybta ka ah howlgalka midowga Africa AMISOM

2/11/2019 7:49 AM EST
Isniin, Feberaayo, 11, 2019 (HOL)-Isniin, Febraayo 11, 2019 (HOL)- Munaasibada lagu soo bandhigayey Buug uu qoray wiil dhalinyaro ahi ayaa xalay dadkii ka soo qaybgallay la kala dareeriyey ka dib markii guddida wanaag farista iyo xumaan reebistu ku ku tilmaamtay in dhaqan xumo laga waddo goobta.

2/11/2019 7:22 AM EST
Isniin, Feberaayo, 11, 2019 (HOL)-Dabkan oo ahaa mid khasaare ballaaran u geystay dad danyar ah ayaa maanta ka kacay xero ku taala xaafadda Jaamacaddaha degmada Hodan ee magaalada Muqdisho

2/11/2019 4:53 AM EST
Isniin, Feberaayo, 11, 2019 (HOL)-22-kii bishii hore ayaa shir wadatashi oo ay soo qaban qaabisay Ha’yadda Qaramada Midoobay u qaabilsan Miinooyinka waxaa lagu martiqaaday Wasaraada Aminga Gudaha Soomaaliya iyo hay” adda SEMA oo u qaabilsan Wasaarada arrimaha miinooyinka iyo qataraha ka dhasha.

2/11/2019 3:46 AM EST
Isniin, Feberaayo, 11, 2019 (HOL)-Dowladda Soomaaliya ayaa sheegtay in ay diyaar u tahay soo saaristan iyo bandhigga kheyraadka dalka,kaddib kulan ka dhacay magaalada London

2/11/2019 1:18 AM EST
Isniin, Feberaayo, 11, 2019 (HOL)– Wasiirka Amniga dowlad gobolleedka Hirshabeelle Cabduqaadir Aadan Jeelle ayaa cabasho ka dhan ah ka bixintaan ciidamada Burundi qeybo ka mid ah deegaannada Hirshabeelle u gudbiyay Aqalka sare ee Soomaaliya.

2/11/2019 1:06 AM EST
Isniin, Feberaayo, 11, 2019 (HOL)– Ku dhawaad boqol carruur ah ayaa lagu soo warramayaa in bariga Jamhuuriyadda Dimuqraadiga ee Congo ay ugu dhinteen cudurka Ebola, waxaana la filayaa in tiradaasi ay sii kororto.

2/11/2019 12:19 AM EST
Isniin, Feberaayo, 11, 2019 (HOL)–Wasiirka Wasaarradda Arrimaha Gudaha dowlad gobolleedka Hirshabeelle Maxamed Cali Caaadle oo shalay gaaray degmada Buula-burte ayaa halkaa dhagax dhigay mashaariic hormarineed.