2/23/2019
Today from Hiiraan Online:  _
Wararka Maanta- Axad, Feb 10, 2019
Baarlamaanka Puntland oo go'aamiyay qaabka loo ansixinayo xukuumadda



Axad, Feberaayo,10, 2019 (HOL)- Baarlamaanka Puntland oo maanta yeeshay fadhi ay soo xaadireen 53 Xildhibaan ayaa ka doodday qaabka loo ansixinayo golaha wasiirrada cusub ee la filayo inuu dhawaan magacaabo madaxweynaha Puntland, Siciid Cabdullaahi Deni.

Xildhibaannada waxaa ay si adag uga doodden in wadar codka kalsoonida loogu qaado golaha wasiirrada iyo in si kali kali ah Baarlamaanka ay u horyimaadan wasiirrada.

Labo mar oo codka loo qaaday tiro is la'eg ayay ku dhammaatay, markii saddexaad ayaa waxaa codka badan helay in si wadar ah oo u dhiganta si guud xukuumadda in hal mar codka kalsoonida loo qaadayo.

Xildhibaano gaaraya 26 Mudane ayaa u codeeyey in si duuduub ah Baarlamaanka loo horkeeno xukuumadda kaddibna la ansixiyo, 24 Xildhibaan ayaa u codeeyey in mid mid loo horkeeno golaha Wasiirrada kaddibna qofwalba kartidiisa lagu qiimeeyo, saddex Xildhibaan ayaan codeynta ka qayb qaadaan oo ka aamusay.

Guddoonka Baarlamaanka ayaa ku dhawaaqay in si wadar ah codka loogu qaadi doono golaha wasiirrada ee uu soo magacaabayo madaxweynaha Puntland.

Iman Mohamed Jama, Hiiraan Online
[email protected]





Click here
2/10/2019 3:52 PM EST
Axad, Feberaayo, 10, 2019 (HOL)- Madaxweynaha Puntland ,Siciid Cabdullaahi Deni ayaa goor dhow oo caawa ah ku dhawaaqay Liiska Golaha wasiirrada Puntland oo isugu jira wasiiro, wasiir ku-xigeeno iyo wasiiru dowlayaal.

2/10/2019 3:46 PM EST
Axad, Feberaayo, 10, 2019 (HOL)- Waxaa maanta magaalada Diridhabe lagu xusay xuska maalinta Ciidamada qaranka ee Itoobiya, xuskan ayaa waxaa ka soo qayb galay qaar ka mid ah madaxda degaanada dalka.

2/10/2019 2:44 PM EST
Axad, Feberaayo, 10, 2019 (HOL)- Maxkamadda Gobolka Maroodi jeex ayaa maanta ku xukuntay wargeyska madaxa banaan ee Foore, taas oo ay ku xukuntay hal sano oo adhig ah iyo ganaax saddex milyan oo shilling Somaliland.

2/10/2019 10:56 AM EST
Axad, Feberaayo, 10, 2019 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo khudbad ka jeediyay furitaanka Shir Madaxeedka Midowga Afrika oo sannadkan diirrada lagu saarayo arrimaha qaxootiga iyo barakacayaasha Afrika ayaa sheegay in madaxda looga baahan yahay in ay la yimaaddaan go’aamo iyo siyaasado waxtar u leh qaxootiga iyo barakacayaasha qaaradda.

2/10/2019 7:02 AM EST
Axad, Feberaayo, 10, 2019 (HOL)-Saddex Askari oo ka tirsan ciidamada Itoobiya ee nabad ilaalinta u jooga dalka Koonfur Suda ayaa ku dhintay shil diyaaraddeed oo ka dhacay gudaha xeryo UNku leeyihiin.

2/10/2019 4:02 AM EST
Axad, Feberaayo,10, 2019 (HOL)- Koox hubeysan ayaa goor dhaw toogasho ku dilay magaalada Muqdisho gaar ahaan degmada Hodan sarkaal ka tirsanaa ciidamada dowladda Soomaaliya.

2/10/2019 3:31 AM EST
Axad, Feberaayo, 10. 2019 (HOL)-Turkiga ayaa cambaareeyay hanjabadda iyo cabsida Shiinuhu ku haayo dadka muslimiinta ah ee qabiilka Wiguuru (Uighur), taas oo la tilmaamay in ay ceeb ku tahay xagga bini aadanimada.

2/10/2019 12:12 AM EST
Axad, Feberaayo, 10, 2019 (HOL)-Ra’iisal wasaaraha dalka Itoobiya Abiy Ahmed ayaa magaalada Addis Ababa ee dalka Itoobiya casho sharaf ugu sameeyay madaxda Africa ee halkaa u jooga ka qeybgalka shirka midowga Africa oo maanta furmaya.

2/10/2019 12:10 AM EST
Axad, Feberaayo, 10, 2019 (HOL)- Wararka naga soo gaaraya magaalada Gaalkacyo ee xarunta gobolka Mudug ayaa sheegaya in koox hubeysan xalay ku dileen Waqooyiga magaalada nabadoon ka mid ahaa waxgaradka gobolka Mudug.

2/10/2019 12:07 AM EST
Axad, Feberaayo, 10, 2019 (HOL)-Madaxweynaha dowladda Soomaaliya Maxamed Cabdullaahi Farmaajo ayaa magaalada Addis Ababa kulan gaar ah kula yeeshay xoghayaha guud ee Qaramada Midoobey Antonio Guiteres oo ay ka wada hadleen sidii loo sii xoojin lahaa wada shaqeynta dowladda federaalka Soomaaliya iyo Qaramada Midoobay.