3/28/2024
Today from Hiiraan Online:  _
Wararka Maanta- Arbaco, Dec 4 , 2019
Xisbiga dhaqaaqa Soomaaliyeed oo lagu daahfuray Muqdisho


Arbaco, December, 04, 2019 (HOL)-Xisbi siyaasadeed cusub oo la magac baxay xisbiga dhaqaaqa Soomaaliyeed ayaa maanta lagu daahfuray magaalada Muqdisho ee caasimadda Soomaaliya.

Munaasibad xisbigaan lagu furayay ayaa lagu casuumay dadweyne kala duwan oo ka socday qeybaha bulshada, sida aqoonyahanada, siyaasiyiinta,  dhalinyarada iyo haweenka, si loogusoo bandhigo aragtida xisbigaan.

Xoghayaha xisbigaan, Dr, Siciid Yuusuf Maxamed ayaa tilmaamay ujeedada xisbigaan loo aas aasay inay tahay in bulshada Soomaaliyeed lala wadaago in la aas aasay xisbi wata ujeedooyin ka madax banaan siyaasada horey uga jirtay Soomaaliya.

Xoghayaha garabka haweenka ee Xisbigaan, ayaa sheegtay inuu xisbigaan u istaagay hooyada iyo dhallaanka dayacan muhiimaduna ay tahay in la muujiyo doorkooda si ay mustaqbalka dhow uga qeyb qaataan doorashooyinka dalka.

Guddoomiyaha guddiga fulinta xisbiga Fu'aad Maxamed Guhaad ayaa isna sheegay in mabaadiida xisbiga ay kamid tahay inuu horumariyo dadka, dalka iyo diinta, waxaana uu shacabka ugu baaqay inay kamid noqdaan xisbigooda.

Guddoomiyaha xisbiga dhaqaaqa Soomaaliyeed, Cabdi Xaashi Seed, ayaa caddeeyay xisbigooda inuusan marnaba gacan saar la ahaandoonin cid kasta oo lid ku ah dowlad Soomaaliyeed oo si sharci ah ku dhisan.

Abdiweli Mohamed Sheikh, Hiiraan Online
[email protected]















Click here
12/4/2019 1:58 PM EST
Arbaco, December, 04, 2019 (HOL)- Wasiirka Shaqada iyo Arrimaha Bulshada Xukuumadda Federaalka ah ee Soomaaliya, Mudane Sadiiq Xirsi Warfaa, ayaa maanta kormeerkiisii saddex biloodlaha ahaa ku tagay xarunta Guddiga Qaranka ee Shaqaalaha Rayidka, halkaa oo ay warbixin la xiriirta waxqabadka guddiga ku siiyeen guddoonka.

12/4/2019 9:48 AM EST
Arbaco, December 04, 2019 (HOL )– Madasha wadatashiga Somaliland ayaa maanta dacwad ka dhan ah golaha Guurtidda iyo go’aankii ay labada sanno ugu kordhiyeen baarlamaanka u gudbiyey maxkamada dastuuriga ah ee Somaliland.

12/4/2019 7:20 AM EST
Arbaco, December, 04, 2019 (HOL)- Wararka ka imanaya gobolka Shabeellaha Hoose ayaa sheegaya in goor dhaw qarax miino lagu dilay guddoomiyihii degmada Awdheegle oo lagu magacaabi jiray Maxamed Yaroow

12/4/2019 6:46 AM EST
Arbaco, December, 04, 2019 (HOL)-Wasaaradda arrimaha gudaha ee dowlad goboleedka Puntland ayaa shacabka uga digtay halista kagasoo wajahan roobab wata dabaylo oo kusoo fool leh xeebaha Badweynta Hindiya.

12/4/2019 6:41 AM EST
Arbaco, December, 04, 2019 (HOL)-Dowladda Norway ayaa warbixin horudhac ah kasoo saartay muran iyo isqababsi ka taagan masaajid Soomaalidu gacanta ku haysay oo dhawaan laga joojiyay taageere dhaqaale oo ay siin jirtay Norway.

12/4/2019 3:30 AM EST
Arbaco, December, 04, 2019 (HOL)-Xildhibaanada Golaha Shacabka ee Baarlamaanka Federaalka ah ayaa lagu wadaa in ay kulankooda maanta Dood kulul ka yeeshaan sharciga Doorashooyinka heer Federaal, kaa oo toddobaadkii hore loo qeybiyay xildhibaannada.

12/4/2019 3:21 AM EST
Arbaco, December, 04, 2019 (HOL)-Xubnaha Aqalka Wakiilada dalka Mareykanka ayaa meel mariyay shaci ka hortagaya waxa loogu yeeray xarig aan sabab lahayn, jirdil, iyo dhibaateyn xukumadda Shiinuhu ku heyso muslimiinta Uighur ee ku nool gobolka Shinwaa.

12/4/2019 12:40 AM EST
Arbaco, December, 04, 2019 (HOL)-hay'adda Nabad-sugida iyo Sirdoonka Qaranka Dowladda Soomaaliya ayaa soo bandhigtay Sawirka Nin dhalinyaro ah oo ay ku eedeeyeen in uu weerar qorsheynayay.

12/4/2019 12:24 AM EST
Arbaco, December, 04, 2019 (HOL)-Magaalada Jowhar ee xarunta ah Dowlad Gobolleedka Hirshabeelle waxaa booqday maalintii shalay Wakiilka Qarramada Midoobey ee Soomaaliya James Sawan oo halkaa kula kulmay madaxweyne Waare iyo xubno ka tirsan maamulkiisa.