1/18/2022
Today from Hiiraan Online:  _
Wararka Maanta- Sabti, Dec 28, 2019
Madasha Xisbiyada Qaran oo ka digay qoddob ku jira sharciga Doorashooyinka ee loo gudbiyay Baarlamaanka

 

Sabti, December, 28, 2019 (HOL)- Waxaa sii xoogeysanaya doodda iyo ku kala aragdi-duwanaashaha sharciga Doorashooyinka Qaranka ee dhawaan loo gudbiyay xildhibaannada Golaha Shacabka oo lagu waddo in ay doodd ka yeeshaan.

Madasha Xisbiyada Qaran ayaa ka diggay qoddob ka mid ah qoraalka sharciga doorashooyinka ee loo gudbiyay Golaha Shacabka kaasoo dhigay muddo kororsi aan xadlaheyn haddii ay doorashadu ku dhici weydo waqtigii loogu tala-galay.

Qoddobakan 53aad ayaa sheegaya in doorashada dib loo dhiggi karo waqti aan la cayimin haddii ay dalka ka dhacaan xaalado halis ah sidas ah, sida aafooyin, abaaro, arrimo farsamo, kaasoo ogolanaya in dib loo dhigo doorashada.

“Madasha Xisbiyada Qaran shir ay ka yeesheen galabtay sharciga doorashooyinka ee lagu wado In berito golaha shacabku aqriskii 3-aad la horkeeno ayaa si qoto dheer loogu falanqeeyey si gaar ah qodobka 53-aad ee tilmaamaya muddo kororsi aan xad laheyn, ayadoo doodii xildhibaanada ee sharcigu marka ay socotay waxa ay ka yiraahdeen qodobkaas aan waxba laga tixgelin, arrintaasina ay keenayso in dalka loo horseedayo qalalaase siyaasadeed oo khatar gelin kara nidaamka dawladnimada dalka ee xukunka loogu kala wareegi jirey xilliyadii la soo dhaafay si nabad ah” ayaa lagu sheegay War ka soo baxay Madasha Xisbiyada Qaran.

Hadal heynta ugu badan ayaa ah in ay dhici karto doorasho qof iyo cod ah ama si kale loo dhiggay waqtigii loogu tala-galay, waxana jira shaki weyn oo laga qabo in ay jiri doonto muddo korarsi loo sameeyo Baarlamaanka iyo Xukuumadda hadda jirta oo ah walaac ugu badan oo ay qabaan siyaasiyiinta iyo Xisbiyada sida weyn isha ugu haya sida uu Baarlamaanku ula macaamilo sharciga hadda hor yaala.

“Ma dhici karto in golayaasha barlamaanku ay horseed u noqdaan In dalku galo qalalaase iyo Xasilooni-darro siyaasadeed ayadoo Madashu ay soo jeedisay in muddo kororsi Haba yaraatee sharciga laga saaro” ayeey sidoo kale sheegeen hoggaanka madasha Xisbiyada Qaran.

Lama oga sida ay uga jawaabi doonaan xildhibaannada Golaha Shacabka oo maalmaha soo socda lagu wado in uu go’aan ka gaaro sharciga doorashooyinka Qaranka ee hor yaala.

C/raxmaan Diini, Hiiraan Online
[email protected]













Click here
12/28/2019 3:28 PM EST
Sabti, December, 28, 2019 (HOL)- Iyadoo maanta maagaalada Muqdisho uu ka dhacay Qarax galaaftay nolasha ku dhawaad 100 ruux ayaa loogu baaqay dowladda Soomaaliya in ay la timaado qorshe Amni oo wax lagaga qabanayo qaraxyada noocan oo kale ah.

12/28/2019 12:11 PM EST
Sabti, December 28, 2019 (HOL )– Shirweynihii dalladda dhallinyarada Somaliland ee SONYO oo laba cisho uga socday magaaladda Hargeysa ayaa mar dhowayd doortay hogaan cusub oo bedeli doonna hogaankii hore usii joogay .

12/28/2019 11:38 AM EST
Sabti, December, 28, 2019 (HOL)-Wararka ka imaanaya magaalada Diridhabe ayaa sheegaya in maanta Jaamacadda Diridhabe uu ka jiray qalalaase u dhaxeeyay ardayda Jaamacadda ee kasoo kala jeeda qawmiyadda Axmaarada iyo Oromada.

12/28/2019 8:01 AM EST
Sabti, December, 28, 2019 (HOL)- Madaxweynaha dowlad goboleedka Puntland Siciid Cabdullaahi Deni ayaa goor dhowayd ka hadlay qaraxii Muqdisho ka dhacay ee lagu xasuuqay ummad Soomaaliyeed oo aan waxba galabsan.

12/28/2019 7:12 AM EST
Sabti, December, 28, 2019 (HOL)- Golaha Shacabka Soomaaliya ayaa goor dhowayd ansixiyay Sharciga cusub ee doorashooyinka Qaranka heer Federaal ee Soomaaliya, kadib markii ay maanta dood culus ka yeesheen.

12/28/2019 7:10 AM EST
Sabti,Demcember, 28, 2019 (HOL)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa tacsi u diray qoysaska iyo ehellada muwaadiniinta Soomaaliyeed ee ku naf waayey qaraxii bahalnimada ahaa ee argagixisadu ay la beegsadeen Ex-kaantorool Afgooye.

12/28/2019 5:39 AM EST
Sabti, December, 28, 2019 (HOL)-Waxaa saacad walba isa soo taraya warka ku saabsan Khasaraha dhimasho iyo dhaawac ee uu sababay Qaraxii subaxnimadii hore ee saakay lagu bartilmaameedsaday Isgoyska mashquulka badan ee Ex-Koontarool Afgooye magaalada Muqdisho.

12/28/2019 5:08 AM EST
Sabti, December, 28, 2019 (HOL) Gudoomiyaha cusub ee barlamaanka Puntland, Cabdirashiid Yuusuf Jibriil, ayaa maanta gaaray gobolka Sanaag, gobolkaas oo dhawaan lagaga mudaharaaday maamulka Puntland.

12/28/2019 2:40 AM EST
Sabti, December, 28, 2019 (HOL)-Ku dhawaad 30 ruux oo badnaa dad shacab ah ayaa lagu waramayaa in ay ku dhinteen Weerar Ismiidaamin ah oo subaxnimadii hore ee saakay lagu qaaday Barkootarool oo canshuurta lagu qaado Isgoyska Ex Kootarool Afgooye

12/28/2019 12:45 AM EST
Sabti, December, 28, 2019 (HOL)- Faah faahinno dheeraad ah ayaa ka soo baxaya weerar ismiidaamin ah oo subaxnimadii hore ee saakay lagu qaaday Barkootarool oo ay ciidamada waaxda canshuuraha ku lahaayeen Isgoyska Ex Kootarool Afgooye.

12/28/2019 12:17 AM EST
Sabti, December, 28, 2019 (HOL)- Xildhibaannada Golaha Shacab-ka ayaa maanta oo Sabti ah kulankoodii caadiga ah isugu uga dooddi doona sharciga Doorashooyinka Qaran ee dhawaan loo gudbiyay.

12/28/2019 12:11 AM EST
Sabti, December, 28, 2019 (HOL)- Wararka ka imanaya Isgoyska Ex Koontarool Afgooye ee magaalada Muqdisho ayaa sheegaya in gaari walxaha qarxa laga soo buuxiyay goor dhaw lagu weerarray Barkootarool oo ay ku sugnaayeen ciidamo ka tirsan kuwa dowladda Soomaaliya.