1/18/2022
Today from Hiiraan Online:  _
Wararka Maanta- Jimco, Dec 27, 2019
Ra’iisal Wasaare Kheyre oo maanta ku sii jeeda degmada Dhuusa-Mareeb ee xarunta dowlad gobolleedka Galmudug

 

Jimco, December, 27, 2019 (HOL)- Magaalada Dhuusa-Mareeb ee xarunta u ah dowlad gobolleedka Galmudug waxaa ka soconaya diyaar-garoowga soo dhaweynta Ra’iisal Wasaaraha Xukuumadda Soomaaliya Xassan Cali Kheyre oo lagu waddo in uu gaaro saacadaha soo socda.

Maalintii shalay waxaa gaaray degmada Dhuusa-Mareeb wafdi hordhac u ah Ra’iisal Wasaare Kheyre oo ay ka mid ahaayeen ciidamo gaar ah oo ka tirsan ilaaladiisa ka tirsan.

Kheyre ayaa la filayaa in uu kulamo kala duwan la qaato hoggaanka Ahlu Sunna Waljameeca, guddiga farsamada maamul u sameynta Galmudug iyo odayaasha saxiixayaasha ah Xildhibaannada ka mid noqonaya Baarlamaanka cusub oo dhawaan la filayo in lagu dhawaaqo.

Labadii todobaad ee la soo dhaafay waxaa jirtay cabasho ay muujinayeen Beelaha qaar ee Galmudug oo ka hor yimid habka loo wadaagay 20ka xildhibaan ee Ahlu Sunna uga mid noqonaya Baarlamaanka cusub.

C/raxmaan Diini, Hiiraan Online
[email protected]













Click here
12/27/2019 9:37 AM EST
Jimco, December, 27, 2019 (HOL)-Diyaarad ay saarnaayeen in ka badan 90 qof ayaa waxyar un kadib markii ay kacday ku dhacday dalka Kazakhstan, ayada oo ay ku dhinteen 12 qof, halka in ka badan 20 kale ay ku dhaawacmeen, sida ay sheegeen mas’uuliyiinta.

12/27/2019 8:09 AM EST
Jimco, December, 27, 2019 (HOL)-Madaxweynaha Eritrea Isaias Afwerki ayaa khamiistii ballan-qaaday inuu xoojin doono wada-shaqeynta kala dhaxeysa Itoobiya, isaga oo ku guda jiray maalintii ugu dambeysay booqasho laba maalmood ah, oo loo arkay inay timid xilli hanaankii nabadda labada dal uu gaabiyey.

12/27/2019 4:01 AM EST
Jimce, December, 27, 2019 (HOL)- Afar dhalinyaro ah oo saddex kamid ah dumar yihiin ayaa ku geeriyooday shil gaari oo xalay saqdii dhexe ka dhacay duleedka bari ee magaalada Garowe ee caasimadda Puntland.

12/27/2019 12:56 AM EST
Jimco, December 27, 2019 (HOL )–Xoghayaha arrimaha gudaha ee xisbiga UCID Maxamuud Cali Ramaax ayaa xabsiga loo taxaabay ka dib markii lagu eedeeyey inuu aflagaadeeyey gudoomiyaha golaha Wakiiladda Somaliland.

12/27/2019 12:08 AM EST
Jimco, December, 27, 2019 (HOL)-Beeraleyda ku dhaqan labada gobol Hiiraan ayaa Shabeellaha Dhexe ayaa la tacaalaya sidii ay uga hortagi lahaayeen Ayax duulaan ku ah tacabka Beeraha kuwaa oo marka ay ku dagaan ka idleysanaya wixii dalag ah ee ku yaala.