10/25/2020
Today from Hiiraan Online:  _
Wararka Maanta- Talaado, Dec 17, 2019
Wasaarada shaqo galinta Somaliland oo xuquuqdeedii usoo dhicisay hooyo Ayaan Cabdiraxmaan


 

Talaado, December,17 2019 (HOL)–Wasiiraaradda Wasaaradda shaqo-gelinta iyo Arrimaha Bulshadda Somaliland ayaa xaquuqdeedii usoo dhicisay hooyo Ayaan Cabdiramxaan oo meherad aan magaceeda la shaacin shaqaddii ka eriday.

Hooyo Ayaan Cabdiraxmaan waxa la kulantay Ubax Ciise wakhtigii shaqada laga joojiyey,taas oo baraha bulshadda ku soo bandhigay tacadiga ay hooyadani ka tirsanayso ganacsadihii ay u shaqaynaysay, taasina waxay sababtay in baraha bulshadda qabsato tacadiga hooyadan oo dadkii ay ugu doodaan baraha bulshadda.

Qoraalka lagu baahiyey baraha bulshada waxa markiiba ka soo jawaabtay wasaarada shaqo galinta iyo arrimaha bulshadda oo ganacsadihii shaqada ka joojiyey dacwad ku furtay, halka gudoomiyaha hay’adda qaxoontiga iyo barakacayaasha Somaliland Cabdikariim xinif oo ballanqaaday inuu shaqo hal saacad ah siin doono.

Wasiirka wasaaradda shaqogalinta Marwo Hinda Jaamac Xirsi ayaa Hooyo Ayan Cabdiraxman Axmed maanta guddoonsiiyay lacag dhan $990 dollar oo ah xaq shaqaalennimo ee ay ku lahayd ganacsadihii ay u shaqaynayey.

Hooyo Ayaan Cabdiraxmaan ayaa muddo labada sano ah nadiifisonimo ugu shaqaynaysay Supermarket  ku yaala Suuqa Magaaladda Hargeysa, waxaana loo xisaabiyey xaq sanadeed keeddii,bishii fasaxa ahayd ee ay sanadkiiba hal mar xaqa u lahayd iyo xuquuqdii maalmaha qaranka ee fasaxyada.

Sidoo kale, waxay hooyo Ayaan cadaysay in maalmaha ciida waxii ay xaq u lahayd iyo bishii ogeysiinta eriga ba hore loo siiyay.

Dhinaca kale Wasaaradda Arimaha Bulshadu waxa ay kafaalo qaaday waxbarashadda ubadkii ay hooyadu aadka uga war warsanayd.

Hooyadan ayaa noqotay mid nasiib leh oo baraha bulshadda loogu difaacay, taas oo markiiba ka soo jawaabeen hay’adihii dawlada ee ilaalinta shaqaalaha masuulka ka ahayd.

 

Barkhad-ladiif M. Cumar, Hiiraan Online

[email protected]

Hargeysa, Somaliland

 













Click here
12/17/2019 11:28 AM EST
Talaado, December, 17, 2019 (HOL)-Inta badan golaha degaanka degmada Laascaanood ayaa ka soo horjeestey mashruuc biyo gelin oo ay sheegeen in la siiyey shirkad degaanka laga leeyahay.

12/17/2019 11:27 AM EST
Talaado, December, 17, 2019 (HOL)-Taliyaha Ciidamada Dhulka Xoogga Dalka Soomaaliyeed iyo Taliska qeybta 21-aad Xoogga dalka oo asbuucyadii la soo dhaafay howlo nabadeed u joogay degaanada Afbarwaaqo iyo Towfiiq ayaa maantay kulan guud isugu keenay beelihii walaalaha ahaa ee ku dagaalamay degaanadaasi.

12/17/2019 8:26 AM EST
Talaado, December, 17, 2019 (HOL)-Madaxweynaha Dowlad Goboleedka Jubbaland Axmed Maxamed Islaam ayaa Magaalada Kismaayo ku qaabilay wakiilka gaarka ah ee Xog-hayaha guud ee Qaramada Midoobay u qaabilsan Soomaaliya James Swan Xubno ka socday Midowga Yurub, Midowga Afrika iyo Urur Goboleedka IGAD.

12/17/2019 7:32 AM EST
Talaado, December, 17, 2019 (HOL)-Diyaar garowga Soomaaliya ee doorashada qorsheysan ee qof iyo cod ah 2020/2021, ayaa looga hadlay kulan xog-wadaag ah oo ay maanta si wadajir ah u shir-guddoominayeen Gudiga Madaxa-bannaan ee Doorashooyinka Qaranka iyo Xafiiska hawlgalka kaalmaynta qaramada midoobay ee soomaaliya.

12/17/2019 7:13 AM EST
Talaado, December 17, 2019 (HOL )– Saddexda xisbi qaran ee Somaliland ayaa maanta aqballay go’aankii ergadii dhexdhexaadinta soo saartay, taas oo ahaa in guddidi hore ee doorashooyinka dib loo soo celiyo, halka guddidan cusubna la kala diro.

12/17/2019 6:38 AM EST
Talaado, December, 17, 2019 (HOL)-Ra’iisul Wasaaraha xukuumadda federaalka Soomaaliya, Xasan Cali Khayre iyo Madaxweynaha Turkiga, Recep Tayyip Erdoğan, ayaa kulan ku yeeshay magaalada Geneva ee dalka Switzerland.

12/17/2019 5:29 AM EST
Talaado, December, 17, 2019 (HOL)-Maxkamad gaar ah oo ku taalla dalka Pakistan ayaa madaxweynihii hore ee militariga ahaa ee dalkaas Pervez Musharraf, ku heshy dambi qiyaameyn qaran ah oo weyn, waxayna ku xukuntay dil.

12/17/2019 4:16 AM EST
Talaado, December, 17, 2019 (HOL)-Saraakiisha ciiddanka xoogga dalka Soomaaliya ee ku sugan gobolka Mudug, ayaa sheegay in maanta la kala qaadayo maleyshiyo beeleedyadii ku dagaalamay inta u dhexaysa Towfiiq iyo Afbarwaaqo.

12/17/2019 1:45 AM EST
Talaado, December, 17, 2019 (HOL)-Wafdi uu hogaaminayo wasiirka arrimaha gudaha ee dowlad goboleedka Puntland, ayaa gaaray degmada Towfiiq ee gobolka Mudug, halkaasi oo uu ka socda dadaalo laguso afjarayo colaad dhextaala labo beelood oo kasoo kala jeeda Puntland iyo Galmudug.

12/17/2019 12:08 AM EST
Talaado, December, 17, 2019 (HOL)- War ka soo baxay Taliska Ciidamada Maraykanka ee qaarada Afrika ee loo yaqaano AFRICOM ayaa lagu faah faahiyey duqeyn dhinaca cirka ah oo uu Mareykanka ka fuliyey degmo ka tirsan Gobolka Jubbada Dhexe.

12/17/2019 12:03 AM EST
Talaado, December, 17, 2019 (HOL)- Wararka naga soo gaaraya degmada Balcad ee gobolka Shabeellaha Dhexe ayaa sheegaya in saakay xoogag ka tirsan Ururka Al-shabaab weerar culus ku qaadeen barkootarool oo ku taala degmada.