10/25/2020
Today from Hiiraan Online:  _
Wararka Maanta- Axad, Dec 15, 2019
Kheyre oo Doha kula kulmay Xoghayaha Maaliyada Mareykanka


 

Axad, December, 15, 2019 (HOL)-Ra'iisal Wasaaraha xukuumadda Soomaaliya Xassan Cali Khayre ayaa magaalada Dooxa kula kulmay xoghayaha maaliyadda dowladda Mareykanka, Steven Mnuchin, oo ka mid ah madaxda ka qayb galaysa madasha 19-aad ee Doha.

Kulanka Labada dhinac ayaa looga hadlay dardar gelinta barnaamijka deyn cafinta ee gebagebada maraya iyo  doorka  dowladda Mareykanka ee ka mira dhalinta dadaallada socda.

Dowladda Mareykanka ayaa ka mid ah dowladaha saaxiibka dhaw la ah Soomaaliya kana caawiya dib-u-dhiska hey'adaha dowladeed.

Kulanka ayaa qayb ka ah kulamada uu Ra'iisal wasaaraha la yeelanayo qaar kamid ah madaxda ka qayb geleysa madasha Doha.

Ra'iisal Wasaare Kheyre oo shalay ka qayb galay furitaanka madasha  Doha ayaa maanta khudbad ka jeedinaya madasha oo sannadkaan looga  hadlayo ajandayaal muhiim ah.

C/raxmaan Diini, Hiiraan Online
[email protected]
 

 













Click here
12/15/2019 12:25 PM EST
Axad, December, 15, 2019 (HOL)-Koox hubaysan ayaa caawo fiidkii weerar ku qaaday saldhig ciiddan oo kuyaala waqooyiga magaalada Gaalkacyo, iyagoo u adeegsaday bombo gacmeedyo iyo rasaas toos ah.

12/15/2019 9:11 AM EST
Axad, December, 15, 2019 (HOL)- Kulankan oo ka dhacay magaalada Columbus Ohio ee dalka Mareykanka waxaa soo abaabulay aqoonayahan Dahir Ali Omar waxaa looga hadlay xariirka waalidka iyo caruurta qurbaha.

12/15/2019 9:06 AM EST
Axad, December 15, 2019 (HOL )– Xoghayihii hore ee warfaafinta xisbiga UCID Yuusuf Kayse Cabdilaahi ayaa ku dhaliilay xukuumadda inay waxqabadkeedii sanadka ku darsatay inay la kulantay gudoomiyeyaasha warbaahinta madaxa banaan, halka sanadkii hore ku darsatay inay la kulantay xisbiyada mucaaradka ah.

12/15/2019 7:05 AM EST
Axad, December, 15, 2019 (HOL)-Madaxweynaha Puntland Siciid Cabdulaahi Deni, ayaa ku dhaliilay guddiga qaran ee doorashooyinka Soomaaliya inaysan ahayn guddi madax bannaan oo matali kara shacabka Soomaaliyeed.

12/15/2019 5:54 AM EST
Axad, December, 15, 2019 (HOL)-Sida ay qortay Daily Mail, Orodyanka caanka ah ee Mo Farah ayaa walaalkiis loo masafuriyay Somaliya, kadib markii lagu eedeyay inuu geystay weerar mindi ah oo ka dhacay Degmadda Southall ee Galbeedka London sannadkii 2010-kii.

12/15/2019 4:09 AM EST
Axad, December, 15, 2019 (HOL)-Guddiga Difaaca iyo Amniga Golaha Aqalka Sare ee BFS ayaa kulan wadatashi ah la yeeshay Taliyayayaasha Ciidamada Qalabka ee dalka Soomaaliya.

12/15/2019 12:08 AM EST
Axad, December, 15, 2019 (HOL)- Wasiirka Wasaarradda Warfaafinta Dhaqanka iyo Dalxiiska Dowladda Soomaaliya Maxamed Cabdi Xayir Maareeye ayaa lagu wadaa in maanta uu Axad ah uu hortago Xildhibaannada Golaha Shacabka oo yeelanaya kulankoodii caadiga ahaa.

12/15/2019 12:04 AM EST
Axad, December, 15, 2019 (HOL)- Madaxweynaha Dowladda Federaalka Soomaaliya Maxamed Cabdullaahi Farmaajo ayaa kulan wada tashi ah la qaatay Guddiga Qaran ee Dhab-u-heshiisiinta iyo Wadahadallada Dowladda Federaalka iyo Somaliland.