12/15/2019
Today from Hiiraan Online:  _
Wararka Maanta- Axad, Dec 1 , 2019
Sarkaal la dalacsiiyay kaddib markii uu sheegay in haweeney uu qabay qaadsiisay cudurka HIV/AIDS


 

Axad, December, 01, 2019 (HOL)-Iyadoo maanta dunida oo idil laga xusayo  maalinta cudurka dilaaga ah ee AIDSka ayuu madaxweyne ku-xigeenka Dowlad gobolleedka Puntland Axmed Cilmi Karaash u dalacsiiyay Darrajada Gaashaanle taliye Bashiir Cismaan Cawad oo sheegay in haweeney uu guursaday ay u qarisay cudurka HIV/AIDS.

Sheekada ku saabsan Bashiir ayaa maalmihii ugu danbeeyay siweyn u qabsatay Baraha Bulshada isaga oo wareysi uu bixiyay ku sheegay in haweeney uu qabay ay u qarisay cudurka AIDS iskastoo sida uu hadalka u dhiggay waayadii ugu danbeeyay uu ka shakiyay madaama uu ku arkay iyada oo isticmaaleysa dawooyin kala duwan balse marka uu weydiiyo sababo kale ugu sheegi jirtay in ay u cuneyso.

''Muddo dheer ayuu xanuun i hayay intii aan la noolaa oo idil xanuunkaa waan dareemayay laakiin ma ogeyn in aan qabay cudurkan, waayo wey iga qarin jirtay Anniga ma dareensaneyn in ay cudurkan qabto... Waxaa dhacday in maalin kaliya ay guriga isaga tagtay,, markii aan taleefoon u diray oo aan weydiiyay sababta ay u tagtay..waxey igu tiri ogoow waad dhimaneysaa... taasoo shaki weyn ugu abuurtay ayuu yiri Gaashaanle Bashiir oo hadda kula taliyay lamaanayaasha in ay is baaraan ka hor inta aysan is guursan, isaga oo sheegay in uu iska cafiyay haweeneydii cudurka u qarisay.

Waa Sarkaalkii ugu horeeyay ee la dalacsiiyo kaddib markii uu qirtay in uu qabo cudurkan waxaana uu sheegay in uu go'aasaday in uusan qarin cudurkan madaama uu si qalad ah ugu yimid. 

C/raxmaan Diini, Hiiraan Online
[email protected] 










Click here
12/1/2019 10:01 AM EST
Axad, December 01, 2019 (HOL )– Madaxweynaha Somaliland Muuse Biixi ayaa maanta isku shaandheyn ku sameeyey golihiisa wasiiradda,halka qaarna xilalkii ka qaaday kuwo cusubna ku soo daray.

12/1/2019 4:43 AM EST
Axad, December, 01, 2019 (HOL)-Mareykanka ayaa War uu soo saaray kaga hadlay duqeyn cidka oo Sabtidii shalay ay ka fuliyeen degmada Jilib ee gobolka Jubbada Dhexe

12/1/2019 4:12 AM EST
Axad, December, 01, 2019 (HOL)-Hay'adda Puntland u qaabilsan la dagaalanka AIDska ee magaceeda loosoo gaabiyo PAC, ayaa maanta shaacisay in sanadkan 56 qof laga heley Viruska HIV/Aids-ka.

12/1/2019 3:34 AM EST
Axad, December, 01, 2019 (HOL)-Kooxda ISIS ayaa sheegatay mid kamid ah dagaal yahanadooda inuu fuliyay weerarkii argagixiso ee ka dhacay London Bridge oo ay ku dhinteen laba qof.

12/1/2019 3:30 AM EST
Axad, December, 01, 2019 (HOL)-38 milyan oo qof oo dunida daafaheeda ku suganl, ayaa la nool cudurka HIV, iyadoo maanta caalamka laga xusayo maalinta caalamiga ah ee AID-ska oo ku beegan kowda December.

12/1/2019 1:08 AM EST
Axad, December, 01, 2019 (HOL)- Warar dheeraad ah ayaa ka soo baxay dagaal culus oo ciidamada dowladda Soomaaliya iyo Xoogagga Ururka Al-shabaab ku dhaxmaray deegaanno hoostaga degmada Baardheere ee Gobolka Gedo.

12/1/2019 12:31 AM EST
Axad, December, 01, 2019 (HOL)- Wararka ka imanaya degmada Dhuusa-Mareeb ee xarunta u ah dowlad gobolleedka Galmudug, ayaa sheegaya in uu socdo qorshe mar kale dib loogu soo nooleynayo wadahadalladii Dowladda Federaalka iyo Ahlu Sunna Waljameeca, kaddib markii uu xoogeystay khilaafka ka dhashay habka ay dowladdu maamuleyso dhismaha Galmudug cusub oo loo dhan yahay.