Faah faahin ku saabsan dagaal culus oo ka dhacay degmada Baardheere ee Gobolka Gedo
Axad, December, 01, 2019
(HOL)- Warar dheeraad ah ayaa ka soo
baxay dagaal culus oo ciidamada dowladda Soomaaliya iyo Xoogagga Ururka
Al-shabaab ku dhaxmaray deegaanno hoostaga degmada Baardheere ee Gobolka Gedo.
Dagaalka ayaa bilaawday kaddib
markii ciidamada dowladda ay weerar ku qaadeen saldhigyo Al-shabaab ay ku
lahaayeen deegaanka Baar Macalin, waxaana halkaa ka bilaawday dagaal culus oo
leysku adeegsadasy hub noocyadiisa kala duwan.
Sarkaal u hadlay maamulka
Jubbaland ayaa sheegay dagaalka dhinaca Al-shabaab looga dilay 10 dagaalyahan,
halka dhankooda ay ka dhinteen Labo Askari.
Al-Shabaab oo dhinacooda ka hadlay dagaalka ayaa
sheegay in ay iska caabiyee weerar ay sheegeen in ciidamada Itoobiya ku soo
qaadeen, iyaga oo doonaya inay kala waregeaan xoolo ay ku sheegeen inay
ahaayeen Zako.
Gobolka Gedo ayaa ka mid ah deegaannada ay ku
xooggan yihiin Ururka Al-shabaab iyaga oo marar badan iska horimaadyo la galay
ciidamada dowladda iyo kuwa howlgalka midowga Africa AMISOM.
C/raxmaan Diini, Hiiraan Online
[email protected]
