Taliyaha cusub ee ciidamada AFRICOM oo kulan aan la shaacin la qaatay ra'iisal wasaare Kheyre
Khamiis, Augusto, 08, 2019 (HOL)-Taliyaha cusub ee ciidamada Mareykanka qaarrada Africa Gen. Stephen Townsend oo booqasho aan la shaacin ku yimid Arbacdii shalay magaalada Muqdisho ayaa kulan la qaatay ra'iisal wasaare Xassan Cali Kheyre iyo safiirka Mareykanka ee Soomaaliya Donald Yamamooto.
War ka soo baxay taliska ayaa lagu sheegay in booqashada uu taliye Townsend ku tagay Soomaaliya tahay mid lagu qiimeynayo xaalada Amniga, iyadoo la sii xoojinayo balanqaadka AFRICOM ee nabad-galyada gobolka guud ahaan gaar ahaan Soomaaliya.
“Waa ay iga go’an tahay inaan wadashaqeyno,isla markaana aan
iskaashigeena xoojino,Soomaaliya iyo xulufada kale,waxaan culeys joogto
ah saari doonaa Ururada xagjirka ah,waxaana culeyska uu abuurayaa
horumarka siyaasadeed iyo kan dhaqaale ayuu jiri Jeneraal Stephen
Townsend.
Sidoo kale War ka soo baxay AFRICOM ayaa lagu sheegay in dadaalada Mareykanka
ee Soomaaliya ay ku tacaluqaan tallaabo diblumaasiyadeed oo ah dhinaca
horumarka iyo Gaashaandhigga iyo sida uu Mareykanka Soomaaliya uga
caawinayo dhinac walba.
War-Saxaafadeedka waxaa lagu sheegay in Al-Shabaab aysan laheyn awood ay ku weerari karaan mareykanka,laakin hadii ay fursad u helaan ay weerari lahaayeen,waxaana inta badan War-Saxaafadeedka looga hadlay arrimo badan oo ku saabsan Sahqooyinka horyaalla Taliyaha cusub ee ciidamada Mareykanka ee Afrika.
C/raxmaan Diini, Hiiraan Online
[email protected]