Muqdisho: Wasiirrada Warfaafinta heer Federaal iyo kuwa Dowlad-gobolleedyda oo kullan la yeeshay hay’adaha Daneeya Warbaahinta
Talaado, Augusto, 20, 2019 (HOL)- Shirka wada-tashiga wasiirrada Warfaafinta heer federaal iyo heer dowlad-gobolleed oo maalintii saddexaad ka socda magaalada Muqdisho ayaa maanta waxaa ay la kulmeen xubnaha ka qaybgalaya hay'addaha daneeya warbaahinta iyo wacyi-gelinta bulshada.
Waxana shirka inta badan looga hadley wacyi-gelinta bulshada in si wadajir ah looga qeyb qaato ,waxaana hay’adaha kala duwan ee daneeneya warbaahinta ay sheegeen in doorkooda ay ka qaadan doonnaan horumaka warbaahinta Soomaaliya iyo wacyi-gelinta bulshada.
Wasiirka wasaradda Warfaafinta Wacyigelinyta Bulshada dowlad-gobolleedka Koonfur-galbeed Soomaaliya ,Ugaas Xasan Cabdi Maxamed ayaa ka warbixiyay wax-yaabaha ay kala hadleen hay’addaha daneeya horumarka warbahinta dalka ,iyagoona ballan qaadey in ay kaalin ka qaadan doonaan horumarinta warbaahinta dowladda kuwa gaar iyo wacyi-gelinta dadweynaha.
Maxamed Abdi Xayir Maareye ,Wasiirka Wasaradda Warfaafinta Dhaqanka iyo Dalxiiska Xukuumadda Soomaaliya ayaa waxa uu sheegey in maanta la isku afgartey in hay’ad waliba oo wacyi-gelin ka sameyneysa Soomaaliya ,ay iska soo diiwan geliso Wasaaradaha Warfaafinta heer federaal iyo kuwa dowlad-gobolleedyada dalka kajira.
Shirkan ayaa la fileyaa in maalinta berrito ah laga soo saaro war-murtiyeed la xiriira waxyaabihii la isku afgartey muddadii shirka uu socodey.
Iman Mohamed Jama, Hiiraan Online
[email protected]