8/25/2019
Today from Hiiraan Online:  _
Wararka Maanta- Jimco, Aug 16, 2019
Liiska Ergooyinka shirka Dhuusa-Mareeb oo la soo dhameystiray


 

Jicmo, Augusto, 16, 2019, (HOL)-Iyadoo  lagu wado in maalinta berri ah uu ka furmo magaalada Dhuusa-Mareeb shirka dib-u-heshiisiinta Galmudug ayuu sheegay guddoonka guddiga qaban-qaabada in dhamaanba la soo dhameystiray Liiska ergada shirka ka qeybgali doonta,

Cabdiraxmaan Maxamed Cabdullaahi Baadiyoow guddoomiyaha guddiga qabanqaabada shirka ayaa sheegay dhinacyada,hoolka shirka, Agabka la isticmaalayo, iyo amniga intaba la diyaariyay, islamarkaana kaliya ay harsan tahay in shirkaasi uu qabsoomo 17 Bishaan oo ku beegan berri oo Sabti ah. 

Sidoo kale waxaa uu hadalkiisa intasi ku daray in dhamaan ay soo gaareen liiska ergada Beelaha dega deegaannada Galmudug uga qyeb galaya Shirka dib u heshiisiinta Galmudug, hayeeshee kaliya ay harsan tahay in dadkaasi la soo daabulo lana keeno magalada Dhuusamareeb.

Laakiin haddana dhinaca kale marka la eego waxaa jira qaar ka mid ah beelaha degga degaannada Galmudu goo wali ka biyo diidan shirkaa kuwaa oo dalbaday in shirka dib loo dhiggo lana xaliyo marka hore tabashooyinka ka jira.

C/raxmaan Diini, Hiiraan Online
[email protected]
 

 










Click here
8/16/2019 3:46 PM EST
Jimco, Augusto, 16, 2019 (HOL)- Guddiga xuduuddaha iyo doorashooyinka Jubbaland ayaa waqti dheeraad ah ku darray xilliga is-diiwaangelinta ee musharrixiinta u tartamaya xilka madaxweynaha Jubbaland, sida ay oggaatay Hiiraan Online.

8/16/2019 3:05 PM EST
Jimco, Augusto, 16, 2019 (HOL)- Kooxda haweenka ah ee kubadda Koleyga Muqdisho City Clup ayaa sannadkan ku mataleysa Soomaaliya tartanka caalamiga ah ee koleyga dalalka geeska Afrika. Tartanka oo ay ka qaybgalayaan kooxo ka socda dhammaan dalalka geeska Afrika iyo dalka Masar ayaa sannadkan lagu qabanaya dalka Tanzania.

8/16/2019 2:39 PM EST
Jimco, Augusto, 16, 2019 (HOL)- Hay’ad ka shaqeyn doonta caawinta dadka dan’yarta iyo carruurta agoonta ah ayaa looga dhawaaqay magaalada caasimadda ah ee Muqdisho.

8/16/2019 11:44 AM EST
Khamiis, Augusto, 16, 2019 (HOL)– Sadiiq Khan Duqa magaalada London ayaa ka qeybgalay munaasabad loogu baroordiiqayay geeridee ku timid Duqii hore ee Muqdisho Eng Cabdiraxman Cumar Cismaan Yariisoow oo u geeriyooday dhaawac culus oo ka soo gaaray weerar ismiidaamin ah oo ka dhacay xarunta gobolka Banaadir.

8/16/2019 9:39 AM EST
Jimco, Augusto, 16, 2019 (HOL)-Guddoomiye ku-xigeenka Amniga iyo siyaasadda maamulka gobolka Banaadir ayaa faah faahin dheeraad ah ka bixiyay afar ruux toogasho lagu dilay maanta.

8/16/2019 8:29 AM EST
Jimco, Augusto, 16, 2019 (HOL)-Wasaaradda arrimaha gudaha Israel, ayaa sheegtay inay Rashida Tlaib oo ka tirsan Aqalka Wakiilada Mareykanka, u ogolaatay inay booqato qoyskeeda degan Daanta Galbeed ee la haysto.

8/16/2019 8:21 AM EST
Jimco, Augusto, 16, 2019 (HOL)-Ciidamada Amaanka dowladda Soomaaliya ayaa degmada Howlwadaag gaar ahaa suuqa weyn ee Bakaaraha ku toogtay Suuqa Bakaaraha afar ruux oo mid haween aheyd, kuwaasoo la sheegay inay qorsheynayeen isku day dil lala beegsan rabay Mas’uul dowladeed.

8/16/2019 3:28 AM EST
Jimco, Augusto, 16, 2019 (HOL)-Wararka ka imanaya gobolka Shabeellaha hoose ayaa sheegaya in diyaaradaha Mareykanka oo taageerro siinaya ciidamada dowladda duqeyn la beegsadeen saldhigyo Al-shabaab ku lahaayeen gobolka Shabeellaha Hoose, gaar ahaan deegaannada Mubaarak iyo Janaale

8/16/2019 12:59 AM EST
Jimco, Augusto, 16, 2019 (HOL)-Wakiillada Midowga Afrika, IGAD iyo Qaramada Midoobay oo shalay booqasho ku tagay magaalada Kimaayo ayaa ka digay in haddii aan xaaladda cakiran xal loo helin ay xasillooni-darro u horseedi karto maamul gooleedka Jubbaland. Xubnaha ayaa ku baaqay in hannaan keliya loo maro doorashada.