3/29/2024
Today from Hiiraan Online:  _
Wararka Maanta- Arbaco, Aug 14, 2019
Jubbaland ma labo maamul ayeey yeelaneysa

 

Arbaco, Augusto, 14, 2019 (HOL)-Magaalada Kismaayo waxaa maanta lagu dhaariyay xildhibaannada garabka musharixiinta Isbadal-Doonka Jubbaland oo maalintii shalay lagu dhawaaqay.

Axmed Aadan Cabdi Guddoomiyaha guddiga doorashada  maalintii shalay xildhibaannada ku dhawaaqay ayaa sheegay in  maanta dhaariyeen sida uu hadalka u dhigay tiro ka badan 50 xildhibaan oo ka mid ah 75 xildhibaan oo ay maalintii shalay ku dhawaaqeen, isaga oo intaa ku daray in tirada soo hartay oo aan hadda Kismaayo ku sugneyn la dhaarin doono.

Guddoomiyaha ayaa intaa ku daray in howsha ay sidaa ku sii socon doonto, ilaa laga gaarayo doorashada guddoonka Baarlamaanka iyo ku-xigeennadiisa.

Xildhibaannada maanta la dhaariyay ayaa markiiba guddoomiye ku-meel-gaar ah u doortay Xildhibaan Maxamed Buule Dhaay oo horay uga mid ahaa Baarlamaanka waqtigiisu dhamaaday ee Jubbaland. 

Dhinaca kale, guddoomiyaha guddiga doorashada iyo xudduudaha Jubbaland Xamse Cabdi Barre  oo la hadlay VOA ayaa sheegay in ay wax ka badal ku sameeyeen jadwalkii doorashada, islamarkaana 19ka bishan doorran doonaan sida uu hadalka u dhigay madaxweynaha dowlad gobolleedka Jubbaland.

Marka leys bar- bar dhiggo hadallada labada Guddoomiye Guddi Doorasho waxaa muuqata in ugu danbeyntii Labada Baarlamaan dooran doonaan labo madaxweyne oo iska soo horjeeda, laakiin dhinaca kale waxaa soconaya waan-waan la doonayo in meel-dhexe leysugu keeno dhinacyada iska soo horjeeda sida uu ka dhawaajiyay Axmed Aadan Cabdi oo guddoomiye u ah guddiga doorashada garabka Isbadal Doonka

Magaalada Kismaayo waxaa maanta gaaray wafdi ka socda howlgalka midowga Africa AMISOM iyo xildhibaanno ka tirsan labada Aqal ee Baarlamaanka kuwaa oo halkaa u tagay sidii xal loogu heli lahaa xiisada ka dhalatay doorashada.

Madaxweynaha dowlad gobolleedka Jubbaland Axmed Maxamed Islaam (Axmed Madoobe) ayaa hambalyo u diray xildhibaannada cusub ee la dhaariyay maalintii shalay isaga oo u rajeeyay in Alle u fududeeyo mas'uuliyada loo idmaday.

Dadka ku dhaqan magaalada Kismaayo ayaa siweyn u hadal haya xiisada ka taagan doorashada iyaga oo qaba in haddii aan si deg deg ah loo xalin ay keeni karto in magaaladu yeelato labo maamul oo iska soo horjeeda.

C/raxmaan Diini, Hiiraan Online
[email protected] 
  

 

 













Click here
8/14/2019 11:51 AM EST
Arbaco, Augusto, 14, 2019 (HOL)-Golaha wasiirada Malaysia ayaa maanta ka wada-hadlay waxa laga yeelayo degenaanshaha joogtada ah ee uu dalkaas ku leeyahay Sheekha u dhashay India ee Zakir Naik, ayada oo saddex wasiir ay dalbadeen in dalka laga cayriyo sababo la xiriira eedeymo ku saabsan inuu jeediyey hadallo jinsiyeed xasaasi ah.

8/14/2019 10:51 AM EST
Arbaco, Augusto, 14, 2019 (HOL)-Wakaaladda Imtixaanaadka dalka Itoobiya ayaa goor dhawayd sheegtay in dib loo eegayo natiijadii Imtixaanaadka heer qaran ee fasalka 12aad.

8/14/2019 9:27 AM EST
Arbaco, Augusto, 14, 2019 (HOL)-Iyadoo maalinimadii shalay la shaaciyay natiijada Imtixaanka fasalka 12aad ee dalka Itoobiya, ayaa ardaydii degaanka Soomaalidu ee fasalka 12aad Imtixaanka gashay ayaa ku qanci-waayay natiijadii Imtixaanka iyadoo intooda badani ay dhibco hoose keeneen.

8/14/2019 8:59 AM EST
Arbaco, Augusto, 14, 2019 (HOL)-Dowladda Soomaaliya ayaa ka hadashay weerar qaraxyo ku bilaawday oo barkhadii maanta xoogagga Ururka Al-shabaab ku qaadeen saldhig ciidamada dowladda ku leeyihiin deegaanka Awdheegle.

8/14/2019 6:27 AM EST
Arbaco, Augusto, 14, 2019 (HOL)-Guddiga doorashada madaxweynaha dowlad gobolleedka Jubbaland ayaa soo saaray jadwal ka duwan kii hore ee la qorsheeyay in ay ku socto doorashada madaxweynaha iyo tan baarlamaanka Jubbaland.

8/14/2019 5:29 AM EST
Arbaco, Augusto, 14, 2019 (HOL)-Wararka naga soo gaaraya gobolka Shabeellaha Hoose ayaa sheegaya in Al-shabaab goor dhaw weerar culus oo qaraxyo ku bilaawday ku qaadeen saldhig ciidamada dowladda ay ku leeyihiin deegaanka Awdheegle oo ay dhawaan la wareegeen.

8/14/2019 4:04 AM EST
Arbaco, Augusto, 14, 2019 (HOL)-Afhayeenka Ururka Al-shabaab Sheekh Cali Maxamuud Raagge (Cali Dheere) ayaa lagu waramayaa in lagu dhaawacay howlgal ciidamada dowladda ay ka sameeyeen 11kii bishan deegaanka Shaam ee gobolka Shabeellaha Hoose, sida laga xogta warbaahinta ku hadashay afka ciidamada xoogga dalka.

8/14/2019 3:51 AM EST
Arbaco, Augusto, 14, 219 (HOL)-Magaalada Dhuusa-Mareeb ee xarunta u ah maamulka Galmudug ayaa lagu wadaa in 17ka bishan uu ka furmo shirka dib-u-heshiisiinta beelaha Galmudug.

8/14/2019 1:20 AM EST
Arbaco, Augusto, 14, 2019 (HOL)–Dagaalyahanno hubeysan oo lagu sheegay in ay ka tirsan yihiin Ururka Al-shabaab ayaa weerarro khasaare geystay waxaa ay ka geysteen saacadihii la soo dhaafay deegaanno ka tirsan Gobolka Waqooyi Bari ee dalka Kenya.

8/14/2019 1:05 AM EST
Arbaco, Augusto, 14, 2019 (HOL) –Wasiirka Wasaaradda Arrimaha dibadda Soomaliya Axmed Ciise Cawad oo faah faahin dheeraad ah ka bixiyay kulan dalka Saudi Arabia ay kula yeesheen wafdigii ka socday Somaliland uu horkacayay madaxweyne Muuse Biixi Cabdi.

8/14/2019 12:46 AM EST
Arbaco, Augusto, 14, 2019 (HOL)- Baarlamaanka maamulka magaalada Jigjiga ayaa maanta waxay Duqa maamulka magaalada Jigjiga u ansixiyeen inuu noqdo Cabdifataax Sheekh Ibraahim oo ah nin dhalinyaro degaanka u dhashay waxna bartay.