8/25/2019
Today from Hiiraan Online:  _
Wararka Maanta- Isniin, Aug 12, 2019
Dabley beelaysan oo weerar ku qaaday dad shacab ah oo jooga magaaladda Ceel-afweyn ee gobolka Sanaag


 

Isniin, August, 12,  2019 (HOL) – Shan qof oo saddex haween yihiin, labana rag yihin ayaa maanta lagu dilay magaaladda Ceel-afweyn ka dib marka dabley beeleysani soo weerareen dad shacab ah ku dileen magaaladda.

Sidoo kale afar kale ayaa weerarkaasi lagu dhaawacay, waxaanay arrintani ka dambeyay beelihii deegaankan ku dirirsanaa oo mid ka mid ahi weerarkani soo qaaday, taas oo dhibaatadan gaysatay.

Maayarka magaaladda Ceel AF-weyn Cabdirixiim Aw Yuusuf Axmed ayaa sheegay in markii dablaydaasi weerarka soo qaaday ay ciidamadii goobta joogay kala eryeen, isla markaana ku daba jiraan dablaydii weerarka soo qaaday.

“saddex dumar ah iyo laba nin ayaa dhintay, illaa afar qofna waa dhaawac, ciidamaduna way soo kala dhexgaleen, qoladii weerarka soo qaadayna daba gal bay ku wadaan.”ayuu yidhi maayarka Ceel AFweyn oo dhibatadda ka hadlayey.

Dagaalo beeleedyada iyo in kolba beel dad beel kale ah ku layso deegaanka ayaa soo badanaysa, illa haddana xal waara looma helin sidii dagaalkaasi loo joojin lahaa, inkastoo marar badan la isku dayey in dagaalkaasi soo noqnoqday la joojiyo hadana sidiii la rabay uma dhicin.

Barkhad-ladiif M. Cumar, Hiiraan Online

[email protected]

Hargeysa, Somaliland.









Click here
8/12/2019 4:12 PM EST
Isniin, August, 12, 2019 (HOL) –Guddiga xuduuddaha iyo doorashooyinka dowlad-gobolleedka Jubbaland ayaa goor dhow shaaciyay liiska xubnaha cusub ee Baarlamaanka Jubbaland.

8/12/2019 2:59 PM EST
Isniin, Augusto, 12, 2019 (HOL)- Wasaaradda Diinta iyo Awqaafta dowladda federaalka Soomaaliya ayaa ka jawaabtay warar sheegaya in ay jiraan dad Soomaaliyeed oo iyaga oo ku sugan magaalada Makka aan wali gudan waajibaadkii xajka.

8/12/2019 12:55 PM EST
Isniin, Augusto, 12, 2019 (HOL)-Shan qof ayaa hada la ogyahay oo sadex ka mid ah ay dumar yihiin ayaa ka dhashay weerar hubaysan oo ka dhacay magaalada Ceel-afweyn ee gobolka Sanaag.

8/12/2019 9:34 AM EST
Isniin, Augusto, 12, 2019 (HOL)–Nin u dhashay dalka Kenya ayaa maanta lagu dilay magaalada Boosaaso ee gobolka Bari, sida ay booliska sheegeen.

8/12/2019 7:57 AM EST
Isniin, Augusto, 12, 2019 (HOL)–Ugu yaraan hal askari ayaa ku dhaawacmay qarax miino oo ka dhacay magaalada dekedda leh ee Boosaaso, sida ay saraakiisha sheegeen.

8/12/2019 7:31 AM EST
Isniin, Augusto, 12, 2019 (HOL)-Madaxweynaha Dowlad Goboleedka Koonfur Galbeed Cabdi Casiis Xassan Maxamed Laftagareen aya guddigu saaray dadkii dhawaan lagu dilay dulleedka magaalada Beydhabo.

8/12/2019 5:04 AM EST
Isniin, Augusto, 12, 2019 (HOL)-Wararka laga helayo Gobolka Shabeellaha Hoose ayaa waxaa ay sheegayaan in Ciidamada Dowladda Soomaaliya ay howlgal weli ka wadaan deegaano duleedka ka ah degmada Awdheegle oo dhawaan Ciidamada Dowladda la wareegeen.

8/12/2019 3:02 AM EST
Isniin, Augusto, 12, 2019 (HOL)– Kursi ka mid ah golaha ammaanka ee Qaramada Midoobay ayaa waxaa ku loolamaya dalalka Kenya iyo Jabuuti ee bariga qaaradda Afrika.

8/12/2019 2:46 AM EST
Isniin, Augusto, 12, 2019 (HOL)– Ciidammada milatariga Soomaaliya ayaa toddobaadyadii u dambeeyay howlgallo ka waday deegaanno ka tirsan gobolka Shabeellaha hoose ee koonfurta dalka.

8/12/2019 2:16 AM EST
Isniin, Augusto, 12, 2019 (HOL)– 18 shaqaale ajaaniib ah oo lagu haystay biyaha bariga Soomaaliya ayaa maanta dib ugu laabtey dalkooda.