ONLF oo ka hadashay dhibaato dhinaca nolasha ah oo ka jirta dhulka Ismaamulka Soomaalida
Talaado, April, 09, 2019 (HOL)- Saraakiisha
Ururka mucaaradka ah ee ONL F ayaa faah faahin dheeraad ah ka bixiyay
dhibaatooyin ay ku soo arkeen sida ay hadalka u dhigeen dhul ballaaran oo ka
tirsan dhulka Ismaamulka Soomaalida.
Dhulka Soomaalida ee Ethiopia ayaa intii ay ka
socdeen dagaallada Jabhadaha hubaysan waxaa ay taasi keentey in dib u dhac
xooggan uu soo gaaro horumarkii gobolka.
Dhowr iyo labaatan degaan oo ka mid ah gobolka gaar ahaan Ismaamulka
Soomaalida ayaa waxaa socdaal ku tagay Ururka ONLF.
fhayeenka Ururka ONLF, Cadaani Hiirmooge ayaa
sheegay dhibaatooyinka halkaa ka taagan midna u baahan tahay wax looga qabto
gacan dowladdeed, halka sidoo kale loo baahan yahay kaalida dadweynaha si loo
hormariyo deegaannadaas.
Waxaa uu sheegay in dadka ay heystaan
dhibaatooyin kala duwan oo dhanka nolosha ah oo muddo dheerba soo jiray laakiin
ay u muuqato in hadda uun lagu baraarugay.
Dowladda Itoobiya ayuu ku eedeeyay in aysan waxba ka qaban dhibaatooyin ka
taagan dowlad degaanka Soomaalida, islamarkaana hadda loo baahan yahay in loo
wada istaago.
ONLF oo muddo dheerba dagaal kula soo jiray
dowladda Itoobiya ayaa markii danbe heshiis la garay xukuumadda hadda jirta ee
Itoobiya iyaga oo ku qancay in ay hubka dhigaan, laakiin sidoodii u sii wadan
karaan halgankii ay ugu jireen xornimo doonka.
C/raxmaan Diini,
Hiiraan Online
[email protected]
