Xildhibaanno hore iyo ganacsato ka jawaabay hadal uu dhawaan sheegay ra’iisal wasaare Kheyre
Talaado, April, 09, 2019 (HOL)- Xildhibaanno hore
siyaasiyiin iyo ganacsato maanta kulan ku yeeshay magaalada muqdisho ayaa
sheegay in dowladda soomaaliya ay ku leeyihiin lacago iskugu jira mushaaraad
iyo qaar lagu qabtay adeeg kaasi oo illaa iminkadaan lasiinin.
Tan iyo bur burkii dowladda ayaa waxaa jiray isbitaalo si
gaar ah loo leeyahay kuwaa oo lagu dabiibi jiray askarta iyo shaqalaha dowladda
ee wax-yeeladu ay gaartay hayeeshee anan las iin wax lacag ah dadka
adeegyadaasi qabtay.
Lacagahan ayaa lagu lahaa dowladihii hore ee dalka
soo maray balse dowladda haatan dalka ka arrimisa ayaa sheegtay in ay bixiyeen kaddib
markii ay u fureen xafiis arrintaan u gaar ah islamarkaana aanan jirin
iminkadaan lacago lagu leeyahay dowladda.
Mas'uuliyiinta iyo ganacsatada warbaahinta la hadlay
maanta ayaa sheegay in lacag dhan 7 milion oo doollar Mareykanka ah ay ku
leeyihiin dowladda Soomaaliya ayaa caddeeyay in wax lacag ah aanan lasiinin
iyaga oo wasaaradda maaliyadda ay diiwaan gelisay
Waxaa ay beeniyeen hadalkii ra'iisal wasaaraha Soomaaliya
Xassan Cali Kheyre oo sheegay in dowladda aan wax deyn ah lagu laheyn islamarkaana
bixiyeen lacag dhan 100 milyan oo dollar oo lagu lahaa dowladdihii iyaga ka
horeeyay.
C/raxmaan Diini,
Hiiraan Online
[email protected]
