Isniin, April, 08, 2019 (HOL)– Waxaa xabsiga laga siidaayay maanta Khadar Adan Jigre oo
muddo 2 todobaad xabsi degaanka ku yaal ku jiray.
Khadar ayaa u xidhnaa hadalo uu ka
yidhi Warbaahinta kuwaas oo lid ku ahaa xukuumadda degaanka ka arrimisa isla
markaana xasiloonidda magaalada wax u dhimaysay.
Khadar Adan Jigre ayaa siidayntiisa
waxaa soo dhaweeyay dhammaan Shacabka degaanka.
Dhinaca
kale magaalada Jigjiga ayaa maanta waxaa ka dhacay dibadbaxyo ay sameeyeen dad
shacab ah, dibad-baxan ayay dadku ku dalbanayeen in lasiidaayo Axmednur Saahid
oo ahaa ninkay isla xidhnaayeen Khadar Adan Jigre oo isagu maanta la siidaayay.
Haddaba qaar k amid ah eheladii
Axmednur Saahid ayay ciidanka amnigu xidheen kuwaas oo ku jiray dadkii
dibad-baxan sameeyay.
Axmednur Saahid ayaa la isla qabtay
Khadar Adan Jigre waxaana labadoodaba loo haystay Waraysi ay siiyeen
Warbaahinta oo ay dawladda kaga soo horjeedeen.
C/raxmaan Diini,
Hiiraan Online
[email protected]
