Isniin, April, 08, 2019 (HOL)– Axmed Yacquub oo
ah Nin Soomaali ah oo la doonayay in laga masaafuriyo dalka Britain ayaa uga
mahad celiyay rakaab la socday diyaaradii uu sii qaadi laheyd Turkiga gacantii
ay ka siiseeyeen in Laamaha Amniga u suurtagalin masaafurintiisa.
Rakaabkii la socday diyaarada lagu qaadi lahaa
Axmed Yacquub oo ka duuli laheyd Heathrow Airport, ayaa ka dhiidhiyay in la
kaxeeyo Yacquub, iyaga oo ku qeylinayay eryo ay ku muujiyaan sida ay uga xun
yihiin wiilkaa dhalinyarrada ah laga fogeeyo qoyskiisa, taasoo ugu danbeyntii ku qasabtay Laamaha
Amniga iyo saraakiishii la soctay in ay ka dajiyaan diyaarada.
Sawirro laga soo qaaday gudaha diyaarada ayaa la
arkayay rakaabka oo caawinaya Axmed kuna qeylinaya erayo ay ka mid ahaayeen ‘’
Waxey doonayaan in ay kala fogeeyaan isaga iyo Qoyskiisa’’
Wilkan oo mudo 10 sano ka hor
kufsi ka geystey dalka ingiriska ayaa lagu wadey in Ingiriska laga masafuriyo, balse
rakaabka iyagu war uma heyn sababta musaafurintiisa iyo ay la xiriirtay uu qeyb
ka ahaa wiilkan kufi wadareed isaga iyo rag kale ay u geysteen gabar da’yar oo
16 sano jir aheyd.
Axmed ayaa xiligan waxaa gacanta ku haya laamaha
Amniga isaga oo ku jira xabsi ay gacanta ku hayso laanta socdaalka iyaga oo
saraakiisha isku dayayaan in ay ku daraan duulimaad kale si dalkiisa dib loogu
soo celiyo.
C/raxmaan Diini,
Hiiraan Online
[email protected]