Sabti, April, 06, 2019 (HOL) – Wasiirka
Arrimaha Dibadda Eritrea Cusmaan Saalax iyo La Taliyaha Madaxweynaha Eritrea
Yemane Gabreab ayaa goor dhow soo gaaray magaalada Muqdisho ee Caasimadda
Soomaaliya.
Wafdiga waxaa Garoonka Diyaaradaha Aadan Cadde
kusoo dhaweeyay Wasiirka Arrimaha Dibadda iyo Iskaashiga caalamiga ah Axmed
Ciise Cawad iyo mas’uuliyiin kale.
Ujeedada safarka Wasiirka Arrimaha dibadda
Eritrea ayaa la sheegayaa in ay la xiriirto arrimaha iskaashiga Gobolka iyo
xoojinta xiriirka Soomaaliya iyo Eritrea, waxaase la sheegayaa in dowladda
Soomaaliya ay ashkato ka keentay safarkii uu bishii la soo dhaafay ku tagay
Hargeysa.
Wafdiga ayaa loo gudbiyay dhinaca maadxtooyada
Soomaaliya halkaa oo lagu wado in ay
kulamo kula yeeshaan madaxda ugu sareysa
dalka.
Dhawaan ayeey aheyd markii Wasiirka
Arrimaha Dibadda Eritrea iyo La Taliyaha Madaxweynaha Eritrea ay booqasho labo
cisho ku tageen magaalada Hargeysa ee Somaliland, halkaasoo si weyn loogu soo
dhoweeyay.
C/raxmaan Diini,
Hiiraan Online
[email protected]
