Sabti, April, 06, 2019 (HOL) –
Waxaa furmay kulanka 3-aad Kalfadhiga 5-aad ee Golaha Shacabka Baarlamaanka
Federaalka Soomaaliya.
Guddoomiyaha Golaha Shacabka Maxamed
Mursal Sheekh C/raxmaan ayaa kulanka shir guddoominaya, waxa uuna ku furmay 164
mudane.
Ajendaha kulanka ayaa ah ka
doodista Amniga Qaranka oo ay horay u dalbadeen qaar ka mid ah xildhibaannada oo dalbaday in xukuumadda lagula
xisaabtamo nabad-galyada guud ahaan dalka, gaar ahaan magaalada Muqdisho.
Waxaa tagay oo jooga kulanka
Wasiirradda Amniga, Difaaca iyo taliyayaasha ciidamada militariga, Booliiska
iyo Asluubta, hasse ahaatee waxaa wali kulanka tagin oo aan goob joog aheyn
taliska hay’addaha nabad-sugida.
Warbaahinta ayaa iyaguna ku
sugan xarunta shirka laakiin waxaa cod la galin doonaa in ay warbaahintu sii
joogi doonto kulanka iyo in kale, madaama qoraal kol hore ka soo baxay
guddoonka Golaha Shacabka warbaahinta looga mamnuucay in ay ka qeybgalaan kulanka
maanta oo ah mid xasaasi ah.
C/raxmaan Diini,
Hiiraan Online
[email protected]