Madaxweynaha Farmaajo : Dowladdihii iga horeeyay dadaal weyn ayeey ku bixiyeen ka shaqeynta Amniga
Jimco, April, 05, 2019 (HOL) –Madaxweynaha
dowladda Soomaaliya Maxamed Cabdullaahi Farmaajo oo maanta khudbad ka
jeedinayay Masjid ku yaala gudaha madaxtooyada ayaa sheegay in ay ku dadaalayaa
sidii wax looga qaban lahaa Amniga guud ahaan dalka.
Wuxuu sheegay in dowladdihii
isaga ka horeeyay wax badan ka qabteen Amniga, sidaa si la mid ah ay doonayaan
iyaguna in dowladdaha ka danbeeya aysan ku mashquulin Amaanka balse ka
shaqeeyaan hormarka intiisa kale.
‘’ “Dowladihii iga horeeyay dadaal weyn ayay ku bixiyeen in ay ka shaqeeyaan
amniga annigana waxaan doonayaa in dowlada iga dambeyso ay xilka la wareegto
dalka oo nabad ah.”ayuu yiri Madaxweyne Farmaajo.
Madaxweyne Farmaajo ayaa isaga oo ka hadlayay sababta ay qaraxyada ugu soo
noqnoqanayaan magaalada Muqdisho waxaa yiri’’ Maxey Xamar u qarxinayaan kooxaha
cadawga, kaliya waa in la yiraahdo dalka dowlad kama jirto’’
Wuxuu sheegay in aysan jirin cid gaar ah oo mas’uuliyad ay ka saran tahay
Amaanka laakiin qof kasta oo Soomaali ah laga doonaya uu qeybtiisa ka qaato ka
shaqeynta nabad-galyada iyo guud ahaan Amaanka dalka.
Waa markii ugu horeysay oo uu madaxweynuhu si toos ah uga hadlo xaaladihii
ugu danbeeyay ee Amaanka dalka gaar ahaan qaraxyada Muqdisho.
C/raxmaan Diini,
Hiiraan Online
[email protected]