Maryan Nuux : Aniga ayaa kaalinta koowaad galay laakiin waxaa leyga hormariyay gabdho lagu soo qaaday gaari ciidan
Jimco, April, 05, 2019 (HOL) – Saacadihii ugu
danbeeyay waxaa soo baxayay in la musuq
maasuqay tartankii Oradka ee maanta lagu qabtay magaalada Muqdisho, kaddib
markii la sheegay in dadkii ku tartamay qaarkood goobta dhamaadka cayaarta lagu geeyay
gaari ciidan.
Maryan Nuux oo ka mid ah aheyd tartamayaashii
maanta ka qeyb-galay Oradka Gaaban ayaa sheegtayin ay aheyd qofkii ugu horeeyay ee kaalinta
koowaad galay laakiin idhaheedu qabteen Labo gabdhood oo sida ay hadalka u
dhigtay lagu waday mid ka mid ah gaadiidka dagaalka oo laga hormariyay.
“Labo Gabdhood ayaan arkay oo
Gaari Ciidan lagu soo qaaday, halka markaan imid Waxaa la ii sheegay in ay iga
soo hormareen, markii aan sheegay in gaari ciidan lagu soo qaaday guddiga waxey
igu dhaheed Aamus adiga ayaa kaalinta koowaad galay ayay tiri Maryan Nuux”
Wasiirka dhalinyaradda iyo Cayaaraha Khadiijo
Maxamed Diiriye oo eedeynta ka hadashay ayaa
sheegtay in ay maqleen warka arintan ku saabsan, balse baaritaan la sameynayo.
‘’Guddi
waxaa jira 50 ruux ka kooban oo min bilow ilaa dhamaad la socday tartanka,
iyaga ayaan ka rabanaa in ay noo soo gudbiyaan xaqiiqda jirta’’ayeey tiri
Wasiirka Khadiija.
Waa
markii ugu horeysay oo ay soo baxaan eedeymo noocan ah oo ku saabsan in dadka
ka qeybgalay tartanka Orodka qaarkood gaadiid lagu gaarsiiyay halka dhamaadka
cayaarta, lamana oga sida uu guddigu u xalin doono doodda Maryan Nuux.
C/raxmaan Diini,
Hiiraan Online
[email protected]