Jicmo, April, 05, 2019 (HOL) –Kaddib labo cisho
oo mudahaaraad ah oo ay dhigayeen ganacsatada xaafadda Islii ee magaalada
Nairobi ee dalka Kenya ayaa ugu danbeyntii lagu guuleystay in la xaliyo
cabashada ganacsatada.
Guddoomiyaha degmada Kamakunji oo ay ka tirsan
tahay xaafadda Islii Yuusuf Xassan oo soo fara-galiyay arinta ayaa ku
guuleystay in la soo afjaro cabashada ganacsatada ee la xiriirta canshuurta xad
dhaafka ah lagu soo rogay.
Hay’addaha Kenya u qaabilsan Canshuuraha ayaa ku
kordhisay lacag dhan 90,000 oo dollar 40kii feet ee Konternarka ah oo markii
hore laga qaadi jiray 30,000 oo dollar
iyadoo gaarsiisay qiimo lacageed oo dhan 120, 000 oo dollar.
Laakiin dowladda ayaa Kenya ayaa garwaaqsatay in
canshuurta loo daayo sidii hore lana canshuuro 40ka feet ee Konternerka ah
30,000 oo dollar oo kaliya.
Madaxweynaha dowladda Kenya Uhuru Kenyatta oo si
dhaw ula socday cabashada ganacsatada ayaa la sheegay in uu laftirkiisa qeyb ka
ahaa xal u helida muranka dhinaca canshuuraha ee sababay in uu istaago
ganacsigii xaafadda Islii.
Waxaa dib hadda u furmay goobihii ganacsiga
xaafadda Islii ee degmada Kamakunji iyadoo ganacsatadu ay soo dhaweeyeen go’aankan
danbe ee ka soo baxay dowladda.
C/raxmaan Diini,
Hiiraan Online
[email protected]
