3/28/2024
Today from Hiiraan Online:  _
Wararka Maanta- Isniin, Apr 29, 2019
Madaxweynaha Puntland oo Qaabiley Safiirka Masar ee Soomaaliya

Isniin, April, 29, 2019 (HOL)- Madaxweynaha Puntland ,Siciid Cabdullaahi Deni ayaa xarunta madaxtooyadda Puntland ee Garoowe ku qaabiley wafdi uu hoggaaminayo safiirka dalka Masar ee Soomaaliya Ambassador Maxamed Ibraahim Nasar.

" Waxaa booqasho noogu yimiid safiirka dowladda Masar ee aan walaalaha nahay iyo wafti ballaaran oo uu hoggaaminayo waxaan aad uga mahadcelinaynaa safiirka dedaalkiisa uu ugu jiro sidii uu u kobcin lahaa xiriirka iyo wadashaqaynta dalka Masar iyo Soomaaliya wadahadalladii qaybihii hore ayaan yeelanay, qayba danbe waan yeelan doonaa muddo saddex bari ahna dalka way ku sugnaan doonaan ilaa magaalada Boosaaso ayey tegi doonaan."ayuu yiri madaxweynaha Puntland oo kulanka ka warbixiyay.

"Safarkan wuxuu ku waajahan yahay sidii loo kobcin lahaa xiriirka ganacsi ee ka dhexeeya Soomaaliya iyo Masar, gaar ahaan Puntland iyo xiriirka wax wada qabsi ee dhinacyada horumarinta, caafimaadka, waxbarashada, Cadaaladda, kalluumaysiga iyo khayraadka kale ee xoolaha iyo wixii la halmaala". ayuu ku daray.

Ambassador Maxamed Ibraahim Nasar ayaa dhankiisa ka warbixiyey  kulanka uu la qaatay Madaxweynaha Puntland.

"Waxaan ka mahadnaqaynaa qaabilaadda wanaagsan ee aan kala kulanay Madaxweynaha Puntland, , safarkaygu wuxuu ku salaysnaa xiriirka ganacsi ee Puntland iyo Masar iyo ka caawinta Puntland fursadaha bannaan, khaasatan waxbarashada, Caafimaadka iyo Amniga".

"Masar waxay ahmiyad ballaaran siinaysaa xiriirka walaalahooda Soomaaliyeed iyo xiriirka taariikhiga ah ee ka dheexeeya Masar iyo Soomaaliya, gaar ahaan Puntland xiriirkaas oo soo billaabmay xilligii Faraaciyiinta, intan joogno waxaan kulamo kala duwan la qaadan doonnaa goleyaasha kala duwan ee dowladda, waxaanna safaro ku tegaynaa magaalooyin dhowr ah". Ayuu yiri Ambassador Maxamed Ibraahim Nasar.

Kulanka Madaxweynaha Puntland waxaa ku wehelinayey Wasiirka Wasaardda Cadaaladda iyo Arrimaha Diinta Cawil Sheekh Xaamud, Wasiirka Wasaaradda Qorshaynta Horumarinta Dhaqaalaha iyo Iskaashiga Caalamiga Cabdiqafaar Cilmi Xaange, Wasiirka Wasaaradda Caafimaadka Dr. Jaamac Faarax Xasan, Wasiirka Wasaaradda Waxbarashada iyo Tacliinta Sare Cabdullaahi Maxamed Xasan, Wasiirka Wasaaradda Xanaanada Xoolaha Siciid Cismaan Aadan iyo Agaasime Ku-xigeenka Madaxtootada Dowladda Puntland Cabdiweli Cali Timacade.

Iman Mohamed Jama, Hiiraan Online
[email protected]











Click here
4/29/2019 1:20 PM EST
Isniin, April, 29, 2019 (HOL)- Xiriirka Ururada Shaqaalaha Soomaaliyeed ee loo yaqaanno FESTU oo kaashanaya hay’adda Qaramada Midoobay u qaabilsan shaqada adduunka ee ILO ayaa maanta magaalada Muqdisho ka furay tababbar socon doona muddo saddex maalin ah,iyadoo ay ka qeybgalayaan ku dhawaad 30 xubnood oo ka socda gobollada.

4/29/2019 1:00 PM EST
Isniin, April, 29, 2019 (HOL)- Madaxweynaha Soomaaliya ,Maxamed Cabdullaahi Farmaajo oo kormeeray Imtixaanaadka Dugsiyada Hoose Dhexe ee Dalka ayaa tilmaamay in dowladdu ay dadaal muuqda gelisay dib u soo nooleynta waxbarashada dowliga ah.

4/29/2019 10:26 AM EST
Isniin, April, 29, 2019 (HOL)- Madaxweynaha Puntland ,Siciid Cabdullaahi Deni ayaa daah-furay shirka kalluumaysatada Soomaaliyeed oo uu ka qeybgalay wasiirka kalluumaysiga Soomaaliya iyo wasiirrada dowlad-gobolleedyada ee wasaaradda kalluumaysiga.

4/29/2019 9:44 AM EST
Isniin, April, 29, 2019 (HOL)- Wasiirka Wasaarradda Warfaafinta Xukuumadda Soomaaliya Daahir Maxamuud Geelle ayaa xilka ka qaaday Maariyihii Golaha Muritada iyo Madaallada [National Tiyatar] Abwaan Cismaan Cabdullaahi Guure.

4/29/2019 6:54 AM EST
Isniin, April, 29, 2019 (HOL)- Ra’iisal Wasaare ku-xigeenka dalka Soomaaliya Mahdi Maxamed Guuleed ayaa si rasmi ah magaalada Muqdisho uga furay shir-weynaha Badqabka Fikirka iyo la dagaalanka Xagjirnimada.

4/29/2019 2:46 AM EST
Isniin, April, 29, 2019 (HOL)–Askarigan oo lagu magacaabo Cabdullaahi Xasan Maxamed ayaa ku eedeysnaa in horraantii bishii Janaayo ee sanadkan uu deegaanka Siinka Dheer ku dilay wade gaadiid oo lagu magacaabi jiray Maxamed Ismaaciil Qaboobe, islamarkaana dhaawacay qof rayid ah.

4/29/2019 1:51 AM EST
Isniin, April, 29, 2019 (HOL)–Ciidamada daraawiishta dowlad goboleedka Jubbaland ee ku sugan degmada Afmadow iyo nawaaxigeed ayaa xalay saqdii dhexe weerara qorsheeysan ku qaaday degmada Xagar ee gobolka J/hoose oo kamid ah degmooyinka ay gobolka ee Shabaab mudada dheer maamulayeen.

4/29/2019 1:12 AM EST
Isniin, April, 29, 2019 (HOL)– Saddex ruux oo kala ah Aabbaha iyo labo nin oo la dhashay ninkii looga shakisanaa weerarrada Sri Lanka ayaa ku dhintay howlgal ay laamaha amniga dalkaas ka fuliyeen meel ku dhow magaalada Kattankudy ee ku taalla dhanka bari ee dalkaas.

4/29/2019 1:02 AM EST
Isniin, April, 29, 2019 (HOL)–Shir dhinaca Badqabka Fikirka iyo la-dagaallanka xagjirnimada ah oo ay ka qeyb galayaan dalalka ku bahoobay ururka Iskaashiga Islamka ee OIC ayaa lagu wadaa inuu maanta ka furmo caasimadda Muqdisho,sida laga soo xigtay guddiga diyaarinaya shirka.