3/29/2024
Today from Hiiraan Online:  _
Wararka Maanta- Isniin, Apr 29, 2019
Aabbaha dhalay Ninkii ku eedeysnaa weerarrada Sri Lanka oo la dilay

Isniin, April, 29, 2019 (HOL)– Saddex ruux oo kala ah Aabbaha iyo labo nin oo la dhashay ninkii looga shakisanaa weerarrada Sri Lanka ayaa ku dhintay howlgal ay laamaha amniga dalkaas ka fuliyeen meel ku dhow magaalada Kattankudy ee ku taalla  dhanka bari ee dalkaas.

Ilo ka tirsan booliiska oo la hadlay wakaaladda wararka ee Reuters ayaa saddexda nin ee dhimatay magacyadooda ku kala sheegay Maxamed Hashim iyo wiilashiisa oo kala ah Zainee Hashim iyo Rilwan Hashim,iyadoo ka hor dhimashadoodda lagu baahiyay baraha bulshada muuqaal , kaas oo ay ku baaqayaan in dadka oo dhan ay u istaagan dagaal ka dhan ah dadka aan tawxiidka rumaysnayn, sida laga soo xigtay wakaaladda wararka ee Reuters.

Zahran Hashim oo isku qarxiyay hoteel ku yaalla Colombo ayaa aasaasay koox lagu magacaabi NTJ oo hadda la mamnuucay.

Madaxweynaha Sri Lankan ayaa ku dhawaaqay in la mamnuucay in wajiga la qarsado arrintaas oo loola jeedo indho shareerka dumarka Muslimka ah, arrintaas ayaana dabo socota weerarrada dhacay.

Waxaa la baajiyay Axaddii in kiniisadaha Siri Lanka cibaado loo aado, balse dadka caasimadda ku nool ayaa isku arruursaday bannaanka kiniisadda St Anthony oo aad ugu burburtay weerarka.

Weerarka ka dhacay Sri Lanka ayaa lagu bartilmaameedsaday Kiniisado iyo hotteeello waxaana lagu dilay ugu yaraan 250 ruux.

Iman Mohamed Jama, Hiiraan Online
[email protected]

















Click here
4/29/2019 1:20 PM EST
Isniin, April, 29, 2019 (HOL)- Xiriirka Ururada Shaqaalaha Soomaaliyeed ee loo yaqaanno FESTU oo kaashanaya hay’adda Qaramada Midoobay u qaabilsan shaqada adduunka ee ILO ayaa maanta magaalada Muqdisho ka furay tababbar socon doona muddo saddex maalin ah,iyadoo ay ka qeybgalayaan ku dhawaad 30 xubnood oo ka socda gobollada.

4/29/2019 1:00 PM EST
Isniin, April, 29, 2019 (HOL)- Madaxweynaha Soomaaliya ,Maxamed Cabdullaahi Farmaajo oo kormeeray Imtixaanaadka Dugsiyada Hoose Dhexe ee Dalka ayaa tilmaamay in dowladdu ay dadaal muuqda gelisay dib u soo nooleynta waxbarashada dowliga ah.

4/29/2019 12:41 PM EST
Isniin, April, 29, 2019 (HOL)- Madaxweynaha Puntland ,Siciid Cabdullaahi Deni ayaa xarunta madaxtooyadda Puntland ee Garoowe ku qaabiley wafdi uu hoggaaminayo safiirka dalka Masar ee Soomaaliya Ambassador Maxamed Ibraahim Nasar.

4/29/2019 10:26 AM EST
Isniin, April, 29, 2019 (HOL)- Madaxweynaha Puntland ,Siciid Cabdullaahi Deni ayaa daah-furay shirka kalluumaysatada Soomaaliyeed oo uu ka qeybgalay wasiirka kalluumaysiga Soomaaliya iyo wasiirrada dowlad-gobolleedyada ee wasaaradda kalluumaysiga.

4/29/2019 9:44 AM EST
Isniin, April, 29, 2019 (HOL)- Wasiirka Wasaarradda Warfaafinta Xukuumadda Soomaaliya Daahir Maxamuud Geelle ayaa xilka ka qaaday Maariyihii Golaha Muritada iyo Madaallada [National Tiyatar] Abwaan Cismaan Cabdullaahi Guure.

4/29/2019 6:54 AM EST
Isniin, April, 29, 2019 (HOL)- Ra’iisal Wasaare ku-xigeenka dalka Soomaaliya Mahdi Maxamed Guuleed ayaa si rasmi ah magaalada Muqdisho uga furay shir-weynaha Badqabka Fikirka iyo la dagaalanka Xagjirnimada.

4/29/2019 2:46 AM EST
Isniin, April, 29, 2019 (HOL)–Askarigan oo lagu magacaabo Cabdullaahi Xasan Maxamed ayaa ku eedeysnaa in horraantii bishii Janaayo ee sanadkan uu deegaanka Siinka Dheer ku dilay wade gaadiid oo lagu magacaabi jiray Maxamed Ismaaciil Qaboobe, islamarkaana dhaawacay qof rayid ah.

4/29/2019 1:51 AM EST
Isniin, April, 29, 2019 (HOL)–Ciidamada daraawiishta dowlad goboleedka Jubbaland ee ku sugan degmada Afmadow iyo nawaaxigeed ayaa xalay saqdii dhexe weerara qorsheeysan ku qaaday degmada Xagar ee gobolka J/hoose oo kamid ah degmooyinka ay gobolka ee Shabaab mudada dheer maamulayeen.

4/29/2019 1:02 AM EST
Isniin, April, 29, 2019 (HOL)–Shir dhinaca Badqabka Fikirka iyo la-dagaallanka xagjirnimada ah oo ay ka qeyb galayaan dalalka ku bahoobay ururka Iskaashiga Islamka ee OIC ayaa lagu wadaa inuu maanta ka furmo caasimadda Muqdisho,sida laga soo xigtay guddiga diyaarinaya shirka.