3/29/2024
Today from Hiiraan Online:  _
Wararka Maanta- Sabti, Apr 27, 2019
Soomaaliya oo qeyb ka ah shirka kaabayaasha dhaqaalaha ee ka furmay magaalada Beijing

 

Sabti, April, 27, 2019 (HOL) – Wafdi uu horkacayo Wasiirka Wasaarradda Ganacsiga xukuumadda Soomaaliya Maxamed Cabdi Xayir Maareeye ayaa qeyb ka ah wafuud heer caalami ah oo ka qeybgalaya shirka kaabayaasha dhaqaalaha oo maalintii shalay ka furmay magaalada Beijing ee dalka China.

Madaxweynaha Shiinaha, Xi Jinping ayaa maalintii shalay furay shir madaxeed ku saabsan ‘Iskaashiga Caalamiga ah ee dhanka kaabayaasha dhaqaalaha , waana mashariic dhismo oo uu Shiinuhu leeyahay balse dalal badan oo qaaradaha adduunka leh ka wada-faa’ideysanayaan.

Kulanka oo socon doona muddo saddex cisho ah,waxaa ka qayb-galaya 37 dal, wakiilo ka kale socda 150 dal oo ay Soomaaliya ku jirto, ururo caalami ah, waxaana ka mida Xog-hayaha Guud ee Qaramada Midoobay Antonio Gutters iyo madaxa Sanduuqa lacagta, Christine Legarda iyo madax uu kamid yahay Madaxweynaha Ruushka, Vladamir Puttin.

Qaarada Africa, si gaar ah bariga Africa oo ah meelaha uu mashruuca Shiinaha ee dhanka kaabayaasha dhaqaalaha ee loo yaqaan (Belt and Road Initiatives) ka jira kana faa’ideystay waxaa uga qayb-galaya Madaxweynaha Djibuuti Ismaciil Cumar Geele, Ra’isul- wasaraha Itobiya Abiy Axmed iyo Madaxweynaha Kenya Uhuru Kenyatta oo uu wehliyo Railo Odinga, hogaamiyihii hore ee mucaaradka waddankaasi.

C/raxmaan Diini, Hiiraan Online
[email protected]













Click here
4/27/2019 5:15 PM EST
Sabti, April, 27, 2019 (HOL) – Madaxweynaha Puntland, Siciid Cabdullaahi Deni ayaa caawa saxaafadda kula hadlay xarunta madaxtooyadda ee ku taalla duleedka Garoowe, isagoo arrimo badan ka hadlay.

4/27/2019 4:44 PM EST
Sabti, April, 27, 2019 (HOL) – Mashruucii ugu horreyay ee dhismayaasha xaafadaha iyo adeegyada kale ee bulshada ayaa maanta laga dhagax dhiggay duleedka magaalada Boosaaso ee gobolka Bari.

4/27/2019 2:30 PM EST
Sabti, April, 27, 2019 (HOL) –Dowladda Kenya ayaa sheegtay kuna dhawaaqday in xiriir diblomaasiyadeed la yeelaneyso Somaliland kaddib wakiil cusub oo markii ugu horeysay Kenya u qaabilsanaan doona xiriirka labada dhinac.

4/27/2019 1:40 PM EST
Sabti, April, 27, 2019 (HOL) – Madaxweynihii ee dalka Itoobiya Dr Nagaaso Gidaada ayaa lagu waramayaa in uu ku geeriyooday dalka Jarmalka.

4/27/2019 1:25 PM EST
Sabti, April, 27, 2019 (HOL)–Shirkadda Isgarsiinta ee Hormuud Telecom ayaa ku soo bandhigtay magaalada Muqdisho Deeqo Waxbarasho oo ay ka faa’iideyan doonaan Ardayada Soomaaliyeed ee dhammeysa dugsiyada sare ee dalka.

4/27/2019 12:27 PM EST
Sabti, April, 27, 2019 (HOL) – Waxaa caasimadda Deegaanka Soomaalida ee Jigjiga soo gaadhay dhalinyaro ka kala timid degaanada Oromiya iyo Canfarta, dhalinyaradan ayaa si diiran loogu soo dhaweeyay magaalada Jigjiga, soo dhawaynta ayaa waxaa ka qayb qaatay dhalinyarada degaanka Soomaalida.

4/27/2019 10:32 AM EST
Sabti, April, 27, 2019 (HOL) – Madaxweynaha Puntland Mudane Siciid Cabdullaahi Deni ayaa qasriga Madaxtooyada Garoowe ku qaabilay wafti balaadhan oo uu hogaaminayo safiirka Ingiriiska ee Soomaaliya Ambassador Ben Fender.

4/27/2019 8:04 AM EST
Sabti, April, 27, 2019 (HOL) – Madaxweynaha Puntland, Siciid Cabdullaahi Deni ayaa dib ugu laabtay magaalada xarunta ah ee Garoowe, Sabtida maanta ah, kaddib socdaalkii ugu horreyay ee uu dibadda u aaddo oo muddo saddex toddobaad ku dhow qaatay.

4/27/2019 7:10 AM EST
Sabti, April, 27, 2019 (HOL)–Xildhibaan Cali Sheekh Cabdullaahi Afgooye ayaa ku soo baxay doorasho ka dhacday maanta magaalada ee xarunta gobolka Baay iyadoo aysan jirin cid la tartantay.

4/27/2019 5:51 AM EST
Sabti, April, 27, 2019 (HOL) – Guddoonka Golaha Shacabka ayaa ku dhawaaqay in uu baaqday kulan ay yeelan lahaayeen xildhibaannada Golaha Shacabka kaddib markii ay soo xaadir waayeen tiradii loo baahnaa in uu ku furmo kulanka.

4/27/2019 12:54 AM EST
Sabti, April, 27, 2019 (HOL) –Wararka ka imanaya magaalada Baardheere ee gobolka Gedo ayaa sheegaya in ciidamada nabad-sugida maamul gobolleedka Jubbaland gacanta ku dhigeen walxaha qarxa.

4/27/2019 12:27 AM EST
Sabti, April, 27, 2019 (HOL) – Booliska Sri Lanka ayaa sheegay inay rasaas iswaydaarsadeen koox hubaysan oo ku sugan bariga dalka xilli ciidammadu ay baarayeen dadkii ku lugta lahaa qaraxyadii Axaddii.

4/27/2019 12:13 AM EST
Sabti, April, 27, 2019 (HOL) –Faah faahinno dheeraad ah ayaa ka soo baxaya duqeymo dhinaca cirka oo ka dhacay deegaanka Cameyra ee degmada Iskushuban ee gobola Bari, halkaasoo la rumeysan yahay in ay ku sugnaayeen kooxo katirsan ururda Daacish iyo Al-shabab oo dhowrkii bilood ee la soo dhaafay uu dagaal ku dhex marayey dhulka buuraleyda ah.