Xabad joojin loogu baaqay beello ku dagaalamay degmada Cadalle ee gobolka Shabeellaha dhexe
Jimco, April, 26, 2019 (HOL)- Wafdi isugu jira Wasirro.
Xildhibaanno, Taliyayaal ciidan, guddoomiyayaal degmo,. Odayaal dhameedyo uu
hogaaminayay Wasiirka Wasaarada dib u heshiisiinta iyo dib u dejinta
Hirshabeelle Cabdikariin Cali Nuur ayaa ku guuleystay in ay heshiis kala
dhax-galaan beello ku dagaalamay degmada Cadalle ee gobolka Shabeellaha Dhexe..
Wasiirka ayaa ugu baaqay Madaxda Hirshabelle, Dowladda
Federaalka, iyo Beesha Caalamka,in la gar- gaaro dadka ku barakacay dagaalka,
dhinaca kalana la garab istaago dadaallada lagu doonayo in gabi ahaanba lagu
joojiyo colaada labada beellood.
Wafdiga ayaa halkaa kulamo kula qaatay odayaasha dhaqanka odayaasha labada dhinac ee dirirtu dhex
martay, waxaana uu kala hadlay in ay joojiyaan, isaga oo sidoo kale kala hadlay
ahmiyada ay u leedahay bulshada nabadda in laga wada qeyb qaato, waxaana
odayaasha ay u balan qaadeen in ay ka shaqeynayaan xal u helida dagaal beeleed-yada
soo noq noqday.
Sidoo kale Wasiirka ayaa sheegay ka wasaarad ahaan ay ka
shaqeyn doonaan sidii gogol nabadeed looga furi lahaa beelaha walaalaha ah oo
ay dirirtu dhaxmartay si loo helo Dib u Heshiisin rasmi.
Dagaallada labada beelleed ee degmada Cadalle oo marar
badan soo noqnoqday waxaa ku dhintay dad badan oo shacab ah iyo maleeshiyaad ka
kala tirsan labada dhinac, laakiin maamulka Hirshabeelle ayaa hadda u muuqda
mid juhdi badan ku bixinaya sidii loo dhameyn lahaa colaada labada beellood.
C/raxmaan Diini,
Hiiraan Online
[email protected]