3/29/2024
Today from Hiiraan Online:  _
Wararka Maanta- Jimco, Apr 26, 2019
Duqa Muqdisho ‘’ Amniga Muqdisho waxaa caqabad ku ah siyaasiyiin doonaya in ay Annaga na ridaan

 

Jimco, April, 26, 2019 (HOL)- Guddoomiyaha maamulka ahna Duqa Muqdisho  gobolka Banaadir Eng Cabdiraxmaan Cumar Cismaan Yariisoow  oo ka hadlayay caqabadaha ka jira sugida Amniga magaalada Muqdisho ayaa sheegay in dhibaatada ugu weyn ee Amni xumada ka jirta magaalada ka danbeeyaan siyaasiyiin sida uu hadalka u dhigay doonaya in ay meesha ka saaraan maamulka uu guddoomiyaha ka yahay.

Siyaasiyiintan uu tilmaamay ayuu ku sheegay kuwo xaasidiin ah leh dano iyaga u gaar ah, islamarkaana raba in ridaan maamulka gobolka Banaadir, ‘’Waxaa jira dhaqan ay siyaasiyiintu abuureen oo wax walba la siyaasadeynayo.. Amnigii la siyaasadeynayo….Siyaasiyiin ay ka tahay xaasidnimo iyo xumeyn iyo maamulka hadda jira ha dhaco…haku guuldareysto howlaha uu hayo…ayaa ka danbeeya runtii dhibaatada magaalada ka jirta’’

Dhinaca kale guddoomiyaha ayaa yiri ‘’ “Waxaa jira dhaqan oo laga yaabo in dhalinyarada hadda jira kusoo koreen oo mar walba loo dhaxeeya,sida hoggaamiye kooxeed ama burcad, laakin hadda lama joogo waqti la dhaho iska gaabso yeysan Al-Shabaab ku arkine,laakin anaga hadaan shacabka fahmin amni lama sugi karo ayuu yiri Duqa Muqdisho.

Waa markii ugu horeysay guddoomiyaha gobolka Banaadir uu sheego in ay jiraan siyaasiyiin Amniga magaalada caqabad ku ah si ay isaga meesha uga saaraan, iyadoo qaraxyada iyo dilalka ka dhaca magaalada intooda badan ay sheegtaan Ururka Al-shabaab.

C/raxmaan Diini, Hiiraan Online
[email protected]













Click here
4/26/2019 1:33 PM EST
Jimco, April, 26, 2019 (HOL)-Madaxweynayaasha dowlad gobolleedyada, Puntland, Jubbalad iyo Galmudug ayaa maanta magaalada Nairobi ee dalka Kenya kula kulmay safiirka dowladda Mareykanka ee Soomaaliya Donald Yamamoto

4/26/2019 12:08 PM EST
Jimco, April, 26, 2019 (HOL)- Wasiirka Maaliyadda Xukuumaadda Federaalka Soomaaliya Mudane Cabdiraxmaan Ducaale Bayle ayaa Magaalada Addis Ababa kaga qeyb-galay Shir Looga hadlayo Horumarinta Dhaqaalaha Soomaaliya iyo dhameystirka hanaanka deyn cafinta Soomaaliya.

4/26/2019 11:19 AM EST
Jimco, April, 26, 2019 (HOL)- Wafdi isugu jira Wasirro. Xildhibaanno, Taliyayaal ciidan, guddoomiyayaal degmo,. Odayaal dhameedyo uu hogaaminayay Wasiirka Wasaarada dib u heshiisiinta iyo dib u dejinta Hirshabeelle Cabdikariin Cali Nuur ayaa ku guuleystay in ay heshiis kala dhax-galaan beello ku dagaalamay degmada Cadalle ee gobolka Shabeellaha Dhexe..

4/26/2019 6:38 AM EST
Jimco, April, 26, 2019 (HOL)- Wasiir dowlaha arrimaha dibadda xukuumadda federaalka Soomaaliya, Cabdulqaadir Axmed Khayr Cabdi ayaa muqdisho kulan kula yeeshay agaasimaha guud ee dawladda Norway u qaabilsan arrimaha goballada, Ms Tine Mørch Smith.

4/26/2019 1:48 AM EST
Jimco, April, 26, 2019 (HOL)- Dr Xusseen Cismaan Cilmi oo horay Wasiirka Xannaanada Xoolaha uga soo noqday maamulka Hir-shabeelle ayaa sheegay in xubno gaaraya 11 Wasiirro horay uga soo noqday maamulka Hirshabeelle dacwad ka gudbiyeen sida uu hadalka u dhigay madaxweynaha Hirshabeelle iyo ku-xigeenkiisa.

4/26/2019 1:34 AM EST
Khamiis, April, 25, 2019 (HOL)- Urur hanti badan leh oo horumarka u dhaqdhaqaaqa ayaa aqoonsigooda ugu horreeya ee taageerada doorashada aqalka Koongareeska Mareykanka ee 2020-ka siiyay Ilhaan Cumar, oo ah gabar muslim ah oo ka tirsan aqalka wakiillada, sida ay shaacisay warbaahinta Fox News.

4/26/2019 1:06 AM EST
Jimco, April, 26, 2019 (HOL)- Wararka naga soo gaaraya gobolka Shabeellaha Hoose gaar ahaan deegaannadii dhawaan lagala wareegay Al-shabaab ee dulleedka degmada Afgooye ayaa sheegaya in xalay halkaa uu dagaal culus ku dhaxmaray ciidamada dowladda Soomaaliya iyo xoogagga Ururka Al-shabaab.

4/26/2019 12:52 AM EST
Jimco, April, 26, 2019 (HOL)- Dibad-baxayaasha Sudan ayaa mar kale billaabay in ay isu soo aruursadaan iyaga oo doonaya in ay ka dhabeeyaan ballan qaadkoodii ahaa in ay Khamiista maanta ah sameynayaan bannaanbax ay ka qeyb-gali doonaan "Hal Milyan oo qof.''