Jimco, April, 26, 2019 (HOL)- Wasiir dowlaha arrimaha dibadda xukuumadda
federaalka Soomaaliya, Cabdulqaadir Axmed Khayr Cabdi ayaa muqdisho kulan kula
yeeshay agaasimaha guud ee dawladda Norway u qaabilsan arrimaha goballada, Ms
Tine Mørch Smith.
Kulanka oo ahaa mid mira dhal ah ayaa looga hadlay dar-dar-gelinta
wada shaqaynta iyo horumarinta danaha labada dawladood iyada oo loo marayo
Istaraatiijiyado hagaagsan.
Agaasimaha guud ee dawladda Norway u qaabishan arrimaha goballada ayaa
sheegtay in Norway ay ka go’antahay in dawladda Soomaaliya ay ka
taageerto Qorshaha horumarinta qaranka iyo tubaha qaranka.
Mas’uuliyiin ka socotay xafiiska ra’iisul Wasaaraha, Wasaaradaha arrimaha
dibadda, maaliyadda, Batroolka iyo haweenka ayaa wasiir dowlaha arrimaha
dibadda xukuumadda federaalka Soomaaliya ku wehliyay kulanka uu la yeeshay
agaasimaha guud ee dawladda Norway u qaabishan arrimaha goballada.
Mas’uuliyiinta shirka qayb galay ee ka socday Norway waxaa kamid ahaa
safiirka Norway ee Soomaaliya Ms. Elin Bergithe Rognlie iyo xunna sare oo ka
socday wasaaradda arrimaha dibadda iyo Safaaradda Norway ee Muqdisho.
C/raxmaan Diini,
Hiiraan Online
[email protected]