Jimco, April, 26, 2019 (HOL)- Wararka naga soo gaaraya gobolka Shabeellaha
Hoose gaar ahaan deegaannadii dhawaan lagala wareegay Al-shabaab ee dulleedka
degmada Afgooye ayaa sheegaya in xalay halkaa uu dagaal culus ku dhaxmaray
ciidamada dowladda Soomaaliya iyo xoogagga Ururka Al-shabaab.
Goobjoogayaal ayaa warbaahinta u sheegay in dagaalyahanno ka tirsan
Al-shabaab ay weerareen saldhig ciidamo ka tirsan kuwa millateriga Soomaaliya
gaar ahaan kuwa Mareykanka uu tababaray ee Bangaraafta ku leeyihiin deegaanka
Sabiid oo ay dhawaan la wareegeen.
Dagaal oo ahaa mid culus oo saacado badan qaatay ayaa leysku adeegsaday hub
kala duwan, waxana la ogeyn ilaa iyo hadda khasaaraha dhimasho iyo dhaawac ee
ka dhashay dagaalka xalay.
Balse warar ay baahiyeen Al-Shabaab ayaa waxaa ay ku sheegeen in weerarkaas
ay ku qabsadeen mid ka mid ah saldhigyada ciidamada dowladda ee deegaanka
Sabiib,isla markaana askar ay ku dileen.
Dhinaca dowladda wax war ah kama aysan soo saarin dagaalkii xalay iyo
sheegashada Ururka Al-shabaab intaba.
Deegaannada lagu dagaalamay waxaa dhawaan booqday madaxweynaha dowladda
Soomaaliya Maxamed Cabdullaahi Farmaajo oo halkaa kula hadlay ciidamada
dowladda.
C/raxmaan Diini,
Hiiraan Online
[email protected]
