Hoggaamiyaasha diimaha oo ku baaqay midnimo wixii ka danbeeyay qaraxii Sri Lanka
Khamiis, April, 25, 2019 (HOL)- yadoo dalka Sri Lanka ay ka dhaceen qarxyo
waaweyn oo galaaftay nolasha boqolaal dad ah ayaa jiray kulan ay soo abaabuleen
hoggaamiyaasha diimaha oo looga hadlay sidii loo heli lahaa midnimo guud iyo
xasilooni lagu soo dabbaalo dalkaasi.
Kulanka oo ay ka qeyb-galeen safiirro ka kala socda dlalka muslimka
ah,hoggaamiyaasha diimaha dalka Sri Lanka iyo hoggaamiyaha Kaniisadda
Katooligga,mwaxaa lagu baaqay in la muujiyo deganaan,isla markaana
lala yimaado iscafin iyo wax wada qabsi.
Boqolaal muslimiin ah ayaa ka cararay deegaanka Negombo on dhaca
xeebaha galbeed ee dalkaasi,halkaasi oo qaar ka mid ah weerarada aargoosiga ah
ay ka dhaceen .
Maalinimadii Axadda ee la soo dhaafay waxaa qaraxyo argagixiso ah lala
beegsaday Hoteello iyo Kaniisado ku yaalla dalka Sri Lanka, waxaana ku dhintay
in ka badan 3-boqol oo ruux.
Dowladda ayaa qiratay in ay ka gaabiyeen howshii loo idmaday,waxaana
Madaxweynaha dalkaasi uu soo saaray waregto uu ku dalbanaayo in ay iscasilaan
taliyaasha ciidamada .
C/raxmaan Diini,
Hiiraan Online
[email protected]