Talaado, April, 02, 2019 (HOL) –
Iyadoo labo kulan uu yeelan lahaayeen xildhibaannada Golaha Shacabka u baaqdeen
khlaaf ka dhashay Ajandaha ay tahay in uu goluhu ku dooddo, ayaa kulan gaar ah
oo ay ku yeesheen Muqdisho guddiga joogtada ah ee Golaha Shacabka waxaa looga
hadlay sidii leys kula meel dhigi lahaa ajandaha kulamada Golaha Shacabka ee
soo socda.
Xoghayaha guud ee golaha shacabka oo kulanka
kaddib la hadlay warbaahinta ayaa sheegay in xubnaha Guddiga joogtada ah ay aad
uga hadleen sidoo kalena ay falan-qeeyeen dejinta iyo u diyaar garowga sidii
loo dejin lahaa Ajendayaasha kulamada la filayo in fadhigan ay u qabsoomaan
golaha,
Xoghayaha ayaa intaa ku daray in laga wada hadlay
ilaalinta waqtiga kulamada Barlamaanka taasi oo si aad ah loo adkeyn doono
maadaama labo Kulan oo kal-fafhigan 5aad ay u baaqdeen kooram la’aan
Xillibaanadda ah si loo dardar geliyo hawlaha sharci dejineed ee golaha
shacabka.
Qaar ka mid ah xildhibaannada Golaha Shacabka ayaa
ku eedeeyay guddoonka in uu mari-habaabinayo golaha iyaga oo sheegay in shaqada
ugu weyn ee Golaha hortaala tahay ka dooddista xaalada Amniga ee dalka iyo la
xisaabtanka xukuumadda oo sida ay hadalka u dhigeen laga war-wareegayo.
Labo kulan oo si xigay kalfadhiga Shanaad ee
Golaha Shacabka ayaan qabsoomin sababo la xiriira khilaaf u dhaxeeya
xildhibaannada Golaha Shacabka oo ku kala aragti duwan Ajandaha looga dooddayo
kulamada ugu soo horeeya ee Golaha Shacabka.
C/raxmaan Diini,
Hiiraan Online
[email protected]
