4/21/2019
Today from Hiiraan Online:  _
Wararka Maanta- Talaado, Apr 16, 2019
Madaxweyne Farmaajo oo xalay la kulmay saraakiisha Booliiska


 

Talaado, April, 16, 2019 (HOL) –Madaxweynaha dowladda Soomaaliya Maxamed Cabdullaahi Farmaajo oo xalay booqday xarunta taliska Booliiska Soomaaliyeed ayaa kulan gaar ah halkaa kula yeeshay saraakiisha ciidamada booliiska.

Taliye ku-xigeenka Booliiska Soomaaliya Zakiya Xusseen Axmed oo kulanka kaddib warbaahinta la hadashay ayaa sheegtay in madaxweynuhu kula dardaarmay saraakiisha in ay xoojiyaan sugida Amniga magaalada Muqdisho, isaga oo dhinaca kalana digniin u diray saraakiisha iyo askarta lagu helo musuqmaasuqa iyo dhibaateynta shacabka.

‘’Madaxweynaha kulanka aan la qaadanay wuxuu ahaa mid dhiirigalin ah iyo Booliiska uu ku booriyay in ay qaataan doorkooda la xiriira sugida Amniga dalka, gaar ahaan magaalada Muqdisho iyo in ay tusaale u noqdaan ciidamada intooda kale, sidoo kale madaxweyuhu waxaa uu ka digay saraakiishana faray in gacan adag lagu wajaho saraakiisha iyo askarta lagu helo musuqmaasuqa iyo dhibaateynta shacabka ayeey tiri’’ taliye ku-xigeenka Booliiska Soomaaliyeed.

Booqashada madaxweynaha ee xarunta Taliska Booliiska ayaa imaneysa xili maalmihii ugu danbeeyay cabasho xoogan laga muujinayay hab dhaqanka ciidamada ee bulshada iyaga oo ku eedeysan dilal siyaabo kala duwan loogu geystay dad shacab ah.

Saraakiisha Laamaha Amniga dowladda Soomaaliya ayaa wali wax war ah ka soo saarin halka uu ku danbeeyay askari magaalada Muqdisho ku toogtay Wiil iyo Abtiggii oo wada saarnaa gaari Mooto Bajaaj ah.

C/raxmaan Diini, Hiiraan Online
[email protected]

 







Click here
4/16/2019 1:34 PM EST
Talaado, April, 16, 2019 (HOL)–Taliye Ku-xiggeenka ciidamada Booliska Soomaaliyeed Sarreeye guuto Zakiya Xuseen Axmed oo shir jaraa’id ku qabatay magaaladda Muqdisho, ayaa warbaahinta sharaxaad ka siisay howlgalada amniga lagu sugayo ee ciidamada ammaanka ay ka wadaan Muqdisho.

4/16/2019 9:58 AM EST
Talaado, April, 16, 2019 (HOL)–Shirka wada-tashiga wasaaradaha boostada iyo isgaarsiinta ee federaalka iyo dawlad-goboleedyada ayaa maanta ka furmay magaalada Muqdisho.

4/16/2019 9:02 AM EST
Talaado, April, 16, 2019 (HOL) –Maamulka Hirshabelle cabasho xooggan keenay habka loo qayb-saday Dhaqaalaha loogu talo galay ka hortagga masiibooyinka, islamarkaana Hirshabelle saami aad u yar laga siiyay, ayaa mas’uuliyiinta Hirshabelle, waxaa ay sheegeen haddii dowladda aysan wax ka qaban cabashadaasi in ay qaadayaan tallaabooyin.

4/16/2019 7:44 AM EST
Talaado, April, 16, 2019 (HOL)–Xisbiga mucaaradka ah ee WADANI ayaa ka hadlay Mawqifka xisbiga ee arrimaha doorashooyinka, cabashada ka taaggan dhulka laga dhisayo madaxtooyada cusub iyo hoos u dhaca Doollarka ee aanay la jaanqaadin maceeshaddu.

4/16/2019 7:40 AM EST
Talaado, April, 16, 2019 (HOL)–Xaflad uu xilka kula wareegayay Wasiirka cusub ee Wasaaradda Arrimaha Dastuurka ee XFS ayaa maanta ka dhacaday xarunta Wasaaradda.

4/16/2019 5:14 AM EST
Talaado, April, 16, 2019 (HOL) – Madaxweynaha Puntland ,Siciid Cabdullaahi Deni ayaa la kulmay jaaliyadda Puntland ee Imaaraadka Carabta. Munaasabaddan ayaa waxa kasoo qayb galay masuuliyiin ka tirsan Golaha xukuumadda Dowladda Puntland, qunsulka Soomaliya u fadhiya Imaaraadka, Maamulka Jaaliyadda Puntland ee Imaaraadka, Siyaasiyiin xilal kala duwan kasoo qabtay Puntland iyo Jaaliyadda Puntland ee Imaaraadka.

4/16/2019 3:19 AM EST
Talaado, April, 16, 2019 (HOL) –Shirkadda Turkish Airline ayaa u balanqaaday dowladda Somaaliya in ay tababar siin doonto duuliyayaal cusub oo loo qaadan doono shirkaddaha diyaarada Somali Airline iyadoo dhanka kalana tababar kooban Refreshment ah la siin doono qaar ka mid ah duuliyayaashii hore shirkadda.

4/16/2019 2:45 AM EST
Talaado, April, 16, 2019 (HOL)–Wararka ka imanaya dalka Koonfur Africa ayaa sheegaya in xalay koox burcad ah ku dishay magaalada King Willaims Ganacsade Soomaaliyeed oo lagu magacaabi jiray Mukhtaar Cumar.

4/16/2019 12:39 AM EST
Talaado, April, 16, 2019 (HOL)–Ugu yaraan siddeed ruux ayaa dhimatay kuwo kale oo badanna way dhaawacmeen ka dib markii ay dabayl xoog badan iyo roobab mahiigaanno ah ku dhufteen dhawr gobol oo koonfurta Maraykanka ku yaalla.

4/16/2019 12:34 AM EST
Talaado, April, 16, 2019 (HOL) – Faah faahinno dheeraad ah ayaa ka soo baxaya duqeyn lagu dilay ku-xigeenka Ururka Daacish ee dalka Soomaaliya Cabdixakiin Dhocob, waxaana dilkan faah faahin dheeraad ah ka bixiyay taliska Mareykanka ee Africom,.