Khamiis, April, 11, 2019 (HOL) –Milatariga dalka
Suudaan ayaa tagay waddooyinka halbawlaha ah iyo buundooyinka ku yaalla
magaalada Khartuum, sida ay ku warramayso wakaaladda wararka ee Reuters oo soo
xiganaysa goobjooge aysan magaciisa shaacin.
Shacabka
ayaa halkudhag ka dhigtay “dawladdii way dhacday” waan guulaysanay, sida uu qof
goobjooge ah u sheegay wakaaladda wararka ee Reuters.
Kumannaan ruux ayaa ku sii
qulqulaya bannaanka wasaaradda difaaca ee caasimadda dalka Suudaan ee Khartuum,
waxayna rabaan in ay ku biiraan dadka mudaaharaadaya ee dalbanaya in uu is
casilo madaxweyne Cumar Xasan Al Bashiir oo dalkaas soo maamulayay 30 sano.
Waxaa jira warar la isla dhexmarayo oo sheegaya in uu jiro isku day afgambi
oo ka dhan ah madaxweynaha dalka Suudaan Cumar Xasan Al Bashiir, kaddib markii
warbaahinta dawladdu ay sheegtay in milatarigu uu “baahin doono war muhiim ah”,
sida ay ku warranay wakaaladda wararka ee Reuters.
Habeenkii
Arbacada dadka mudaaharaadaya ayaa sii waday in ay ku sii nagaadaan bannaanka
wasaaradda difaaca ee magaalada caasimadda ah ee Khartuum, waxayna dalbanayaan
in madaxweynuhu uu is casilo.
C/raxmaan Diini,
Hiiraan Online
[email protected]
