Madaxweyne Waare : Waa in Dowladda Sooomaaliya Itoobiya kala hadasho arinta biyo la’aanta Wabiga Shabeellle
Arbaco, April, 10, 2019 (HOL) –Madaxweynaha maamul gobolleedka Hirshabeelle Maxamed Cabdi Waare oo maanta khudbad ka jeedinayay munaasabad lagu soo bandhigay abuurka bariis cusub oo lagu qabtay Jowhar ayaa ku baaqay in Itoobiya lagala hadlo biyo la’aanta wabiga Shabeelle.
Wuxuu sheegay si loo hormaryo
tabacbka bariiska oo ah mid u baahan biyo badan looga fadhiyo dowladda
Soomaaliya in ay soo fara-galiso sida uu hadalka u dhigay biya la’aanta
xiliyada deyrta inta badan ku dhacda wabiga shabeelle.
Waare ayaa ugu baaqay dowladda
Soomaaliya in ay wada hadal kala sameyso dowladda Itoobiya mareynta biyaha
wabiga si beeraleyda Soomaaliyeed uga faa’ideystaan xiliyada jilaalka.
‘’Dowladda Soomaaliya sida
sharciga caalamiga ah uu qabo waa in wada hadal dhab ah kala yeelataa dowladda
Itoobiya arinta biyo la’aanta xiliyada jilaalka soo food saartay wabiga
Shabeelle ayuu yiri madaxweyne Waare.
Abuurkan cusub ee Bariiska ayaa
waxaa maanta magaalada Jowhar ku soo bandhigtay shirkad lagu magacaabo
Danwadaag, waxaana ka qeybgalay munaasabada daah furka madaxweynaha Hirshabeele
iyo mas’uuliyiin ka tirsan maamulka.
C/raxmaan Diini,
Hiiraan Online
[email protected]