Dowladda Belgium oo shaacisay in ay aqoonsatay baasaboorka Shaqaalaha iyo kan Diblomaasiga ee Soomaaliya
Isniin, April, 01, 2019 (HOL)– Dowladda Belgium ayaa
markii ugu horeysay ku dhawaaqday in ay si rasmi ah u aqoonsatay Baasaboorka Shaqaalaha iyo midka
Diblomaasiga ee Soomaaliya ee loo yaqaano Service and Diplomatic.
Warkan ayaa waxaa soo saaray Safaarada dowladda
Belgium ay ku leedahay magaalada Nairobi, iyadoo sheegtay in ay ku
faraxsantahay tallaabada ay ku aqoonsatay baasaboorka.
“Safaaradda waxaa ay ku faraxsannahay in aan shaacino laga bilaabo maanta in ay dowladda Belgium aqoonsnatay baasaboorka
Shaqaalaha iyo kan Diblomaasiyiinta ee Soomaaliya” ayaa lagu yiri qoraal lagu
soo dabaacay Twitter-ka Safaarada.
Safiirka Soomaaliya ee Belgium Ali Sacid Fiqi oo la hadlay Hiiraan Online ayaa sheegay in basabooradan la aqoosaday yihin kuwii la daabacay wixii ka danbeeyay 2014kii, waxaana uu intaa ku daray in bisha January sanadka 2020ka qorsheyneyso dowladda Belgium -ka in ay aqoonsato Basaboorka caadiga ah ee Soomaaliga.
Basaboorka Soomaaliga waxaa horay u aqoosaday dowladdo dhowr ah oo ka tirsan qaaradda Yurub.
Arrintan ayaa sida la sheegay waxaa si wadajir
ah ay uga shaqeeyey Wasaaradda Arrimaha Dibedda iyo Hay’adda Socdaalka iyo
Jinsiyadda Soomaaliya.
C/raxmaan Diini,
Hiiraan Online
[email protected]