3/29/2024
Today from Hiiraan Online:  _
Wararka Maanta- Isniin, Apr 1 , 2019
Salaadiin xukuumadda Somaliland uga digtay in ganacsade Axmed Cismaan Geelle loo gacan galiyo Jabuuti

 

Isniin, April, 01, 2019 (HOL)–Odayaal iyo waxgarad ka soo jeeda beesha Arab ayaa shir jaraa’id oo ay qabteen waxaa ay uga digeen xukuumadda Somaliland in ganacsade Axmed Cismaan Geelle loo gacan galiyo dowladda Jabuuti.

Gaar ahaan odayaasha shirka jaraa’id ka hadlay ayaa madaxweyne Muuse Biixi Cabdi looga baahan yahay in uu dhug u yeesho sida ay hadalka u dhigeen arrimaha qaar ka mid ah wasaarraddiisa ku doonayaan in ay ganacsadaha ugu gacan galiyaan dowladda Jabuuti.

Odayaasha kulanka ka qeybgalay oo ay ka mid ahaayeen Suldaanka guud ee beelaha Arab Suldaan Cumar Suldaan Maxamed Suldaan Faarax, Suldaan Barre Xaaji Cilmi, Suldaan Cabdullaahi Leeb iyo Suldaan Saciid Cabdullaahi Jaamac Hariye ayaa dhamaantood ku tilmaamay tallaabo keeni karta cawaaqi aan wanaagsaneyn haddii aysan xukuumadda Somaliland u dhaga-nuglaan baaqoodan.

‘’Annaga waxaan is leenahay madaxweynuhu kama dhaga la’a arrimaha ay ka shaqeynayaan Wasaarraddiisa, sidaa daraadeed waan ka digeynaa in arinkan, waxey keeni kartaa in beesha oo idil ay ka fiirsato taageerrada ay u heyso xukuumadda’’ ayeey ku sheegeen shirkooda jaraa’id.

Shirka jaraa’id ee odayasha ayaa daba socda qoraal horay uga soo baxay Wasaarradda Cadaallada Somaliland oo lagu faray laamaha Amniga qabashada Ganacsade Axmed Geelle oo ka soo jeeda dalka Jabuuti, iyaga oo ku eedeeyay in uu yahay shaqsi danbi ka soo galay dalkiisa.

Hasse ahaatee odayaasha warbaahinta la hadlay ayaa ku tilmaamay tallaabada ay qaadayaan qaar ka mid ah Wasarraddaha mid aan u wanagsaneyn jirintaanka shuruucda iyo qawaaniinta Somaliland oo sida ay hadalka u dhigay aan loo daba-fariisan dowlad kale.

‘’Mudane madaxweyne [Muuse Biixi] waxaan leenahay koormaa sharuucdeenii iyo qawaaniintii aynu dhiganay loo gacan galiyay dowlad kale, weynu ognahay waxa ka dhaxeeya ganacsadaha iyo dowladda Jabuuti iyo sababaha uu uga soo cararey intaba, sidaa daraadeed weynu ka digeynaa arinkan ah in loo dhiibo ganacsade Geelle dowladda Jabuuti’’ayeey sheegeen odayaashan shirka jaraa’id qabtay.

Ganacsadahan aya isaga soo baxsaday dalka Jabuuti kaddib khilaaf xoogan soo kala dhaxgalay isaga iyo xukuumadda taasoo keentay in maxkamada dalkaasi Jabuuti ay waaran u jarto isaga oo dalka ka maqan qabashadiisa.

C/raxmaan Diini, Hiiraan Online
[email protected]

 













Click here
4/1/2019 2:26 PM EST
Isniin, April, 01, 2019 (HOL)– Dowladda Belgium ayaa markii ugu horeysay ku dhawaaqday in ay si rasmi ah u aqoonsatay Baasaboorka Shaqaalaha iyo midka Diblomaasiga ee Soomaaliya ee loo yaqaano Service and Diplomatic.

4/1/2019 11:48 AM EST
Isniin, April, 01, 2019 (HOL)–Xaafada Addis kella ee Diridhabe waxaa maanta ka dhacay banaan bax ay isugu soo baxeen shacabka Soomaaliyeed ee xaafaddaas deggan iyagoo watay boodhadh ay ku qornaayeen " Waxaanu doonaynaa Cadaalad ".

4/1/2019 11:41 AM EST
Isniin, April, 01, 2019 (HOL)– Waxaa si rasmi ah u furmay shirwaynihii 10aad ee Xisbiga Dimuqraadiga Shacabka Soomaalida Itoobiya, shirwaynahan ayaa waxaa kasoo qayb galay dhammaan xubnaha Xisbiga, Odayaasha degaanka iyo waxgaradka, iyo sidoo kale xubno ka socday Xisbiyada degaamada dalka.

4/1/2019 8:42 AM EST
Isniin, Apriil,0 1, 2019 (HOL)- Xisbiga mucaaradka ah ee WADDANI ayaa sheegay in wada hadalkii u dhexeeyey xisbiga KULMIYE iyo WADDANI ee ku saabsana xaga doorashooyinka uu natiijo la’aan ku soo dhamaaday.

4/1/2019 8:40 AM EST
Isniin, Apriil,0 1, 2019 (HOL)- Madax dhaqameed reer Hargeysa ah ayaa xukuumada Somaliland ku eedeeyey inay doonayso inay dawladda Jabuuti u gacangaliso ganacsade Axmed Cismaan Geelle oo dawlada Jabuuti dalbatay in loo soo qabto.

4/1/2019 7:20 AM EST
Isniin, April, 01, 2019 (HOL)–Ra’iisal wasaaraha xukuumadda Soomaaliya Xassan Cali Kheyre oo khudbad ka jeediyay furitaankii Kalfadhiggii 5aad ee golaha Aqalka, ayaa sheegay in uu wakiil ka yahay madaxweynaha oo aan ka soo qeybgalin munaasabada.

4/1/2019 7:02 AM EST
Isniin, April, 01, 2019 (HOL)– Guddomiyaha Gobolka Banaadir ahna Duqa Muqdisho C/raxman Cumar Cusmaan (Eng. Yariisow) ayaa faray laamaha amniga in gacanta lagu soo dhigo askarigii dilka u geystay muwaadin Bajaajle ah, si caddaaladda loo horkeeno.

4/1/2019 6:42 AM EST
Isniin, April, 01, 2019 (HOL)– Isgoyska KM4 waxaa isku socodka dadka iyo gaadiidka xayiray dibadbax ay dhigayaan Darawalada ku shaqeysta gaadiidka yaryar ee Mooto Bajaajka, kuwaa oo ka cabanaya dilalka joogta noqday oo ay ciidamada dowladda ku hayaan.

4/1/2019 1:28 AM EST
Isniin, April, 01, 2019 (HOL)– Maanta oo Isniin ah 01-April ayaa lagu wadaa in uu furmo Kalfadhiggii 5aad ee Golaha Aqalka sare, waxaana la filayaa in ay ka qeybgalaan munaasabada madaxda ugu sareysa Qaranka.

4/1/2019 1:03 AM EST
Isniin, April, 01, 2019 (HOL)– Saacadihii ugu danbeeyay waxaa magaalada Muqdisho qeybo ka mid ah howlgal lagu xaqiijinayo nabad-galyada ka sameeyay ciidamo ka tirsan kuwa Booliiska Soomaaliya, waxaana uu howlgalkan qeyb ka noqonayaa amarkii ka soo baxay maamulka gobolka Banaadir ee la xiriiray sugida Amniga magaalada.

4/1/2019 12:53 AM EST
Isniin, April, 01, 2019 (HOL) – Warar ay goor dhaw heshay Hiiraan Online ayaa sheegaya in mar kale uu maanta baaqday kulan ay yeelan lahaayeen xildhibaannada Golaha Shacabka.