9/25/2018
Today from Hiiraan Online:  _
Wararka Maanta- Axad, Sept 9 , 2018
Wejigii labaad mashruuc Indho fiiqis bilaash ah oo ka socda Magaalada Kismaayo



Axad, September, 09, 2018 (HOL) – Wejigii labaad ee mashruuc indho fiiqis bilaash ah loogu sameynayo dadka danyarta ah ayaa ayaa ka socda magaalada Kismaayo ee gobolka Jubada hoose.

Waxaa iska kaashaday fulinta Mashruucan Ururka dhaqaatiirta dalka Turkiga, hay’adda Al-Nuur Foundation Somalia iyo Isbitaalka Daryeel ee magaalada Kismaayo, sida uu sheegay Dr. C/risaaq Axmed Dalmar oo ah agaasimaha heyadda Al-Nuur Foundtion, kana mid ah dhaqaatiir isugu jirta Soomaali iyo Pakistaniyiin fulinaya mashruucan samafalka ah.

Dr. Dalmar ayaa intaa ku daray in mashruucan ay sanad walba afar jeer ka sameeyaan qeybo ka mid ah dalka, uuna soo socday muddo ka badan toban sano, isagoo si gaar ah ugu mahadceliyay Isbitaalka daryeel ee magaalada Kismaayo oo howsha indho fiiqista marti geliyey.

“Wejiga labaad ee mashruucan samafalka oo hadda aan ka wadno Kismaayo waxaa ka faa’iideystay dad gaaraya 3,824 qof oo loo sameeyey daweyn dhinaca indhaha ah, 1984 qof waxaa la siiyey Muraayadaha arraga, iyadoo indhaha loo fiiqay dad kale oo tiradoodu gaareyso 489 qof, guud ahaan dadkan wax lacag ah oo laga qaaday ma jirto, waxayna ka kala yimaadeen magaalada Kismaayo iyo degaano ka tirsan Jubbooyinka” ayuu yiri Dr. Dalmar oo u mahad celiyey heyadaha iyo dhamaan shaqsiyaadka gacanta ka geystay taaba galka mashruucan.

Mashruucan wejigiisa koowaad waxaa laga fuliyey todobaadkii hore isbitaalka Indhaha Al-Nuur ee magaalada Muqdisho, waxaana indhaha loogu fiiqay dad kun qof gaaraya, iyadoo daweyn iyo ookiyaalaha arraga la siiyey kumanaan kale oo laga soo xulay xeryaha barakacayaasha Muqdisho.

Masuuliyiinta Isbitaalka Daryeel ee magaalada Kismaayo ayaa iyana sheegay iney ku faraxsan yihiin qabsoomida mashruucan iyagoo faahfaahin ka bixiyey adeegyada uu isbitaalkoodu ugu talo galay dadka indhaha loo fiiqayo.

Qaar ka mid ah dadkii ka faa’iideystay mashruucan oo la hadlay warbaahinta ayaa ka mahad celiyay mashruucan indhaha loogu fiiqay iyagoo xusay ineysan jirin wax lacag ah oo laga qaaday, waxayna u duceeyeen dhammaan intii ka qeyb qaadatay.

Isbitaalka Daryeel ee magaalaada Kismaayo ayaa maalmahan waxaa ka jira mashquul fara badan, iyadoo ay soo buuxiyeen dad arraga la’ oo rag iyo dumarba leh kuwaasoo qaarkood degaano fog uga soo hayaamay sidii ay uga faa’iideysan mashruucan bilaashka ah oo socon doona illaa dabayaaqada todobaadkan.

Mashruucan indho fiiqista bilaashka ah oo soo socday muddo 13 sano ah laga soo bilaabo sanadkii 2005 ayaa waxa ka faa’iideystay dad kumanaan gaaraya oo ku kala sugnaa magaalada Muqdisho iyo gobolada dalka qaarkood, iyadoo heyadaha ka qeyb qaadanaya ay sheegeen in ujeedaddiisu tahay la dagaalami indha la’aanta oo Soomaaliya ay safka hore ka gashay dalalka ay ka jirto sida lagu sheegay qiimeyn ay horey u sameeyeen heyaddo caalami ah.

Xasan Nuur, Hiiraan Online
[email protected]
Kismaayo-Soomaaliya. 







Click here
9/9/2018 1:03 PM EST
Axad, September, 09, 2018 (HOL) – Gudiga nabadaynta isu xilqaamay daminta colaadii ka dhex qaraxday labada beelood ee Koonfurta G Sool wada daga ayaa maanta ka warbixiyey wixii u qabsoomey labadii maalmood ee ay ku sugnaayeen magaalooyinka Dhumay iyo kalabaydh.

9/9/2018 11:42 AM EST
Axad, September, 09, 2018 (HOL) –Kaddib qoraal wada jir ah oo ay soo saareen xibiyada mucaaradka dalka oo ay wehliso Kutlada baarlamaamniga ah ee Horusocod waxaa lagu taageeray go’aankii madaxda dowlad gobolleedyada dalka ay xiriirkii wada shaqeynta ugu jareen dowladda dhexe ee Soomaaliya.

9/9/2018 10:03 AM EST
Axad, September, 09, 2018 (HOL)–Ra’iisul wasaaraha xukuummadda federaalka Soomaaliya, mudane Xasan Cali Khayre, ayaa maanta dhagax-dhigay xarunta wasaaradda qorshaynta, maalgashiga iyo horumarinta dhaqaalaha oo lagu samaynayo dib-u-dhis ballaaran.

9/9/2018 8:19 AM EST
Axad, September, 09, 2018 (HOL)-Inta la xaqiijinayo 17 ruux ayaa ku dhimatay Axadii maanta kaddib markii ay bur burtay diyaarad ka anbabaxday Garoonka diyaaradaha magaalada Jubba ee dalka Koonfurta Sudan kuna sii jeeday magaalada lagu magacaabo Yirol.

9/9/2018 3:22 AM EST
Axad, September, 09, 2018 (HOL)-Madaxweynaha Soomaaliya,Maxamed Cabdullaahi Farmaajo ayaa saacadihii dambe ee Sabtidii ka ruqseeyay hay'adda nabadsugidda iyo sirdoonka qaranka ee NISA, Sareeye Guuto Cabdalla Cabdalla Maxamed,wareegtada uu soo saarey madaxweynaha waxaa kalo lugu caddeeyay in laga dhigey dhammaan darajooyinkii ciidan,kaddib soojeedin ka timid agaasimaha guud ee NISA.

9/9/2018 2:46 AM EST
Axad, September, 09, 2018 (HOL)-Eritrea ayaa dib ugu biireysa urur goboleedka IGAD iyadoo munaasabad loogu oggolaanayo lagu wado in lagu qabto magaalada Addis Ababa toddobadka dambe.

9/9/2018 1:50 AM EST
Axad, September, 09, 2018 (HOL)-Madaxweynaha Dowlad Deegaanka Soomaalida ee Itoobiya Mustafe Muxumed Cumar ayaa ciidammada Liyu booliska ugu baaqay inay ilaaliyaan xuquuqda aadanaha marka ay gudanayaan howlaha loo igmaday.

9/9/2018 1:32 AM EST
Axad, September, 09, 2018 (HOL)- Maamulka Gobolka Banaadir ayaa fuliyey qorshaha dib-u- soo celinta dhulka Danta Guud oo Jardiinka Number Afar la banneeyey oo dhismihii laga burburiyey si bilicdii Dar-jiinooyinka la soo celiyo.

9/9/2018 1:01 AM EST
Axad, September, 09, 2018 (HOL)-Madaxweyne ku-xigeenka Puntland,Cabdixakiim Cabdullaahi Cumar (Camey) oo ka hadlay shirka madasha wada-tashiga dowlad-gobolleedyada ee lugu soo gabagabeeyay magaalada Kismaayo, wuxuu sheegay inaysan maslaxad ugu jirin bulshadda Soomaaliyeed.