9/24/2018
Today from Hiiraan Online:  _
Wararka Maanta- Axad, Sept 9 , 2018
17 ruux oo ku dhimatay bur bur diyaaradeed dalka Koonfurta Sudan


 

Axad, September, 09, 2018 (HOL) – Inta la xaqiijinayo 17 ruux ayaa ku dhimatay Axadii maanta kaddib markii  ay bur burtay diyaarad ka anbabaxday Garoonka diyaaradaha magaalada Jubba ee dalka Koonfurta Sudan kuna sii jeeday magaalada lagu magacaabo Yirol.

Saddex ruux ayaa la sheegay in laga soo badbaadiyay diyaaradaha, halka labo ruux kalana la la-yahay, dadka la soo badbaadiyay ayaa waxaa ka mid ah dhakhatar u dhashay dalka Talyaaniga oo uu soo gaaray dhaawac culus.

Saddex ka mid ah guud ahaan rakaabka diyaaradaha oo ahaa 22 ayaa la sheegay in ay carruur ahaayeen, sida ay goob joogayaal sheegeen.

David Subek, oo ah madaxa laanta socdaalka Koonfurta Sudan ayaa warbaahinta u xaqiijiyay bur burka diyaaradan.

Horay dalka Koonfurta Sudan waxaa uga ka dhacay marar kala duwan bur bur diyaaradeed gaar ahaan sanadkii ugu danbeeyay 2017.

2015kii ayeey aheyd markii diyaarad kuwa xamuulka qaada ah oo laga lahaa dalka Ruushka ay bur burtay xili ay ka duuleysay garoonka diyaaradaha magaalada Jubba.

C/raxmaan Diini, Hiiraan Online
[email protected]

 

 

 







Click here
9/9/2018 1:03 PM EST
Axad, September, 09, 2018 (HOL) – Gudiga nabadaynta isu xilqaamay daminta colaadii ka dhex qaraxday labada beelood ee Koonfurta G Sool wada daga ayaa maanta ka warbixiyey wixii u qabsoomey labadii maalmood ee ay ku sugnaayeen magaalooyinka Dhumay iyo kalabaydh.

9/9/2018 11:42 AM EST
Axad, September, 09, 2018 (HOL) –Kaddib qoraal wada jir ah oo ay soo saareen xibiyada mucaaradka dalka oo ay wehliso Kutlada baarlamaamniga ah ee Horusocod waxaa lagu taageeray go’aankii madaxda dowlad gobolleedyada dalka ay xiriirkii wada shaqeynta ugu jareen dowladda dhexe ee Soomaaliya.

9/9/2018 10:25 AM EST
Axad, September,09, 2018 (HOL)–Wejigii labaad ee mashruuc indho fiiqis bilaash ah loogu sameynayo dadka danyarta ah ayaa ayaa ka socda magaalada Kismaayo ee gobolka Jubada hoose.

9/9/2018 10:03 AM EST
Axad, September, 09, 2018 (HOL)–Ra’iisul wasaaraha xukuummadda federaalka Soomaaliya, mudane Xasan Cali Khayre, ayaa maanta dhagax-dhigay xarunta wasaaradda qorshaynta, maalgashiga iyo horumarinta dhaqaalaha oo lagu samaynayo dib-u-dhis ballaaran.

9/9/2018 3:22 AM EST
Axad, September, 09, 2018 (HOL)-Madaxweynaha Soomaaliya,Maxamed Cabdullaahi Farmaajo ayaa saacadihii dambe ee Sabtidii ka ruqseeyay hay'adda nabadsugidda iyo sirdoonka qaranka ee NISA, Sareeye Guuto Cabdalla Cabdalla Maxamed,wareegtada uu soo saarey madaxweynaha waxaa kalo lugu caddeeyay in laga dhigey dhammaan darajooyinkii ciidan,kaddib soojeedin ka timid agaasimaha guud ee NISA.

9/9/2018 2:46 AM EST
Axad, September, 09, 2018 (HOL)-Eritrea ayaa dib ugu biireysa urur goboleedka IGAD iyadoo munaasabad loogu oggolaanayo lagu wado in lagu qabto magaalada Addis Ababa toddobadka dambe.

9/9/2018 1:50 AM EST
Axad, September, 09, 2018 (HOL)-Madaxweynaha Dowlad Deegaanka Soomaalida ee Itoobiya Mustafe Muxumed Cumar ayaa ciidammada Liyu booliska ugu baaqay inay ilaaliyaan xuquuqda aadanaha marka ay gudanayaan howlaha loo igmaday.

9/9/2018 1:32 AM EST
Axad, September, 09, 2018 (HOL)- Maamulka Gobolka Banaadir ayaa fuliyey qorshaha dib-u- soo celinta dhulka Danta Guud oo Jardiinka Number Afar la banneeyey oo dhismihii laga burburiyey si bilicdii Dar-jiinooyinka la soo celiyo.

9/9/2018 1:01 AM EST
Axad, September, 09, 2018 (HOL)-Madaxweyne ku-xigeenka Puntland,Cabdixakiim Cabdullaahi Cumar (Camey) oo ka hadlay shirka madasha wada-tashiga dowlad-gobolleedyada ee lugu soo gabagabeeyay magaalada Kismaayo, wuxuu sheegay inaysan maslaxad ugu jirin bulshadda Soomaaliyeed.